Lalandak

Lalandak disebut ogé gasrok nyaéta pakakas pikeun méré sihan hama jujukutan (gulma) anu harirup dina sela-sela dapuran paré, wangunna kawas gilinding anu carucukan dijieun tina kai atawa beusi, cucukna dijieun tina beusi bisa ogé dijieun tina paku anu dielukeun tungtungna^[1]. Lalandak dipaké mangsana usum ngarambét^[2], jukut jeung hama anu ngaganggu tangkal paré digiles ku cucuk lalandak nepika ngerelep kana leutak engkena éta hama bakal jadi gemuk pikeun tangkal paré^[3].

Pedaran

Datang mangsana ngarambét, Lalandak mangrupa pakakas anu loba dipaké ku patani di sawah tradisional sagigireun ngarambét ku jalan dicabutan maké leungeun, pikeun sawah anu dipelakan lauk kauntungan maké lalandak nyaéta cai anu ngeueuman sawah henteu kudu disaatan cukup dikurangan wungkul, jadi henteu miceunan cai jeung waktu migawé leuwih gancang tur henteu ngaganggu kana lauk.^[4]

Béda jeung méré sihan hama paré ku jalan ngarambét nyaéta nyabutan hama maké leungeun, cai anu ngeueuman sawah kudu disaatan heula nepika témbong leutakna. Hama paré kayaning : jukut, écéng, génjér jeung sajabana kakara dicabutan. di mana geus beunang sakeupeul tuluy dilelepkeun kana leutak kitu jeung kitu nepi ka bérésna, tampolana éta hama digusur ka sisi sawah tuluy ditaékeun kana galengan sangkan paraéh kapoé, témpona bérés ngarambét sawah masih kénéh kudu disaatan kurang leuwih dua nepika tilu poé, sangkan jujukutan bener-bener paraéh, kakara dicaian deui.^[5]

Maksud jeung tujuan ngarambét/ méré sihan jujukutan disabudeureun dapuran paré ku lantaran bisa ngagangu kana tangkal paré dina nyerep nutrisi, ''hara'', cahaya jeung CO2 anu dipibutuh ku tangkal paré pikeun hirup, ogé bisa waé dipaké nyayang pikeun hama paré saperti, walang, Wereng coklat (Nilaparvata lugens), Hama bodas (Chanaphalocrosis medinalis) jeung sajabana^[6], tangtuna bakal ngabalukarkeun gangguan pikeun tangkal paré antukna bisa nurunkeun jumlah beubeunangan panén.^[7]

Lalandak dina basa Sunda bisa waé mibanda harti liang kubur/ liang lahat ^[8] atawa sédong ^[9]

Écéng salah sahiji hama pikeun tangkal paré
Rupa-rupa pakakas pikeun méré sihan hama jukut
Gambar keur ngarambét di sawah

Tempo ogé

dicutat tina

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.

Tutumbu kaluar

[1] Lalandak téh nyaéta

[2] Ngarambét hartina meresihan jukut liar

[3] Lalandak carucukan tina paku atawa beusi

[4] Make lalandak sawah teu perlu disaatan

[5] Kaslan A. Tohir, Pedoman bertjotjok tanam: bagian 1-3, Volume 2, kaca 41-43 , Balai Pustaka, Kementerian P.P. dan K., 1954

[6] Hama paré Archived 2016-08-18 di Wayback Machine

[7] Maksud jeung tujuan ngarambet

[8] Lalandak harina liang kubur

[9] Lalandak mibanda harti sédong atawa liang kubur

[1]

[2]

[3]

[4]

[5]

[6]

[7]

[8]

[9]