Buka ménu utama


Villa Isola tembong hareup

Villa Isola nyaéta hiji villa nu perenahna di wewengkon sisi kalér dayeuh Bandung. Tempatna dina taneuh luhur, di sisi kénca jalan nu nuju ka Lembang (Jln. Setiabudhi) anu dipikawanoh minangka gedong IKIP (Institut Keguruan dan Ilmu Pendidikan Bandung, ayeuna Universitas Pendidikan Indonesia-UPI).

SajarahÉdit

Villa Isola diwangun dina taun1933, bogana saurang hartawan Walanda ngaranna D.W. Berrety. Saterusna wangunan mentéréng anu dijadikeun imah panyicingan ieu dijual sarta jadi bagian ti Hotél Savoy Homann. Saterusna dijadikeun gedong IKIP (ayeuna UPI) luyu jeung fungsinya ayeuna minangka kantor rektorat. Hiji publikasi husus dina mangsa Hindia Walanda pikeun Vila Isola ieu ditulis ku Ir. W. Leimei, saurang arsiték Walanda. Dina publikasi ieu, Leimei ngomong yén di Batavia nalika urbanisasi mimiti lumangsung, réa jelema ngadegkeun villa di juru dayeuh kalayan gaya arsitektur klasik tapi bisa adaptasi kalayan hadé jeung alam kalayan ventilasi, jandela sarta gang-gang anu boga fungsi minangka isolasi panas panonpoé. Hal ieu ogé dianut ku Villa Isola di Bandung. Dina mangsa pendudukan Jepang, gedong ieu sempet dipaké minangka panyicingan samentara Jéndral Hitoshi Imamura waktu nyanghareupan Perjangjian Kalijati jeung Pamaréntah pamungkas Hindia Walanda di Kalijati, Subang, Maret 1942. Gedong ieu diwangun dumasar kana rarancang arsiték Walanda anu digawé di Hindia Walanda, C.P. Wolff Schoemaker.

ArsitekturÉdit

Gedong ieu asitekturna modérn kalawan ngasupkeun konsép tradisional kalawan filsafat arsitektur Jawa bersumbu kosmik Kalér Kidul kawas Gedong Utama ITB sarta Gedong Saté. Orientasi kosmik ieu dikuatkeun kalawan taman manjang di hareup gedong ieu anu ajeg lempeng jeung sumbu ngalintang wangunan ka Gunung Tangkuban Parahu. Wangunan luhurna tilu tingkat, kalawan lanté panghandapna leuwih pendék ti wates jalan raya, alatan topografina nu henteu rata. Wewengkon saubeng lega kabuka, dijieun taman anu terasna bingkeng miluan pabeungeutan taneuhna. Sisi wangunan melengkung nyieun saparapat bunderan. Tina kabéhannana, wangunan sarta taman lir cai lambak anu mucunghul alatan barang murag ti luhureunnana, ku kituna gedong ieu mangrupa penyesuaian arsitektural antara wangunan jeung lingkungan.