Sapporo
Page Modul:Infobox/styles.css has no content.
Sapporo 札幌市 | |||
|---|---|---|---|
| City of Sapporo[1] | |||
 Ti kénca luhur: Pamandangan Sapporo nalika peuting ditempo ti Gunung Moiwa, Sapporo Clock Tower, Sapporo Beer Museum, Stasion Sapporo, Universitas Hokkaido, Sapporo Dome, jeung Munara TV Sapporo ditempo ti Taman Odori | |||
| |||
 | |||
 Lokasi Sapporo di Hokkaido (Subpréféktur Ishikari) | |||
| Lua error in Modul:Location_map at line 510: Unable to find the specified location map definition: "Module:Location map/data/Asia" does not exist. | |||
| Koordinat: 43°4′N 141°21′E / 43.067°N 141.350°EKoordinat: 43°4′N 141°21′E / 43.067°N 141.350°E | |||
| Negara | Jepang | ||
| Wilayah | Hokkaido | ||
| Préféktur | Hokkaido (Subpréféktur Ishikari) | ||
| Pamaréntahan | |||
| • Walikota | Katsuhiro Akimoto | ||
| Lega | |||
| • Total | 1,121,26 km2 (432,92 sq mi) | ||
| Pangeusi (1 Maret 1 2021) | |||
| • Total | 1,973,832 | ||
| • Kapadetan | 1,760,37/km2 (4,559,3/sq mi) | ||
| Zona wanci | UTC+09:00 (JST) | ||
| Alamat balai kota | 2-1-1 Kita-ichijō-nishi, Chūō-ku, Sapporo-shi, Hokkaido 060-8611 | ||
| Telepon | 011-211-2111 | ||
| Lambang | |||
| • Tangkal | Lilac | ||
| • Kembang | Lily of the valley | ||
| • Manuk | Kangkok eurasia | ||
| Ramatloka | www | ||
Sapporo (札幌市 Sapporo-shi?) déngékeun nyaéta puseur dayeuh Préféktur Hokkaido, Jepang. Ieu kota perenahna di Subpréféktur Ishikari, Hokkaido, sarta mangrupa kota kaopat panggedéna dumasar jumlah penduduk di Jepang, saeunggeus Yokohama, Osaka, jeung Nagoya.
Sapporo kawentar di luar Jepang saprak jadi tuan rumah Olimpiade Usum Tiis 1972, olimpiade usum tiris munggaran di Asia. salian ti éta, Féstival Salju Sapporo dianjangan ku leuwih ti dua juta wisatawan ti sakuliah dunya unggal taunna.
Kota ieu kasohor ku ramén Sapporo rasa miso jeung mérek bir Sapporo. Distrik hiburan Susukino anu aya di tengah kota ogé jadi salah sahiji distrik anu kasohor di Jepang. Pikeun penerbangan, kota ieu dilayanan ku Bandara Internasional Shin-Chitose anu jauhna 50 km di kidul-wétaneun kota.
Sajarah
éditPasca-Réstorasi Meiji
éditDataran Ishikari anu ayeuna jadi Kota Sapporo mimitina mangrupa padumukan pituin Ainu. Di ahir jaman Edo (taun 1866), hiji kanal diwangun ngaliwatan ieu tempat sarta babaraha urang ngadegkeun Désa Sapporo.[2] Ngaran "Sapporo" asalna tina basa Ainu, sat poro pet (サッ・ポロ・ペッ) anu hartina "walungan gedé, garing" ngarujuk kana walungan Ishikari anu aya kaléreun kota.[3]
Taun 1868 sacara resmi Kota Sapporo diadegkeun. Pamaréntah Meiji mandang yén kota palabuan Hakodate anu dijadikeun puseur administrasi Hokkaido henteu strategis pikeun pertahanan jeung kamekaran Hokkaido. Ku kituna, pamaréntah mutuskeun pikeun ngadegkeun puseur dayeuh anyar. Dataran Ishikari cocog pikeun tempat puseur dayeuh anyar ku sabab tanahna datar, lega, sarta garing, teu siga tempat séjén di Hokkaido anu loba gunung.
