Opak

kurupuk anu dijieun tina sampeu

Opak nyaéta kadaharan tina béas ketan.[1] Cara ngolahna bagenyel digepeng-gepeng nepi ka jadi ipis pisan, sagédé-gédé piring terus dipoé nepi ka garing, di daharna sanggeus didéangkeun atawa digoréng nepi ka beukah.[2]

Opak ketan

Cara Nyieun Opak édit

prosés nyieuna kaasup sederhana namung kudu miboga kaparigelan.[3] Sangkan hasil opak téh ngeunah kudu ngaliwatan prosés nyieuna kawilang lila.[3] Mimiti urang kudu nyiapkeun béas anu geus dikumbah nepi ka bersih (diisikan),tuluy éta ketan digigihan kalayan cai anu teu pati loba, sangkan teu beyé teuing.[4] Sanggeus asak di asupkeun kana dulang tuluy ditutuan ku halu bari dicampuran sambara.[3] Sambarana nyaéta uyah jeung cipati.[4] Sanggeus adonan jadi disebutna jengél atawa jangggél.[4] Tuluy diléot sina baruleud ipis bari didadasaran ku samak lempit.[3] Sanggeus kitu dipoé nepi ka garing.[3] Biasana dipoé dina ayakan, opak anu geus garing disebut babanggi.[4] Lamun geus garing prosés terahir nyaéta dibeuleum.[3] Dibeuleumna saperti saté ku sabab opak di tojoskeun kana kawat saperti saté.[4] Opak dianggap asak lamu geus beukah jeung warnana semu konéng.[4]

Rupa-Rupa Opak édit

  1. Opak Beureum [3]
  2. Opak Bodas [3]
  3. Opak Sampeu
  4. Opak Jepit
  5. Opak Ketan
  6. Opak Beuleum

Rujukan édit

  1. Suryani,Elis.(2010).Badingkut.Bandung: Danan Jaya.
  2. Danadibrata,R.A.(2006).Kamus Basa Sunda.Bandung: Kiblat Buku Utama.
  3. a b c d e f g h Opak Yudha Archived 2011-09-18 di Wayback Machine (Dicutat tanggal 20 0ktober 2011)
  4. a b c d e f Darpan, Suhardiman Budi.2007.Seputar Garut.Garut:Komunitas Srimanganti kaca 133.