Wikipédia

YUI


Yui Yoshioka ditulis (YUI) (gumelar di Fukuoka, 26 Maret 1987, umur 24 taun) nyaéta penyanyi awéwé jeung musisi ti Jepang.[1] YUI nyanyi sabari ngagitar, dua laguna "LIFE" jeung "Rolling Star" jadi lagu séri ka-5 dina animé ''Bleach''.[1]

Gambar:YUI - CHYCL.jpg
YUI - Cruising How Crazy Your Love Tur kalima

Profil

édit
  • Zodiak : Ariés[2]
  • Shio : Kelenci[2]
  • Kalangenan : Nonton film, Maca buku, badminton, ngagitar[2]
  • Jangkung : 155 cm[2]
  • Golongan getih : AB[2]
  • Tempat favorit : pantai Shingū di Fukuoka[2]

Biografi

édit

YUI lahir di Fukuoka, Jepang.[3] Anjeunna diurus jeung digedékeun ku indungna, ku sabab bapana ninggalkeun YUI nalika umur 3 taun.[3] YUI miboga cita-cita hayang jadi penyanyi nalika SD.[3] YUI leutik digambarkeun jelma nu éraan, anjeunna osok ulin sorangan di gunung, di walungan, di laut, jeung di sawah.[4] YUI ngamimitian nulis lagu basa sakola di SMA, anjeuna nulis lagu pikeun ngaéksprésikeun kaayaan dirina sorangan.[5] Nalika SMA, YUI sakola sabari gawé di restoran Cina pikeun mantuan mayar sakola, ku sabab éta anjeuna teu boga waktu pikeun ngudag cita-citana dina widang musik.[6] Conto, antara musik, sakola, jeung gawé, anjeuna ngan boga waktu hiji atawa dua jam pikeun saré, nu ahirna anjeuna gering.[6] Di rumah sakit, anjeunna mikir yén sakola jeung musik teu bisa hirup babarengan.[6]

Sabada kaluar ti rumah sakit, anjeuna meunang kasempetan pikeun tampil nyanyi di jalan.[6] YUI ngungkapkeun kahayangna pikeun ngudag cita-citana di widang musik, anu ahirna milu gabung jeung band Bianco nero dina konsér pamungkasna.[6] Bianco nero nitah YUI sangkan nuluy keun sakola ka sakola musik, ahirna YUI kaluar ti SMA, tuluy ngawitan diajar ngulinkeun gitar jeung nulis lagu di Juku (sakola musik) di daérah Fukuoka.[6] Sabada éta, anjeuna ngamimitian nyanyi sorangan di jalan di daérah Stasion Ténjin, Fukuoka, pikeun ngaleungitkeun rasa érana.[6]

Awal Karir

édit

Sasih Maret 2004, YUI milu audisi "SD Audition" anu baris diayakeun ku Sony Music Japan.[6] Tina 20,000 pamilon, ngan ukur 10 urang anu nyésa kaasup YUI.[6] Yui diuk sila tuluy nyanyi sabari ngagitar.[6] Lagu nu dinyanyikeun basa éta saloba 3 lagu, "Why me", "It's Happy Line", jeung "I know".[6] Dina aturan audisi, pamilon ukur bisa nyanyikeun 2 lagu, tapi juri masihan nilai leuwih ka YUI.[6] Sabada audisi, seueur parusahaan rékaman anu ngarebutkeun YUI pikeun di kontrak.[6]

From Me to You (2005-2006)

édit

Nalika YUI pindah ka Tokyo, YUI nulis hiji lagu pikeun penghargaan ka Fukuoka anu judulna "Feel My Soul" anu awalna direncanakeun rék dikaluarkeun dina labél indi, tapi produser Fuji TV Mr. Yamaguchi meunang inspirasi tina sorana YUI, nu ahirna éta lagu di paké dina drama Fukigen na Gene sa acan ngaluarkeun singel kahiji na.[7]