Di taun 1870-1871, Kuroda Kiyotaka, wakil ketua Komisi Pangwangunan Hokkaido (Kaitaku-shi) ngadeukeutan Pamaréntah Amérika Sarikat sangkan mantuan ngamekarkeun Hokkaido. Horace Capron, mentri pertanian ti kabinét Présidén Ulysses S. Grant diutus Pamaréntah Amérika Sarikat salaku oyatoi gaikokujin, sarta ditunjuk jadi penasihat istiméwa Komisi Pangwangunan Hokkaido. Pangwangunan Kota Sapporo dimimitian ti kawasan sabudeureun Taman Odori anu kiwari tetep jadi jalur héjo anu ngabagi kawasan pusat kota Sapporo. Sapporo diwangun numutkeun grid plan gaya Amérika Sarikat, kalawan jalan-jalan anu papotong ngawangun blok-blok kota. Komisi Pangwangunan Hokkaido dibubarkeun di taun 1882 saeunggeus Kota Sapporo beuki maju.
Penasihat asing Edwin Dun datang ka Sapporo pikeun ngadegkeun peternakan sapi jeung domba di taun 1876. Ia juga mendemonstrasikan cara ngurus babi, nyieun mentéga, kéju, ham, dan sosis. Manéhna nikah jeung wanoja Jepang. Dun balik ka Amérika Sarikat taun 1883, tapi ka Jepang jadi sekretaris pamaréntah.
William S. Clark dibéré tugas salila dalapan bulan ti taun 1876 nepi ka 1877 di Hokkaido pikeun ngadegkeun Sakola Tinggi Pertanian Sapporo (ayeuna jadi Universitas Hokkaido). Saméméhna Clark jadi rektor Massachusetts Agricultural College (ayeuna jadi University of Massachusetts Amherst). Manéhna ngajarkeun kuliah sains jeung Alkitab anu jadi dasar étika, sakaligus ngawanohkeun prinsip-prinsip Kristen ka mahasiswa angkatan munggaran.
Di taun 1880, sakabéh wewengkon Sapporo dijadikeun hiji distrik kota anu ngaranna "Sapporo-ku" (Distrik Kota Sapporo),[4] sarta jalur karéta api diwangun antara Sapporo jeung Témiya, Otaru. Di tahun nu sarua, Hotél Hōheikan diadegkeun di gigireun Taman Odori pikeun penginapan jeung resépsi pajabat sarta tamu penting. Di taun 1958, ieu hotél dipindahkeun ka Taman Nakajima. Di taun 1882 saenggeus Komisi Pangwangunan Hokkaido dihapus, Pulau Hokkaido dibagi jadi tilu préféktur: Hakodaté, Sapporo, jeung Némuro. Distrik kota di Sapporo ngaranna angger Sapporo-ku, samentara wewengkon lianna diganti jadi Sapporo-gun. Gedong kantor Sapporo-ku aya di distrik kota.[4]
Préféktur Sapporo, Préféktur Hakodate, dan Préféktur Nemuro dihapus taun 1886. Gedong Kantor Pamaréntah Hokkaido diwangun di taun 1888 kalawan arsitéktur gaya neobarok Amérika. Regu panungtung Tondén-héi, prajurit munggaran di Hokkaido, netep di lokasi anu kiwari disebut Tondén di Kita-ku, Sapporo.
Distrik Sapporo-gun anu aya di sakuriling Sapporo-ku sacara administrasi diurus ku Sapporo-ku nepi ka sistem distrik anu anyar lumaku di taun 1899. Dumasar sistem nu anyar, distrik (ku) boga otonomi anu leuwih gedé tibatan kota madya, tapi leuwih leutik ti kota. Harita di Hokkaido aya ogé Hakodate-ku jeung Otaru-ku.
Sajarah modern (abad ka-20)
édit
Sekolah Tinggi Pertanian Sapporo diasupkeun kana sistem Universitas Imperial Tohoku saenggeus diadegkeun di taun 1907 di Séndai, Préféktur Miyagi. Désa anu padeukeut saperti Désa Sapporo, Désa Naebo, Désa Kami Shiroishi, sarta distrik tempat nganjrekna Tondén-héi diasupkeun ka Sapporo-ku ddi taun 1910.
Trém Sapporo diresmikeun di taun 1918 sarta Universitas Impérial Hokkaido diadegkeun di Sapporo-ku sarta jadi Universitas Imperial kalima di Jepang. Jalur Karéta Api Jōzankéi dioperasikeun di Sapporo nepi ka dihupusna di taun 1969.
