Wikipédia

Cécéndét

Cécéndét
Cécéndét, Bogor, Jawa Kulon
Klasifikasi ilmiah
Karajaan:
Plantae
Divisi:
Magnoliophyta
Kelas:
Magnoliopsida
Ordo:
Solanales
Kulawarga:
Solanaceae
Génus:
Physalis
Ngaran binomial
P. angulata L. P. minima

Cécéndét atawa cécénét nyaéta ngaran tutuwuhan liar, mangrupa semak atawa perdu anu pendék (biasana jangkungna nepi ka saméter) sarta miboga umur kurang leuwih sataun.[1] Cécéndét tumuwuh kalayan subur di dataran handap nepi ka 1550 méter dataran luhur, biasana tumuwuh dina taneuh tegalan, sérang-sérang garing, sarta di leuweung-leuweung jati.[1] Kembangna warna konéng, wangun buahna buleud, warnana héjo semu koneng upama ngora kénéh, tapi lamun geus kolot warnana coklat, rasana haseum amis.[1] Buah cécéndét anu ngora ditutupan ku cangkap (tiung panutup buah).[1][2]

Buah cécéndét ngandung sanyawa kimia asam sitrun sarta fisalin.[3] Sajaba ti éta ogé ngandung Asam Malat, Alkaloid, Tanin, Kriptoxantin, Vitamin C sarta Gula.[3] Cécéndét miboga mangpaat pikeun ubar kasakit diabétes mellitus, paru-paru, sakalor, jeung borok.[3] Bahan anu digunakeun pikeun ngubaran kasakit diabétes melitus nyaéta tangkal, buah, jeung akar cécéndét.[3] Pikeun gering paru-paru bahan anu dipaké nyaéta akar, watang, daun, kembang jeung buahna.[3] Pikeun ngubaran sakalor nu digunakeun nyaéta 8 nepi ka 10 siki buah cécéndét.[3] Sedengkeun pikeun ngubaran borok saranggeum daun cécéndét ditambahan 2 sendok cai kapur.[3]

Réferénsi

édit
  1. ↑ a b c d Tim Armandelta. 2008. Kumpulan Tanya Jawab Tumbuhan dan Toga. Jakarta:Armandelta Selaras Hal. 61
  2. ↑ Rigg, Jonathan (1862). Rigg. Universitas Harvard: Lange. p. 139.  Disungsi12 Pébruari 2022
  3. ↑ a b c d e f g Ciplukan Archived 2011-10-26 di Wayback Machine (id) (Diakses ping 7 November 2011)

Tutumbu Kaluar

édit
Dicomot ti "https://su.wikipedia.org/w/index.php?title=Cécéndét&oldid=653301"