Kaping 23 Februari 2006 YUI ngaluarkeun single kahijina "Feel My Soul" anu laku 100,000 éksemplar jeung asup kana peringkat ka-8 dina nominasi Oricon dina minggu kahiji.[6] 3 single salajengna "Tomorrow's way" (tema lagu film Hinokio), "Life' (lagu panutup anime Bleach), jeung "TOKYO" henteu sasuksés "Feel My Soul", ukur cukup suksés dina perbandingan.[6]

Sabada ngaluarkeun 4 single, YUI ahirna ngaluarkeun album kahiji anu judulna From Me to You, anu suksés kajual leuwih ti 200,000 éksemplar.[6]

Can't Buy My Love (2006-2007)

édit

Taun 2006 YUI ngamimitian maén film anu judulna A Song to the Sun (Taiyou no uta, タイヨウのうた),[8] anu ditontonkeun kaping 17 Juni 2006 di Festifal Film Cannes 2006.[9] YUI datang ka Japan Academy Prize jeung meunangkeun penghargaan artis pendatang terbaik pikeun film Song of the Sun[9] Sa acan ngaluarkeun film éta, YUI ngaluarkeun single ka-5 "Good-bye Days" anu husus ditulis pikeun film éta, anu laku leuwih ti 200,000 éksemplar.[10]

Single nu salajengna, "I Remember Yui" sukses ku sabab popularitasna tina lagu "Good-bye Days".[10] Single ka-7 YUI "Rolling Star" kapilih jadi bubuka séri ka-5 animé Bleach, single ka-8 "Cherry" ditampilkeun dina ngapromosikeun KDDI Listen Mobile Service.[10]

YUI ngaluarkeun Album ka-2 Can't Buy My Love kaping 4 April 2007, album ieu cicing di peringkat ka-1 salila 2 minggu dina nominasi Oricon.[10] Album ieu laku leuwih ti 680,000 éksemplar.[10]

I Loved Yesterday (2007-2008)

édit

YUI ngaluarkeun single ka-9 na "My Generation/Understand" kaping 13 Juni 2007, "My Generation" kapilih jadi lagu pamungkas drama Seito Shokun!, sedengkeun "Understand" kapilih jadi téma lagu film Dog in a Sidecar(サイドカーに犬).[11] Single ieu ngadiukan peringkat kahiji dina nominasi mingguan Oricon.[12]

Single ka-10 na, "Love & Truth" kaluar kaping 26 Séptémber 2007, ieu lagu dijadikeun téma dina film Closed Note(クローズド・ノート).[12] DVD konsér mimiti anjeuna Thank You My Teens di rilis kaping 14 November 2007, anu eusina cuplikan tina konsér kaduana.[12] Kaping 19 November 2007, YUI ngayakeun konsér kahijina di Nippon Budokan, anu langsung séép kajual.[13]

YUI ngawitan taun 2008 ku single ka-11, "Namidairo" anu di rilis kaping 27 Februari 2008.[14] Saminggu sabada di rilisna single ka-11, YUI ngapromosikeun lagu anyarna "Laugh Away", anu ahirna di rilis kaping 10 Maret 2008.[14]

Album ka-3 na di rilis kaping 9 April 2008, anu judulna I Loved Yesterday, album ieu cicing dina peringkat kahiji nominasi Oricon jeung kajual 400,000 éksemplar.[14]

My Short Stories/Holiday in the Sun (2008-2010)

édit

Kaping 2 Juli 2008, YUI ngarilis "Summer Song", sakali deui laguna cicing di peringkat kahiji dina nominasi mingguan Oricon.[15] "Summer Song" kajual 83,440 éksemplar dina saminggu, anu ngajadikeun "Summer Song" peringkat ka-2 dina panjualan minggu kahiji sabada "Love & Truth".[15]