Di taun 1922, pamaréntah pusat ngumumkeun sistem kota anu anyar. Sapporo-ku sacara resmi dialihkeun ka Kota Sapporo.[2] Sistem Bus Munisipal Sapporo diresmikeun di taun 1930. Di taun 1937, Sapporo kapilih jadi tuan rumah Olimpiade Usum Tiis 1940, tapi bedo ku sabab Perang Sino-Jepang II. Kota madya Maruyama dihijikeun jadi Chūō-ku di taun 1940, sarta Bandar Udara Okadama diwangun di taun 1942.
Nalika poé panungtung Perang Dunya II, tanggal 14 Juli jeung 15 Juli 1945 30 pasawat pengebom B-29 Superfortress ngaragragkeun 889 ton E-46 500 lbs bom tandan pembakar jeung 500 lbs T4E4 bom tandan fragméntasi di luhur kota Sapporo pas keur beurang. Serangan udara Sekutu di Hokkaido nyababkeun badai seuneu anu matak tiwasna 190 warga sipil, 6.788 luka, 78.000 urang leungiteun panyicingan, sarta loba wangunan kaduruk nepi ka 17,5 persén kota hancur. Sapporo diwangun deui sabérésna perang.
Féstival Salju Sapporo mimiti diayakeun di taun 1950. Di taun nu sarua, Désa Shiroishi diasupkeun ka Kota Sapporo, dijadikeun bagian ti Shiroishi-ku jeung Atsubetsu-ku.[5] Di taun 1955, Kota Kotoni, sakabéh Désa Sapporo, sarta Désa Shinoro dilebur ka Kota Sapporo, anu kiwari jadi Chūō-ku, Kita-ku, Higashi-ku, Nishi-ku, jeung Téiné-ku.[5] Kamekaran Kota Sapporo dituluykeun ku digabungna Kota Toyohira di taun 1961, sarta Kota Téiné di taun 1967, anu masing-masing disebut Toyohira-ku, Kiyota-ku, jeung Téiné-ku.[5]
Upacara miéling 100 taun ngadegna Sapporo jeung Hokkaido diayakeun di taun 1968. Sapporo jadi kota kaopat di Jepang anu boga karéta bawah tanah sabada Karéta Bawah Tanah Munisipal Sapporo diresmikeun taun 1971. Olimpiade Usum Tiis munggaran di Asia lumangsunng di Sapporo ti 3 Pébruari nepi ka 13 Pébruari 1972.[2] Tanggal 1 April, Sapporo jadi kota pinilih, tuluy dibentuk 7 distrik kota.[5] Penampilan panungtung penyanyi opera Maria Callas di hareupeun balaréa dilaksanakeun di Hokkaido Koséinénkin Kaikan, Sapporo, 11 Nopémber 1974.[6] Jalur Tōzai di Karéta Bawah Tanah Sapporo dibuka di taun 1976, tuluy Jalur Tōho dibuka taun 1988. Di tahn 1989, Atsubetsu-ku jeung Téiné-ku dipisah ti Shiroishi-ku jeung Nishi-ku. Féstival Musik Pasifik mmiti diayakeun taun 1990, sarta Yosakoi Sōran Féstival mimiti taun 1992 jadi acara taunan di Sapporo. Klub sépak bola profésional Consadole Sapporo diadegkeun di taun 1996. Di taun 1997, Kiyota-ku dipisah ti Toyohira-ku, tuluy Hokkaidō Takushoku Bank anu basisna di Hokkaido anu kantor pusatna di Odori bangkrut.[7]
Abad ka-21
éditPangwangunan Sapporo Dome bérés di taun 2001, sarta geus tilu kali dijadikeun tempat pertandingan babak munggaran Piala Dunya FIFA 2002: Jerman vs Arab Saudi, Argéntina vs Inggris, sarta Italia vs Ékuador. Hokkaido Nippon-Ham Fighters mangrupa tim Nippon Professional Baseball anu basisna di Sapporo. Di taun 2004, Nippon-Ham Fighters meunangkeun Japan Series 2006.
Géografi
édit
Sapporo nyaéta hiji kota di kidul-kuloneun Dataran Ishikari jeung kipas aluvial Walungan Toyohira anu asalna ti Walungan Ishikari.[8] Jalan-jalan di pakotaan diwangun numutkeun jaringan rencana jalan. Di beulah kulon jeung kidul aya babaraha gunung, nyaéta Gunung Téiné, Gunung Maruyama, jeung Gunung Moiwa, tuluy aya babaraha walungan nyaéta Walungan Ishikari, Walungan Toyohira, sarta Walungan Sōséi.
