Supa paré
| Supa paré | |
|---|---|
| |
| Volvariella volvacea | |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | |
| Kulawarga: | |
| Génus: | |
| Spésiés: | V. volvacea
|
| Ngaran binomial | |
| Volvariella volvacea | |
Supa paré; Volvariella volvacea; Jamur merang; nyaéta hiji supa anu asalna tina kulawarga Pluteaceae.[1] Ieu supa anu paling loba dibudidayakeun utamana di wewengkon Asia Wétan jeung Asia Tenggara anu mibanda iklim tropis aya ogé subtropis.[2]
Disebut supa paré , pangaruh tina basa Tionghoa cǎogū (Hanzi:草菇) hartina supa paré. Ieu supa mibanda ngaran latin (Volvariella volvacea, sinonim: Volvaria volvacea, Agaricus volvaceus, Amanita virgata atawa Vaginata virgata) ogé kulat jumpung dina basa basa Acéh, dina basa Inggris disebut ogé Chinese mushroom (straw mushroom). [3]
Ciri mandiri
éditSupa paré anu masih kénéh ngora tacan ligar, wujudna kawas endog baruleud, kelirna coklat aya ogé anu kulawu. Mangsa geus ligar, pileus/topina mangkak kawas aseupan nangkub kelirna coklat kolot nepika kulawu. Palebah tangkalna (stape) mibanda kelir coklat ngora. Supa paré anu loba dijual dipasar pikeun di konsumsi ilaharna masih kénéh kudu/tacan mangkak ligar.[4]
Niléy gizi jeung kandungan séjéna dina supa paré :
- Cai : 93.3%
- Kalsium : 30 mg/g
- Fosfat : 37 mg/g
- Zat Beusi : 0.9 mg/g
- Tiamin (Vit B) : 0.03 mg/g
- Riboflavin (Vit. B12) : 0.01 mg/g
- Niasin : 1.7 mg/g
- Vitamin C : 1.7 mg/g
- Kalori : 24 mg/gProtein 1.8%
- Lemak : 0.3%,
- Karbohidrat : 12-48%.[4]
Supa paré bisa dikonsumsi kalawan aman, sabada diasakan. Aranjeuna henteu kalaporkeun mibanda racun anu ngabahayakeun pikeun manusa.[5]
Budidaya
éditHirup supa paré sarua jeung supa-supa séjén dimimitian tina spora (basidiospora), ieu bakal sirungan ngawujud hifa tayalian kawas ramabat leutik.[4] Hipa ieu bakal tuluy ngagedéan jadi miselium, wujudna ngagéblég lalaunan baris robah ngawujud buleud ogé aya anu lonyod ieu sok disebut (pinhead).[4] Ieu bakal terus ngagedéan anu disebut stadia, mimitina sagedé kancing lila kalilaan jadi sagedé endog.[4] [4]
Supa paré anu ngahaja dibudidayakeun ilaharna ditempatkeun dina rohangan husus anu diesebut kumbung.[4] Sarua jeung ngaranna ieu supa bisa hirup kalawan subur dina média jarami/ meranganu dikomposkeun saméméhna. Tapi ka dieunakeun, ieu supa loba ogé anu dipelak dina media tina kompos runtah kertas, manggar/popongkol buah salak minyak, kompos tangkal cau , jeung kompos bio massa séjéna. Numutkeun panalungtikan, runtah kapas mangrupa media tanam anu pang alusna boh dina tempat hirup anapon hasilna. Supa paré dipiwanoh ogé warm mushroom, alatan bisa hirup dina kaayaan suhu rohangan anu lumayan panas, kurang leuwih 30-38 °C kalayan suhu anu merenah dina 35 °C.[4]
Tutumbu kaluar
éditDicutat tina
édit- ↑ Heyne, K. (1913). DE NUTTIGE PLANTEN VAN NEDERLANDSCH-INDIË. Library New York Botanical Garden: RUYGROK & Co BATAVIA. p. 11. Diakses tanggal (disungsi) 25 Mei 2021.
- ↑ Hanelt, Dr Petter (1959). Mansfeld's Encyclopedia of Agricultural and Horticultural Crops 1. Germany: Springer. p. 38. Diakses tanggal (disungsi – 1 Juni 2021).
- ↑ Chang, Shu-ting (1972). Mansfeld's Encyclopedia of Agricultural and Horticultural Crops 1. Germany: Cormel University. p. 2. ISBN 9780824804312. Diakses tanggal (disungsi – Mei).
- ↑ a b c d e f g h Zhishu, Bi (1993). The macrofungus flora of china's guangdong. Guangdong: The Chine University Press. p. 350. ISBN 9622015565. Diakses tanggal (disungsi – 1 Juni 2021). Salah ngutip: Tanda
<ref>tidak sah; nama "“Volvaria1”" didefinisikan berulang dengan isi berbeda - ↑ Anderson, Christer (2014). Mushrooms traded as food. Vol II sec.2. Germany: Norden. p. 455. ISBN 9789289327053. Diakses tanggal (disungsi – 1 Juni 2021).
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |