Parako
Parako nyaéta tempat paranti neundeun hawu anu dijieun tina taneuh. [1] Sakurilingna diwatesan ku awi atawa kai beunang meulah, hawu diparakoan téh sangkan seuneu jeung ruhak henteu ngalentab kana palupuh ogé lebuna henteu awur awuran kaluar, parako ilaharna parako ayana dina imah panggung. [2] [3] [1][4]
Pedaran
éditTempat parako
éditParako diperenahkeun di pawon sajajar jeung palupuh, sakapeung aya ogé parako anu diteundeun leuwih handap batan palupuh atawa langsung di luhureun taneuh pawon disebut parako ngupuk [5], geus jadi kabiasaan luhureun hawu jeung parako aya anu disebut para seuneu nyaéta paranti neundeun hasil tatanén kayaning, boléd, jagong, gaplék, suluh, jeung sajabana sangkan kahaneutan ogé nyingkahan gangguan beurit jeung ucing [6].
Kagunaan
éditSagigireun tempat neundeun hawu parako téh paragi neundeun songsong[7] paranti mirun seuneu, siduru,[8] tempat ngaguarkeun lebu tijero hawu di mana geus rada pinuh sangkan suluh anu diasurkeun ka jero hawu bisa hurung kalawan hadé[9], lebu jeung ruhak anu diguarkeu tijero kana parako bisa dimangpaatkeun pikeun ngabubuy hui, sampeu, cau atawa ruhakna dipaké meuleum tarasi, lauk asin, lauk, jeung sajabana.[10]
Dicutat tina
édit- ↑ a b Tata kelakuan di lingkungan pergaulan keluarga dan masyarakat setempat daerah Jawa Barat, Ena Sutarna, Iyan Sutarna, Dra Hartati, Departemen Pendidikan dan Kebudayaan, Direktorat Jenderal Kebudayaan, Direktorat Sejarah dan Nilai Tradisional, Proyek Inventarisasi dan Pembinaan Nilai-Nilai Budaya, kaca 99, 1989
- ↑ Wates parako
- ↑ Kampung Naga: permukiman warisan karuhun, Adry Padma, Architecture & Communication, 2001
- ↑ Anwar, Hafizh A. Nugraha, Hendi (2013). Rumah Etnik Sunda. Jakarta: GRIYA KREASI. p. 29. ISBN 9789796612116. Diakses tanggal (disungsi – 22 Mei 2020).
- ↑ Parako ngupung, langsung luhureun taneuh
- ↑ Arsitektur Tradisional Daerah Jawa Barat, Dasum Muanas, Direktorat Jenderal Kebudayaan, 1 Jan 1998. Kaca 50
- ↑ Songsong paranti niup
- ↑ Meuleum sampeu di parako
- ↑ ngasurkeun suluh di parako
- ↑ Sisuru hareupeun parako/hawu
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |