Pamass Unpad

Pamass (Paguyuban Mahasiswa Sastra Sunda) mangrupa hiji organisasi mahasiswa nu tumuwuh di Program Studi Sastra Sunda, Fakultas Sastra anu kiwari jadi Fakultas Ilmu Budaya Universitas Padjadjaran. Pamass diadegkeun di Bandung, ping 16 Séptémber 1964. Pamass boga suluk, nyaéta “Sunda Janaraya Marganing Utama” nu miboga harti: unggal jalma bisa ngamalkeun sagala kamampuan nu aya dina dirina, tangtu leuwih unggul ti nu lianna jeung kasampurnaan hirup bisa kahontal.

Maksud jeung tujuan diadegkeun Pamass, nyaéta pikeun ngabeungkeut mahasiswa nu keur nyuprih élmu di Program Studi Sastra Sunda Fakultas Ilmu Budaya Universitas Padjadjaran dina hiji beungkeutan organisasi, ogé ngarojong jeung nanjeurkeun basa, sastra, katut budaya Sunda. Salian ti éta, Pamass ogé diadegkeun pikeun ngatik anggotana sangkan jadi insan akademis nu boga ajén diri, watek sarta budi anu luhung.

Pamass miboga struktur ais pangampih di jerona. Pamass miboga sipat kakulawargaan anu boga tujuan pikeun ngaraketkeun unggal anggota di jerona sangkan euweuh sekat antara mahasiswa entragan anyar jeung mahasiswa entragan baheula.

Nalika Pamass ngajalankeun hiji kagiatan, éta hal tara leupas tina sisi sosial jeung kabudayaan. Éta kagiatan disaluyukeun sareng unit-unit nu aya dina widang minat sareng bakat mahasiswa, sapertos Tepass (Téater Pamass), Usép (Unit Sépak Bola Pamass), Majalah Tangara, Kaagamaan (Rohis), Pamass Ngamumulé, jrrd.

Di PAMASS aya AIS Pangampih, anu diawas ku BPA (Badan Pengawas Ais Pangampih).

Di Fakultas, Pamass katelah hiji Himpunan nu paling motékar, boh dina widang pendidikan, dina widang olah raga, komo deui dina hal nanjeurkeun budaya Sunda.

- - -

Alamat Pamass Unpad: Lantai 1, Puseur Kagiatan Mahasiswa, FIB Unpad Jatinangor.

Pupuhu Pamass ti ngawitan ngadegÉdit

...-1976 Ruswara Hadisomantri
1977-1981 Wawan Darmawan
1981- .. Maryadi Aminuddin
1991-1992 Yuda Farid
1992-1993 Dédih Supriadi
1993-1994 Tédi Permadi
1994-1995 Endang Dédih
1995-1996 Bambang Supena
1996-1997 Yadi Suryadi
1997-1998 Éris Risnandar
1998-1999 Ujang Sudrajat
1999-2000 Yoga Yogaswara
2000-2001 Soni Cucup Sarwono
2001-2002 Djasépudin
2003-2004 Rahmat Sopian
2004-2005 Yuli Sani
2005-2006 Suci Andari
2006-2007 Alam
2007-2008 Dédé Nurjaman
2008-2009 Agus Mahardika
2009-2010 Asép Supriadi
2010-2011 Faza Fauzan
2011-2012 Taufik Rahayu
2012-2013 Oki Muhamad Taopik
2013-2014 Rizki Rochman
2014-2015 Ahmad Rijal Nasrullah
2015-2016 Hérdianto
2016-2017 Ahmad Soléh
2017-2018 Séna Dipayana Supena
2018-2019 Yoga Maulana Sidik
2019-2020 Yayan Taryana
2020-2021 Allan Santoso P

Rumpaka Karatagan PamassÉdit

Pamass: Paguyuban Mahasiswa Sastra Sunda
obor tatar Pasundan
seuweu-siwi Siliwangi
di Universitas Padjadjaran
ngolah daya nganggit pangarti
miara ajén budaya
ngarumat jagat Pasundan
Wiwaha Ajeg Digjaya!

(Jieunan Dédén Guntari)