YUI ngariis album kompilasi anu judulna, My Short Stories kaping 12 Novémber 2008 anu cicing di peringkat kahiji dina Oricon.[16] Dina "YUI Diary" nu aya di website na, kaping 29 Agustus 2008, YUI nulis yén anjeunna rék istirahat sabada ngaluarkeun album kompilasina, ku kituna YUI bisa konséntrasi pikeun nyieun rencana taun hareup.[15] Salila istirahat, YUI nulis lagu "I Do It" jeung grup band awéwé ti Okinawa (Stereopony), anu dirilis kaping 22 April 2009 jadi single ka-3 na Steréopony.[17]

YUI ngabéwarakeun yén anjeunna aktif deui, sabada istirahat salila 5 sasih dina situs resmina, ku kituna YUI ngarayakeun aktifna deui dina widang musik ku cara ngrilis single anyar anu judulna"Again" anu dirilis kaping 3 Juni 2009, ieu lagu langsung dipilih pikeun lagu séri mimiti animé Fullmetal Alchemist Brotherhood.[18]

Dina situsna YUI-net.com ngabéwarakeun rilisna single "It's All Too Much/Never Say Die" kaping 27 Juli 2009.[19] Single éta dirilis kaping 7 Oktober 2009, ieu single kajual 75,000 éksemplar dina waktu saminggu.[15] YUI ngarilis single "Gloria" kaping 20 Januari 2010 anu laku 80,000 éksemplar.[15] Single salajengna "To Mother" dirilis kaping 2 Juni 2010.[15]

Kaping 14 Juli 2010 YUI ngarilis album ka-4 na anu judulna Holiday in the Sun anu eusina lima single, ti single "Summer Song" nepi ka "To Mother".[15] Ieu jadi album anu ka-4 anu langsung ka puncak tangga lagu Oricon, anu ahirna kajual leuwih ti 300,000 éksemplar, ogé meunang sértifikat Platinum.[20][21]

How Crazy Your Love (2010-ayeuna)

édit

Single "Rain" di rilis kaping 24 Novémber 2010.[22] Terus, YUI ngarilis single "It's My Life/Your Heaven" 26 Januari 2011.[23] Single salajengna nyaéta "Hello (Paradise Kiss)", anu di rilis kaping 1 Juni 2011.[24] Dua lagu dina single ieu dijadikeun lagu bubuka jeung pamungkas film "Paradise Kiss".[25] Kaping 16 Juni 2011, YUI ngayakeun konsér mimitina di luar Jepang, nyaéta di Hong Kong anu dilalajoan ku 14,000 jelma.[26]

Single anu pang anyarna nyaéta "Green a.Live" anu dirilis kaping 5 Oktober 2011.[27]. Kaping 20 Séptémber 2011, YUI ngabéwarakeun dina situsna, yén YUI baris ngayakeun tur anu ka-5 anu judulna "How Crazy Your Love".[28] Salian baris ngayakeun tur ka-5, YUI ogé rék ngaluarkeun album anyar anu judulna "How Crazy Your Love" kaping 2 November 2011.[28]

Diskografi

édit

Album

édit

Konsér

édit

Tur

édit
  • Yui Tur kahiji 2006 "7 Street": Live Life Love (21 Maret - 18 April 2006)[30]
  • Yui Tur ka-2 2007 "Spring & Jump": Can't Buy My Love (13 April - 1 Juni 2007)[30]
  • Yui Tur ka-3 2008 "Oui": I Loved Yesterday (5 Méi - 19 Juli 2008)[30]
  • Yui Tur ka-4 2010: Hotel Holidays in the Sun (12 Séptémber - 2 Novémber 2010)[30]
  • Yui Tur ka-5 2011: "Cruising": How Crazy Your Love (11 Novémber 2011 - 25 Januari 2012)[28]

Konsér Single

édit
  • Yui Live 2007 di Nippon Budokan (19 Novémber 2007)[30]
  • Yui Live 2011: Hong Kong Hotel Holidays in the Sun (26 Juni 2011)[30]

