Angelina Jolie nyaéta aktris Amerika anu lahir 4 juni taun 1975 di Los Angeles, California[1]. Angelina Jolie ogé lian ti aktris tapi jadi modél anu kasinugrahan jadi duta Perserikatan Bangsa Bangsa (PBB) anu nguruskeun perdamaian dunya[1]. Budak awéwéna Jon Voight jeung Marchelina Bertrand ieu ngamimitian karirna salaku modél nalika umurna 14 taun di LA, New York jeung London[1].Sanggeus dua taun, manéhna nyobaan akting di téater[1]. Tina téater tuluy ka dunya layar lébar mimitina taun 1993, Cyborg 2 anu dituluykeun kana Without Evidence, Hanckers dina taun 1995, Mojave Moon, Love Is All There Is taun 1996, Playing God taun 1997, Pushing Tin, Bone Collector taun 1998, Girl, Interupted taun 1999 jeung Gone In Sixty Seconds taun 2000[1].

Angelina Jolie (2021)

Tapi ngaranna mimiti moyan di Holywood dina laga Lara Croft: Tomb Raider 2001 jeung panampilanana anu bisa disebut berani, Original Sin 2001[1]. Tuluy, Jolie ogé jadi pamaén dina film Life Or Something Like It 2002, Lara Croft Tomb Raider: The Cradle Of Life 2003, Beyond Borders 2003, Taking Lives 2004, Shark Tale 2004, Sky Captain And The World Of Tomorrow 2004[1].

Katénaran Jolie salaku Hollywood dimangpaatkeun ku Jolie pikeun kagiatan sosialna[1].Kampanyeu perdamaian ogé ditingalikeun ngaliwatan karesepna ngaadopsi orok anu teu diurus ti sababaraha nagara dunya katilu kawas nalika manéhna Maddox Chivan Jolie-Pitt anu dibabarkeun 5 Agustus 2001 tuluy diadopsi 19 Januari 2006 Kamboja sarta Pax Thien Jolie-Pitt anu babar di Vietnam, 29 November 2003 tuluy diadosi 15 Maret 2007[1]. Anu pamungkas diadopsi nyaéta Zahara Marley Jolie-Pitt Ethiopia anu dibabarkeun 8 Januari 2005 jeung diadopsi 19 Januari 2006[1].

Angelina ogé miboga budak asli ti kabogohna Brad Pitt, Shiloh Nouvel Jolie-Pitt, anu dibabarkeun di Ethiopia, 19 Januari 2006, jeung budak kembar Knox Leon Jolie-Pitt sarta Vivienne Marcheline Jolie-Pitt anu dibabarkeun 12 Juli 2009 di Nice, Perancis[1].

Carita asmarana, Jolie pernah nikah jeung aktor Billy Bob Thornton jeung Jonny Lee Miller tapi duanana pipirakan[1]. Ayeuna Jolie papacangan jeung Pitt timimiti taun 2004,nalika babarengan jadi pamaén dina film Mr & Mrs. Smith anu harita Pitt masih kénéh jadi salaki aktris Jennifer Aniston[1]. Jolie pernah nétélakeun yén manéhna saurang biseksual[1]. Aktris Kenny Shimizu, lawan maén filmna dina Foxfire 1996 nyaéta salasahiji awéwé anu ngirut ati Jolie nepi ka Jolie bogoheun[1]. Salaku Selebritis kahot, kahirupan Angelina Jolie dibarengan ku bodyguard anu jarangkung gedé, jadi Jolie tara mangkat sosoranganana.Lian ti anu kuat, bodyguardna ogé dipilih maké seléksi raray anu dipilhna sacara ketat[2].

Referensi édit

  1. a b c d e f g h i j k l m n o Angelina Jolie(diakses 23 November 2011)
  2. Angelina Jolie 'Intim' dengan Bodyguard[tumbu nonaktif](diakses 23 November 2011)