Sapporo kaasup kota taman, di antarana aya Taman Odori di pusat kota. Ieu taman sok pinuh ku lima rébu kekembangan anu unggal taunna megar.[1] Di Taman Odori sok diayakan acara taunan sarta loba féstival unggal taunna. Arsiték lanskap Jepang-Amerika Isamu Noguchi ngadésain Taman Moerenuma, salasahiji taman panggedéna di Sapporo.
Kota-kota anu boga wates jeung Sapporo di antarana: Ishikari, Ébétsu, Kitahiroshima, Éniwa, Chitosé, Otaru, Daté, sarta kota madya: Tōbétsu, Kimobétsu, Kyōgoku.
Iklim
éditSapporo boga iklim lembap benua (Koppen Dfa/Dfb), kalawan beda suhu anu lumayan jauh antara usum panas jeung usum tiis. Usum panas biasana haneut tapi teu lembap, tuluy usum tiis jadi tiris pisan tur saljuan. Dengan curah salju rata-rata 630 cm (248 inci),[9] Sapporo nyaéta salah sahiji ti babaraha métropolis di dunya anu boga curah salju anu lumayan gedé,[10] jadi bisa ngayakeun féstival salju unggal tahunna. Présipitasi rata-rata taunan kira-kira 1,100 mm (43 inci), sarta suhu rata-rata taunan 85 °C (185 °F).[8]
| Data iklim pikeun Sapporo, Jepang (1981-2010) | |||||||||||||
|---|---|---|---|---|---|---|---|---|---|---|---|---|---|
| Bulan | Jan | Péb | Mar | Apr | Méi | Jun | Jul | Ags | Sép | Okt | Nop | Dés | Taun |
| Catatan tertinggi °C (°F) | 11.2 (52.2) |
10.8 (51.4) |
16.8 (62.2) |
28.0 (82.4) |
31.1 (88) |
31.9 (89.4) |
36.0 (96.8) |
36.2 (97.2) |
32.7 (90.9) |
26.4 (79.5) |
22.4 (72.3) |
14.8 (58.6) |
36,2 (97,2) |
| Rarata pangluhurna °C (°F) | −0.6 (30.9) |
0.1 (32.2) |
4.0 (39.2) |
11.5 (52.7) |
17.3 (63.1) |
21.5 (70.7) |
24.9 (76.8) |
26.4 (79.5) |
22.4 (72.3) |
16.2 (61.2) |
8.5 (47.3) |
2.1 (35.8) |
12,9 (55,2) |
| Per poé °C (°F) | −3.6 (25.5) |
−3.1 (26.4) |
0.6 (33.1) |
7.1 (44.8) |
12.4 (54.3) |
16.7 (62.1) |
20.5 (68.9) |
22.3 (72.1) |
18.1 (64.6) |
11.8 (53.2) |
4.9 (40.8) |
−0.9 (30.4) |
8,9 (48) |
| Rarata panghandapna °C (°F) | −7.0 (19) |
−6.6 (20.1) |
−2.9 (26.8) |
3.2 (37.8) |
8.3 (46.9) |
12.9 (55.2) |
17.3 (63.1) |
19.1 (66.4) |
14.2 (57.6) |
7.5 (45.5) |
1.3 (34.3) |
−4.1 (24.6) |
5,3 (41,5) |
| Catatan terendah °C (°F) | −27.0 (-17) |
−28.5 (-19.3) |
−22.6 (-8.7) |
−14.6 (5.7) |
−4.2 (24.4) |
0.0 (32) |
5.2 (41.4) |
5.3 (41.5) |
−0.9 (30.4) |
−5.8 (21.6) |
−15.5 (4.1) |
−23.9 (-11) |
−28,5 (−19,3) |
| Curah hujan mm (inches) | 113.6 (4.472) |
94.0 (3.701) |
77.8 (3.063) |
56.8 (2.236) |
53.1 (2.091) |
46.8 (1.843) |
81.0 (3.189) |
123.8 (4.874) |
135.2 (5.323) |
108.7 (4.28) |
104.1 (4.098) |
111.7 (4.398) |
1.106,5 (43,563) |
| Curah salju cm (inches) | 173 (68.1) |
147 (57.9) |
98 (38.6) |
11 (4.3) |
0 (0) |
0 (0) |
0 (0) |
0 (0) |
0 (0) |
2 (0.8) |
32 (12.6) |
132 (52) |
597 (235) |
| % Kalembaban | 70 | 69 | 66 | 62 | 66 | 72 | 76 | 75 | 71 | 67 | 67 | 69 | 69 |
| Rarata poé saljuan | 28.8 | 25.4 | 23.5 | 6.4 | 0.1 | 0.0 | 0.0 | 0.0 | 0.0 | 1.2 | 13.9 | 26.5 | 125,8 |
| Sunshine hours | 92.5 | 104.0 | 146.6 | 176.5 | 198.4 | 187.8 | 164.9 | 171.0 | 160.5 | 152.3 | 100.0 | 85.9 | 1.740,4 |
| Sumber: [11] | |||||||||||||
Distrik
éditWilayah Kota Sapporo miboga 10 distrik kota (ku).
