Barbiturat
Barbiturat nyaéta kumpulan ubar anu biasa dipaké pikeun ngubaran sawan, gangguan kahariwang, insomnia parna atawa bisa ogé dipaké salaku ubar pikeun ngamimitian prosés bius atawa anéstési. Barbiturat kedah dipaké nurutkeun resép dokter sabab bisa ngabahayakeun pisan. Dina istilah basajan, kinerja barbiturates bakal ngurangan sistim saraf pusat ku ngaronjatna asam gamma-aminobutyric (GABA), nu mangrupa bahan kimia nu ngahambat konduksi sinyal dina uteuk. Cara gawé kawas kieu bakal miboga dampak keur katenangan, pola saré, rélaksasi otot, nurunkeun tekenan darah jeung denyut jantung. [1]
Golongan barbiturat nyaéta amobarbital, butabarbital, methohexital, secobarbital, phenobarbital jeung thiopental.[2] Barbiturat miboga réaksi anu gancang (dina 10-20 detik sanggeus dikonsumsi pasien leungiteun kaéling). Barbiturat mangrupa ubar keur ningtrimkeun, ubar hipnotik, sarta amnesia. Ku sabab ubar ieu henteu bisa ngaleungitkeun nyeri, jadi kudu dibarengan ku ubar-ubar anu séjén. Gumantung kana dosisna, barbiturat bisa nyababkeun déprési kardiovaskular jeung gangguan nafas. [3] Dina widang kabidanan, barbiturat geus dipaké ti saprak taun 1924. Ieu senyawa dipaké sabab miboga sipat hipnotikna jeung bisa nyababkeun kaayaan amnesia. Lian ti éta, ngagunakeun dina dosis loba diperlukeun pikeun ngabalukarkeun analgesia alatan gangguan nafas boh keu a ka indungna atawa anakna. Pentobarbital jeung secobarbital mangrupa turunan barbiturat anu pangpopulérna ayeuna. [4]
Balukar
éditBarbiturat lamun dikonsumsi bisa nyababkeun rupa-rupa balukar gumantung kana kaayaan anu dialaman ku anu ngonsumsina. Kahiji, bisa ngabalukarkeun tunduh pisan. Kadua, nyeri sirah. Katilu, hésé ambekan atawa karasa sesek dina dada. Kaopat, nyeri dina dada. Kalima, gateul dina kulit sénsitip. Kagenep, muriang atawa panas tiris. Katujuh, nyeri dina sendi. Kadalapan, beungeut, tikoro, biwir bareuh. Kasalapan, ngalaman tatu anu teu biasa. [5]
Salah Ngagunakeun
éditBarbiturat salaku kategori ubar pikeun ngubaran panyakit jeung gangguan dina awak ogé mindeng disalahgunakeun. Gejala paling umum anu dialaman salaku akibat tina barbiturat nyaéta henteu bisa mikir sacara jelas, henteu bisa mikir panjang, engapan karasa pondok jeung laun pisan, ucapan anu laun pisan, rarasaan anu luar biasa lemah, tunduh pisan, Koordinasi awak jadi lemah, teu bisa leumpang ajeg (teu stabil). [6]
Rujukan
édit- ↑ Redaksi, (Ditinjau dr. Meva Nareza). "Barbiturat". Alodokter. Diakses tanggal 2022-02-27.
- ↑ Gracia, Belinda. "Seperti Apa Efek Penyalahgunaan Barbiturat bagi Tubuh?". HonestDocs (dalam Indonesian). Diakses tanggal 2022-11-17.
- ↑ Baradero, Mary; Dayrit, Mery Wilfrid; Yakobus, Siswandi (2009). Prinsip dan Praktik Keperawatan Perioperatif (dalam Indonesian). Jakarta: EGC. p. 66. ISBN 978-979-448-954-3.
- ↑ Oxorn, Hary; Forte, William R. (2010). Ilmu Kebidanan: Patologi dan Fisiologi Persalinan (dalam Indonesian). Yogyakarta: Penerbit Andi. p. 386. ISBN 978-979-29-0995-1.
- ↑ Trifiana, Azelia. "Bahhaya Barbiturat, Obat dengan Efek Sedatif". SehatQ (dalam Indonesian). Diakses tanggal 2022-02-27. Archived 2022-11-17 di Wayback Machine
- ↑ Anindyaputri, Irene. "Penyalahgunaan Barbiturat: Gejala, Obat, dll. • Hello Sehat". Hello Sehat (dalam id-ID). Diakses tanggal 2022-02-27.