Lésitin

Lésitin biasana dipaké salaku sinonim pikeun fosfatidilkolin, hiji fosfolipid nu mangrupa komponén utama fraksi fosfatida nu bisa diékstraksi tina konéng endog (dina basa Yunani lekithos - λεκιθος), atawa kacang kedelé. Lésitin sacara komersil aya nu didagangkeun dina kaayaan murni pikeun kaperluan suplemén dahareun jeung médis.

Dina biologi

Lésitin pikeun saraf jeung sirkulatoris dijieun na ati mun asupan dahareunana nyukupan. Lésitin dipikabutuh ku unggal sél na awak sarta mangrupa komponén konci mémbran sél; tanpa lésitin, mémbran bakal heuras. Lésitin ngajaga sél tina oxidasi sarta jadi taméng sabudeureun uteuk. Lésitin utamana diwangun ku Vitamin B, asam fosfat, kolin, asam linoléat, jeung inositol. Jadi, lésitin ngarojong sistim sirkulasi.

Salaku aditif dahareun

Lésitin dianggap salaku pangémulsi nu aman nu geus disatujuan ku FDA AS pikeun tujuan konsumsi manusa kalawan status sacara umum aman ("Generally Recognized As Safe"). Lésitin mangrupa bagéan integral mémbran sél, sarta bisa diolah sagemblengna, nepi ka écés amanna pikeun manusa. Pangémulsi séjén ngan bisa diékskrésikeun ngaliwatan ginjal.

Lésitin dipigunakeun sacara komersil pikeun sarupaning nu merlukeun pangémulsi atawa lubricant alami, ti farmasi nepi ka protective coverings. Pikeun conto, lésitin dipaké pikeun ngajaga coklat jeung sari kalapa na permén sangkan tetep ngahiji.

Rupa-rupa panalungtikan (Brook et al. 1986, Spilburg et al. 2003) nunjukkeun yén lésitin turunan kadelé mangaruhan kadar kolésterol jeung trigliserida na getih sacara positif.

Tempo ogé

Rujukan

Brook JG, Linn S, Aviram M. Dietary soya lecithin decreases plasma triglyceride levels and inhibits collagen-and ADP-induced platelet aggregation. Biochem Med Metab Biol 1986;35:31-9. PMID 3778675.
Spilburg CA, Goldberg AC, McGill JB, Stenson WF, Racette SB, Bateman J, McPherson TB, Ostlund RE Jr. Fat-free foods supplemented with soy stanol-lecithin powder reduce cholesterol absorption and LDL cholesterol. J Am Diet Assoc 2003;103:577-81. PMID 12728215.

Tumbu kaluar

Introduction to Lecithin Archived 2020-11-27 di Wayback Machine (University of Erlangen)