Buka ménu utama

Wikipedia β

Talasémia mangrupa kasakit nurun alatan cacadna molekul globin dina sél getih beureum. Cacad genetik dina sintésis ranté globin ngabalukarkeun teu stabil atawa teu normalna angkutan oksigén, sedengkeun sél getihna leuwih gampang ruksak/paéh. Tarékah pikeun natambaan ieu kasakit nyaéta ku cara transfusi getih unggal dua-tilu minggu; mun transfusi getih nu ngabalukarkeun numpukna kandungan beusi ieu geus karasa nyusahkeun, tarékah lianna nyaéta ku cangkok sungsum tulang.

Talasémia
Classification & external resources
ICD-10 D56.
ICD-9 282.4

Ngaran ieu kasakit dicokot tina basa Yunani 'Thalassa' nu hartina sagara jeung 'haima' nu hartina getih. Sagara nu dimaksud nyaéta sagara Méditerania, wewengkon kapanggihna ieu kasakit. Talasémia aya di ampir sakabéh populasi, utamana di wewengkon tropis.

KlasifikasiÉdit

Talasémia digolongkeun dumasar kana molekul globin anu cacadna:

  • talasémia α (alpa), alatan kurangna produksi globin α
  • talasémia β (béta), alatan cacadna globin β.

PrévalénsiÉdit

Ieu kasakit karandapan ku 16% urang Siprus, 3-14% di Muangtai, jeung 3-8% di populasi Indonésia, India, Pakistan, Bangladés, jeung Cina. Populasi séjén nu ngarandapan ieu kasakit di antarana Amérika Latin, Karibia, Méditerania (misalna Spanyol jeung Itali), jeung Aprika.

Tumbu kaluarÉdit