Universitas Islam Bandung

Universitas Islam Bandung atawa nu ilahar dipiwanoh UNISBA nyaéta salah sahiji paguron luhur swasta nu aya di Bandung, Jawa Kulon. Alamatna di Jalan Tamansari No. 01.

Universitas Islam Bandung

Ngadeg	15 Nopémber 1958
Jinis	Paguron Luhur Swasta
Réktor	Prof. Dr. H. Edi Setiadi, S.H., M.H.
Perenah	Bandung, Jawa Kulon
Loka	http://www.unisba.ac.id

Sajarah

Universitas Islam Bandung (disingket Unisba) lahir lantaran alpukah para inohong umat Islam sarta tungtutan masarakat Jawa Kulon supaya aya paguron luhur anu boga nafas Islam sarta ngababarkeun intelektualitas muslim. Cikal bakal Unisba dimimitian ku lahirna Perguruan Islam Tinggi (PIT) dina ping 15 Nopémber 1958, anu aya dina panangtayungan Yayasan Pendidikan Islam (YPI). Fakultas anu kahiji diadegkeun nyaéta Fakultas Syari'ah dina taun 1958, saterusna disusul ku Fakultas Ushuluddin sarta Fakultas Tarbiyah dina taun 1961.

Saterusna dina taun 1967 PIT dirobah jadi Universitas Islam Kiansantang. Saterusna dina taun 1969 diganti ngaranna jadi Universitas Islam Bandung (UNISBA) sarta satuluyna diadegkeun Fakultas Hukum (1971), Fakultas Élmu Pasti jeung Élmu Alam (1972) ayeuna MIPA, Fakultas Psikologi (1973), Fakultas Téknik (1973), Fakultas Ékonomi (1979), sarta Fakultas Élmu Komunikasi (1982) dina taun 2004 diadegkeun ogé Fakultas Kadokteran.

Tujuan atikan di Unisba nyaéta ngawujudkeun mujahid (pajoang), mujtahid (panalungtik) sarta mujaddid (pembaharu) dina hiji masarakat ilmiah anu Islami. Mangkana dina prosés atikan di Unisba réa dimuat atikan kaislaman nyaéta Atikan Agama Islam saban semester, mentoring Agama Islam, pasantrén mahasiswa sarta sarjana. Sagala rupa sarana katut prasarana atikan, prakték sarta panalungtikan minangka pangrojong prosés atikan di Unisba, disadiakeun sacara pepek, di antarana: laboratorium, pabukon, puseur binaan jeung laboratorium basa, puseur pangolahan data, internet, sarta sagala rupa puseur panalungtikan sarta pangabdian ka masarakat.

Pikeun nyumponan tungtutan atikan anu leuwih luhur, saprak taun 1998 Unisba geus muka Program Pascasarjana nyaéta Program Studi Élmu Hukum kalayan konséntrasi dina Hukum Islam sarta Hukum Pidana jeung Program Studi Manajemén Atikan Islam. Kiwari, kalayan idin operasional nomer 2952/D/T/2003, Unisba nambahan Program Pascasarja anyar, nyaéta Program Studi Élmu Komunikasi .

Daptar fakultas

Universitas Islam Bandung miboga 10 Fakultas nu ngawengku 18 Program Studi pikeun Sarjana, nyaéta :

Fakultas Kedokteran Archived 2016-11-23 di Wayback Machine

Pendidikan Kedokteran
Pendidikan Profesi Kedokteran

Fakultas Teknik

téhnik Pertambangan
téhnik Industri
téhnik Perencanaan Wilayah & Kota
Pendidikan Profesi Insinyur

Fakultas Matematika dan Ilmu Pengetahuan Alam

Farmasi Archived 2017-05-27 di Wayback Machine
Matematika
Statistika

Fakultas Psikologi

Psikologi

Fakultas Ekonomi Archived 2017-01-31 di Wayback Machine

Akuntansi
Ilmu Ekonomi
Manajemen

Fakultas Hukum Archived 2018-01-27 di Wayback Machine

Ilmu Hukum

Fakultas Ilmu Komunikasi

Jurnalistik
Manajemen Komunikasi
Hubungan Masyarakat

Fakultas Syari'ah

Keuangan Perbankan
Peradilan Agama

Fakultas Dakwah^{[tumbu nonaktif]}

Komunikasi dan Penyiaran Islam

Fakultas Tarbiyah Archived 2018-02-05 di Wayback Machine

Pendidikan Agama Islam
Pendidikan Guru Pendidikan Anak Usia Dini

Pascasarjana

Numutkeun putusan Direktur Direktorat Jenderal Pendidikan Tinggi Republik Indonesia Nomor 235/Dikti/Kep/1998 tanggal 09 Juli 1998, Universitas Islam Bandung atawa UNISBA dibéré kawasa ku pamaréntah pikeun ngabuka Program Magister (S2) Ilmu Hukum Persaingan. Sallian ti éta UNISBA ogé muka sababaraha program studi Magister, di antarana: