Situs Tugu Gedé
Situs Tugu Gedé nyaéta salah sahiji situs titinggal jaman prasejarah anu kapanggih barang-barang kayaning tembikar, keramik, logam, alat tina batu, jeung monumén batu. Ieu situs pernahna di Kampung Cengkuk, Kelurahan Margalaksana, Kacamatan Cikakak, Kabupatén Sukabumi, Jawa Kulon. Ieu tempat aya dina lamping nu rada lungkawing di sabudeureun Gunung Halimun. Sacara astronomis ieu situs ayana dina koordinat 6°53’45” LS jeung 106°30’34” BT kalawan pilemburan nu pangdeukeutna jeun ieu situs nyaéta Kampung Cengkuk.[1]
Titinggal
éditMaluruh hasil panalungtikan nuduhkeun yén barang-barang prasejarah nu nyampak di ieu situs téh nyaéta tembikar, keramik, logam, alat batu, jeung monumén batu.[2]
- Tembikar anu kapanggih téh paso, periuk, cawan, cawan suku, tempayan, parupuyan, kendi, jeung cowét.[2]
- Keramik anu kapanggih aya mangkok, guci, botol, piring, pot, jeung cepuk.[2]
- Logam nu aya nyaéta genta, bandul, jeung wadah.[2]
- Alat batu mangrupa batu giling, cowet batu, mata tumbak, baliung, jeung alat panyerut.[2]
- Monumen batu nu aya di ieu situs batu jolang, dolmén, batu altar, tahta batu, batu umpak, jeung ménhir.[2]
Kompléks Mégalitikum
éditSitus Tugu Gedé kabagi jadi dua komplék mégalitikum nyaéta, mgalitikum belah kidul jeung mégalitikum belah kalér.[2]
Mégalitikum kalér
éditMégalitikum kalér tempatna leuwih luhur tibatan nu belah kulon. Titinggal anu kapanggih nyaéta ménhir gedé anu katelah ménhir Tugu Gedé, ukuranana ± 380 cm, legana ± 110 cm, jeung kandelna ± 70 cm. Dumasar kana panénjoan, ieu tugu téh aya di antara tilu batu anu tepung gelang. Sapaliwat mah ieu batu téh jiga patung manusa keur cingogo, halisna mangrupa céda dina batu, ari kongkolak panonna wangun cekung nu aya dina batu. Lian ti batu gedé aya ogé dua batu ménhir. Kahiji nu ukuranana jangkung ± 130 cm jeung lega ± 75 cm. Kadua ukuranana jankung ± 98 cm jeung lega ± 58 cm. Ti Batu Gedé ka dua Ménhir éta téh jauhna ± 6 méter.[2]
Mégalitikum kulon
éditMégalitikum kulon téh cirina aya wangunan teras undak nu ukuranana 5 m x 5 m. Lian ti éta, aya ogé kumpulan batu anu ku masarakat katelah gudang batu jeung batu jolang. Batu jolang mah geus teu lengkep deui wangunna, nu katangén téh kari sisi jeung dadamparna. Nu pamungkus aya nu disbut tahta batu, kumpulan batu datar anu pahareup-hareup papasangan jiga pangdiukan.[2]
Rujukan
édit- ↑ "Situs Tugu Gede-Dinas Pariwisata dan Kebudayaan Provinsi Jawa Barat". www.disparbud.jabarprov.go.id. Diakses tanggal 2017-11-03. Archived 2021-01-28 di Wayback Machine
- ↑ a b c d e f g h i dewipuspitorini (2016-12-21). "Situs Tugu Gede, Sukabumi - Balai Pelestarian Cagar Budaya Banten" (dalam bahasa en-US). Balai Pelestarian Cagar Budaya Banten. http://kebudayaan.kemdikbud.go.id/bpcbbanten/2016/12/21/situs-tugu-gedé-sukabumi/. Diakses pada 2017-11-03[tumbu nonaktif]