Marmer

Marmer atawa batu pualam nyaéta sabangsaning batu anu ngarandapan prosés metamorfosa tina batu gamping. Alatan ayana parobaha suhu sarta tekenan tina hiji tanaga anu disebut "endogen" anu ngabalukarkeun éta batu ngarandapan anu disebut rekristalisasi dina rupa-rupa wangun boh foliasi anapon non foliasi.

Étimologi

Sacara bahasa kecap Marmer asalna tina baasa Yunani tayalian Marmaron tina asal kecap marmaros, batu anu cahayaan, batu kristal, meureunan kecap pagawéan marmairo, ngagurilap atawa cahayaa. Ieu ogé mangrupakeun dasar pikeun kecap marmer dins baasa inggris marmoreal anu hartina kawas marmer.

Asal muasal

Kuayana rekristalisasi struktur asal ieu batu ngawujud tékstur anyar sarta éntepan molekulna. Marmer Indonésia disawang umurna kurang leuwih 30–60 juta taun atawa saumuran Kuarter nepika Tersier. Campuran kelir anu rupa-rupa, kawas mibanda pita-pita anu kelirna béda. Kristal-kristalna sedeng nepika kasar, lamun dikeclakan asam baris ngajerejes. Tulungagung téh salah sahiji tempat anu ngahasilkeun marmer pang heubeulna di Indonésia. Kiwari daérah anu ngahasilkeun marmer di Indonesia geus nyebar, saperti di Lampung, Jawa Tengah, Bandung, Sulawesi, Kalimantan, Bangka, jeung Kupang, ngan marmer pang hadénamah aya di Sulawesi Kidul.

Jinis-jinis marmer

Batu marmer anu ditambang ti sababaraha nagara mibanda ciri mandiri sarta motif anu béda-béda. Marmer-marmer ieu tuluy digolongkan kana sababaraha jinis, kayaning :

Carrara. Marmer asal ti Italia ieu mibanda kelir bulao kulawu l. Di zaman Romawi Kuno, marmer ieu dimangpaatekun pikeun ngadegkeun kuil Proserpina, The Pantheon jeung anu lianna.
Statuario. Marmer ti daérah Carrara Italia ieu remen dimangpaatkun pikeun nyieun patung anu kakoncara di dunya. Marmer statuario kelirna bodas mencrang kalawan mibanda saeutik corak.
Pentelic. Marmer ieu ditambang ti Gunung Pentelicus, Yunani. Marmer Pantelic kelirna bodas kalawan tékstur lemes.
Kreol. Marmer Kreol ditambang ti Pickens County, Georgia. Batu marmer ieu mibanda tékstur kasar kelirna bodas, bulao, bulao kolot, kulawu jeung hideung.
Etowah. Marmer anu mibanda kelir beureum ngora asalna ti wewengkon Georgia. Marmer etowah ogé mibanda kelir anu unik saperti bungur, salmon jeung rose.
Makrana. Marmer Makrana asal ti India. Marmer ieu dipiwanoh alatan dimangpaatekun pikeun ngadegkeun Taj Mahal, India.
Breksi. Marmer Breksi mibanda tékstur jeung corak anu rada kasar. Batu marmer ti Italia ieu mibanda kelir krém.
Cipollino. Marmer Cipollino anu asalna ti Yunani disebut ngarana onion stone atawa batu bawang. Marmer ieu mibanda corak bodas jeung héjo anu lalapisan jeung guratan kelir semu hideung jeung kulawu.
Ruin marble. Marmer Puing atawa Ruin marble asalna ti Italia Tengah. Marmer ieu mibanda pola poék jeung caang anu kontras. Variasi kelir kulawu, coklat, semu beureum, bulao atawa hideung baris katempo kawas lukisan anu ruksak.
Shell marble. Shell marble salahsahiji jinis marmer langka. Marmer anu terbentuk dari fosil ini memiliki warna dasar hitam atau coklat dengan pola motif putih.

Tambang marmer panggedéna sadunya

Dihandap ieu lima tambang marmer panggedena :

Carrara, Italia. Tambang Carrara perenahna di pagunungan Alpen, Italia. Jinis marmer anu dihasilkeun tayalian Carrara, Statuario, Calacatta Gold, Calacatta Borghini, Calacatta Macchia Vecchia, Arabescato Cervaiole sarta Arabescato Vagli.
Gunung Pentelicus, Yunani. Tambang ieu perenahna di Yunani di sabudeureun gunung Penteli, Attica, di wewengkon wétan Laut Athena.
Vermont, Amérika Serikat. Tambang marmer ieu perenahna di Rutland. Marmer di daérah geus dimimitian ti tahun 1830.
Turki . Tambang ieu perenahna di wewengkon sabuk orogenik Alpine Himalaya, Turki. Salah sahiji jinis marmer anu kasohor ti ieu daérah tayalian Prokonnesos.
Pinoso, Spanyol . Tambang marmer panggedéna di Éropa perenahna di Kota Pinoso, Valencia, Spanyol. Jinis marmer anu dihasilkan kelirna krém klasik sarts undertone kelirna semu coklat disebut Crema Marfil.

Kagunaan

Kagunaan Batu Marmer bisa dimangpaatkeun di imah pikeun parabot , bagéan tina wangunan saperti lantéy, méja, kamar mandi, jandéla. Sagigireun éta Marmer ogé bisa dimangpaatkeun pikeun bahan nyieun Piala, Patung, prasasti , vandel, jeung réa-réa deui.

Tutumbu ka luar

Informasi Mineral dan Dimensi Batu oleh United States Geological Survey