Rujukan

édit
  1. ↑ a b YUI
  2. ↑ a b c d e f Profile Archived 2011-11-02 di Wayback Machine
  3. ↑ a b c "Interview of YUI (page 5)" (dalam Japanese). Livedoor. 
  4. ↑ Oricon Style, February 2 2006 (Basa Jepang)
  5. ↑ "Interview of YUI (page 3)" (dalam Japanese). Livedoor. 
  6. ↑ a b c d e f g h i j k l m n o p ROCKIN' ON JAPAN, May 2007 (Basa Jepang)
  7. ↑ "映画「カイジ 人生逆転ゲーム」での再会" (dalam Japanese). Diakses tanggal 2011-07-26. 
  8. ↑ "Midnight Sun". Shochiku. Diakses tanggal 2007-03-11.  Archived 2007-02-05 di Wayback Machine
  9. ↑ a b "Complete Cannes 2006 Line-up". Shochiku. Diakses tanggal 2007-03-11.  Archived 2012-05-26 di Archive.today
  10. ↑ a b c d e Single Anyar
  11. ↑ "YUI-net Discography". YUI-net. Diakses tanggal 2011-10-12.  Archived 2007-05-17 di Wayback Machine
  12. ↑ a b c [1]
  13. ↑ "Nippon Budokan News Cover". 
  14. ↑ a b c World of YUI | YUI News, Community, Fansite, Gallery: New YUI Single!
  15. ↑ a b c d e f g Album ka-4
  16. ↑ "Confirmation of new album title "[[My Short Stories]]"" (dalam Japanese). YUI-net. Diakses tanggal 2011-10-12.  Wikilink embedded in URL title (bantuan) Archived 2005-01-12 di Wayback Machine
  17. ↑ "News about Yui x Stereopony Collaboration of "I Do It"" (dalam Japanese). Oricon News. Diakses tanggal 2009-03-03. 
  18. ↑ "Confirmation of Yui's new single, "Again"" (dalam Japanese). Livedoor. Diakses tanggal 2009-03-26. 
  19. ↑ "Confirmation of new single "It's all too much/Never say die"" (dalam Japanese). YUI-net. Diakses tanggal 2011-10-13.  Archived 2009-06-23 di Wayback Machine
  20. ↑ "オリコンランキング情報サービス「you大樹」". Oricon. Diakses tanggal December 20, 2010.  (subscription only)
  21. ↑ "ゴールド等認定作品一覧　2010年07月" (dalam Japanese). RIAJ. Diakses tanggal 2010-08-21. 
  22. ↑ "Rain" (dalam Japanese). Amazon.com. October 26, 2010. Diakses tanggal October 26, 2010. 
  23. ↑ "Confirmation of new single "It's My Life/Your Heaven"" (dalam Japanese). YUI-net. Diakses tanggal 2011-10-13.  Archived 2009-06-23 di Wayback Machine
  24. ↑ "Confirmation of new single "Hello (Paradise Kiss)"" (dalam Japanese). YUI-net. Diakses tanggal 2011-10-13.  Archived 2009-06-23 di Wayback Machine
  25. ↑ [2]
  26. ↑ "Japanese Singer YUI Stages First Foreign Show". Associated Press. Diakses tanggal 2011-08-15. 
  27. ↑ "新曲『Green a.live』リリース決定!!!　(2011.8.22)" [New title "Green Alive" to be released] (dalam Japanese). Sony Music Records (Japan) Inc. 2011-08-22. Diakses tanggal 2011-08-22.  Archived 2011-08-29 di Wayback Machine
  28. ↑ a b c "YUI 5th Tour 2011 開催決定!!" (dalam Japanese). Sony Music Records (Japan) Inc. 2011-09-10. Diakses tanggal 2011-09-12.  Archived 2011-09-24 di Wayback Machine
  29. ↑ a b c d e f g [3]
  30. ↑ a b c d e f [4]
Dicomot ti "https://su.wikipedia.org/w/index.php?title=YUI&oldid=655080"