| Nama | Kanji | Jumlah Warga | Lega wewengkon dina km2 | Gegekna anu dumuk per km2 | Peta Sapporo | |
|---|---|---|---|---|---|---|
| 1 | Atsubetsu-ku | 厚別区 | 127.299 | 24,38 | 5.221 |  |
| 2 | Chūō-ku | 中央区 | 237.761 | 46,42 | 5.122 | |
| 3 | Higashi-ku | 東区 | 261.901 | 56,97 | 4.597 | |
| 4 | Kita-ku | 北区 | 286.026 | 63,57 | 4.499 | |
| 5 | Kiyota-ku | 清田区 | 113.556 | 59,87 | 1.897 | |
| 6 | Minami-ku | 南区 | 136.774 | 657,48 | 208 | |
| 7 | Nishi-ku | 西区 | 216.835 | 75,10 | 2.887 | |
| 8 | Shiroishi-ku | 白石区 | 213.310 | 34,47 | 6.188 | |
| 9 | Téiné-ku | 手稲区 | 141.886 | 56,77 | 2.499 | |
| 10 | Toyohira-ku | 豊平区 | 223.408 | 46,23 | 4.833 |
Universitas
éditNasional
- Universitas Hokkaido
- Hokkaido University of Education
Publik
- Sapporo Medical University
- Sapporo City University
Wangunan
édit- Portland, Oregon, Amérika Sarikat, ti mimiti Nopémber 1959
- Munchen, Jerman, ti mimiti Agustus 1972
- Novosibirsk, Rusia, ti mimiti Juni 1990
- Shenyang, Républik Rahayat Tiongkok, ti mimiti November 1980
- Daéjeon, Républik Koréa, ti mimiti Oktober 2010
Rujukan
édit- ↑ "City of Sapporo". City of Sapporo.
- ↑ a b c Hometown Homepage - Look back a bit Archived 2012-06-19 di Wayback Machine
- ↑ Sapporo.jp Archived 2015-07-02 di Wayback Machine
- ↑ a b New Sapporo History 2nd edition (新札幌市史 第2巻 Shin Sapporo Shishi?)
- ↑ a b c d New Sapporo History 5th edition (新札幌市史 第5巻 Shin Sapporo Shishi?)
- ↑ Sutherland, Robert Maria Callas Diaries of a Friendship London Constable 1999 p265 ISBN 0-09-478790-5
- ↑ "lawsuit against the bankruptcy of the Takushoku Bank". Diarsipkan dari versi asli tanggal 2007-12-22. Diakses tanggal 2013-01-19. Archived 2007-12-22 di Wayback Machine
- ↑ a b Sapporo City Official Homepage - the outline of Sapporo
- ↑ (Basa Jepang) 気象庁 | 平年値（年・月ごとの値）
- ↑ "Sapporto.jp" (PDF). Diarsipkan dari versi asli (PDF) tanggal 2007-02-05. Diakses tanggal 2013-01-19. Archived 2007-02-05 di Wayback Machine
- ↑ "気象庁 / 平年値（年・月ごとの値）". Japan Meteorological Agency.
- ↑ Sister Cities / Sister Cities Association of Sapporo City, Sapporo International Communication Plaza Foundation. Akses: 4 Juli 2022.
Tutumbu luar
édit| Wikimedia Commons mibanda média séjénna nu patali jeung Sapporo . |
Tempo ogé Sapporo di Wikivoyage
- (Basa Jepang) Situs resmi Archived 2019-09-15 di Wayback Machine
- (en) Festival Salju Sapporo