Soe Hok Gie
Soe Hok Gie nyaéta inohong entragan 1966 nu kasohor ku tulisan-tulisanana nu seukeut pinuh ku kritikan kana masalah-masalah nu aya alam harita.[1] Turunan urang China nu lahir tanggal 17 Desember 1942 tilar dunya tanggal 16 Desember 1969.[1][2]
Putra pasangan Soe Lie Pit (novelis) jeung Nio Hoe An.[1] Anak kaopat ti lima sadudulur kulawarga Soe Lie Pit alias Salam Sutrawan.[1] Soe Hok Gie téh adina Soe Hok Djie atawa leuwih kasohor ku ngaran Arief Budiman.[1]
Tulisan-tulisanana ngawengku masalah-masalah nu kawilang lega ti mimiti trik jeung intrik nu aya di kalangan élit birokrasi, dunya mahasiswa, tug nepi ka masalah akademis.[2] Nalika masih jadi mahasiswa di Jurusan Sejarah UI, Soe Hok Gie kungsi indit ka Amerika kalawan diulem ku Deplu AS dina bulan Oktober 1968 nepi ka Januari 1969.[2] Salila lalampahan di Amérika, Soe Hok Gie mindeng panggih jeung inohong-inohong sarta élmuan mancanagara.[2] Di antara sawatara pangalamanana aya ogé nu dijadikeun tulisan sarta dimuat di sawatara média di ibukota.[2] Soe Hok Gie salah saurang cendekiawan nu teu betah ningali kaayaan rahayat leutik nu tuluy-tinuluy jadi korban.[2] Hanjakalna, Soe Hok Gie tilar dunya dina umurna nu masih kénéh kawilang ngora 27 taun , alatan haseup nu ngabaruang nalika Gie keur aya di Gunung Semeru.[2] Saméméh tilar dunya, Gie kacatet salaku staf pangajar di FSUI.[2] Sawatara tulisanana geus dibukukeun di antarana waé Catatan Seorang Demonstran (LP3ES) jeung Zaman Peralihan (Bentang Budaya).[2]
Referensi
édit- ↑ a b c d e Profil Soe Hok Gie[tumbu nonaktif] (Diakses tanggal 4 Desember 2011) (id)
- ↑ a b c d e f g h i Soe Hok Gie[tumbu nonaktif] (Diakses tanggal 4 Desember 2011) (id)
|
Artikel ngeunaan biografi inohong ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |