És goyobod
És goyobod nyaéta inuman tradisional has anu asalna ti Garut, Jawa Kulon.Sanajan és ieu asalna ti Garut, és goyobod ogé geus loba didagangkeun di sabudeureun Kota Bandung kalawan ngagunakeun gorobag surung sarta nguriling ka lembur-lembur., aya ogé nu geus boga tempat matuh saperti kios.[1] Kitu kaayaanana ditambahan dina ésna téh maké tipung hunkué ngajadikeun és goyobod béda ti és campur dawam.[1]
Sajarah És Goyobod
éditÉs goyobod mimiti diwanohkeun ku Junaedi, urang sunda nu ngumbara di Jakarta taun 1930 an, Junaedi boga anggapan di Kota Jakarta nu panas mentrang, jualan és mangrupa pilihan nu bener.[1] Bahan-bahan sederhana és, goyobod jeung santen, Junaedi miharep és goyobod bisa ditarima ku masarakat Jakarta.[1]
Tapi kanyataanna jauh tina harepan. Mangtaun-taun jualan és goyobod, masarakat Jakarta teu pati raresepeun ku sabab kurang saluyu jeung létah urang Jakarta.[1] Usaha Junaedi dituluykeun ku budakna, Usep Suryana, anjeunna nu nuluykeun usaha Junaedi. Usep mimiti muka usahana di Bandung taun 1940-an.[1]
Usep mimiti muka kios di jalan Banceuy, salah sahiji tempat nu strategis di Bandung. Maké bahan nu sarua jeung Junaedi, Usep bisa ngirut masarakat Bandung pikeun meuli és goyobod. Di Bandung téh Usep ngan sakur bisa jualan és goyobod 5 taun.[1]
Tragedi Bandung Lautan Api taun 1946 nyababkeun Usep kudu pindah ti Kota Bandung.[1] Usep tuluy muka kios és goyobod di Garut, mernahna di puseur kota Garut. Di kota ieu és goyobod jadi legenda.[1]
Kiwari és goyobod bisa kapanggih di mana waé lain wungkul di Kota Garut, tapi di kota-kota séjénna di sabudeureun Jawa Kulon.[1]
Panungtun Nyieun
éditPikeun nyieun és goyobod téh siapkeun bahan-bahan kayaning, tipung hunkué, cangkaléng (nu meunang ngulub jeung ngarajang ipis), buah dewegan, peuyeum sampeu, peuyeum ketan hideung, alpuket, cipati, gula bodas, susu jeung és sugu.[2]
Cara Nyieunna, campurkeun tipung hunkué jeung cai, tuluy panaskeun, galo nepi ka rata jeung kentel kalawan seuneuna leutik. Sanggeus éta pair ka jero loyang kalawan kandelna 1,5 cm,saterasna bekukeun.[2] Sanggeus beku kaluarkeun ti loyang sarta potong kotak-kotak leutik.[2] Sadiakeun wadah, asupkeun dewegan, alpuket, cangkaléng, peuyeum sampeu, peuyeum ketan, goyobod sarta és sugu sébor kalawan santan sarta sirop, tuluy tambahkeun susu sacukupna.[2] És goyobod siap dipidangkeun.[2]
Rujukan
édit- ↑ a b c d e f g h i j Berita UPI. SEJARAH ES GOYOBOD, TAK SESEGAR RASANYA Diaksés ping 4 Oktober 2017.
- ↑ a b c d e "Cara Membuat Minuman Segar Es Goyobod Khas Sunda | Resep Nasional". www.resepnasional.com (dalam en-US). Diakses tanggal 2017-10-16.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |