Kembung bikang
Kembung, Rastrelliger brachysoma
ti Jakarta
Klasifikasi ilmiah
Karajaan:
Filum:
Kelas:
Ordo:
Kulawarga:
Tribus:
Génus:
Spésiés:
R. brachysoma
Ngaran binomial
Rastrelliger brachysoma
(Bleeker, 1851)
Sinonim

Scomber brachysoma Bleeker, 1851[1]
Scomber neglectus Kampen, 1907
Rastrelliger brachysoma Jordan & Dickerson, 1908
Rastrelliger neglectus Beaufort, 1951.

Kembung bikang (Rastrelliger brachysoma) nyaéta sajenis lauk laut ti kulawarga Scombridae.[2] Dina basa Inggris katelahna short mackerel atawa shortbodied mackerel. [2] Spésiés ieu kapanggih di Samudra Pasifik ti Sagara Andaman ka Thailand, Indonésia, Papua Nugini, Filipina, Kapuloan Solomon sarta Fiji.[3]

Pedaran édit

 
Kalayan tonggong bintik-bintik

Wangunna lonjong manjang kalayan sungut méncos; panjang awak FL (fork length) maksimal nyaéta 34,5 cm, ilaharna mah ngan ukur 15 nepi ka 20 cm.[4] Rahang luhur sabagéan katutup ku tulang lakrimal.[4] Ususna kacida panjang, 3,2-3,6 kali panjang awak FL.[5]

 
Mata gedé sarta sungut méncos

Tonggong héjo poék semu bulao, kalayan dua jajar bintik leutik warna poék palebah napelna cécépét-cécépét tonggong.[5] Sisi awak sarta beuteung semu pérak, kadang-kadang kalayan sababaraha gurat ipis datar.[5] Cécépét tonggong hareup semu konéng kalayan sisi hideung; cécépét dada sarta cécépét beuteung kulawu; cécépét-cécépét nu séjénna semu konéng.[5]

Kabiasaan édit

 
Pindang kembung bikang ti Chiang Mai, Thailand

Lauk kembung bikang hirup sumebar di kawasan parairan Samudra Pasifik bagéan tengah, mimiti ti Sagara Andaman ka arah wétan ka parairan Thailand, Nusantara, sarta Filipina, nepi ka Papua Nugini, Kepulauan Solomon, sarta Fiji.[6]

Lauk ieu sipatna epipelagik-neritik, ngumbara ilaharna di laut-laut déét di antara kapuloan, sarta bisa hirup di salinitas (kadar uyah) nu handap di laut deukeut estuaria.[3] Kembung bikang ngojay dina jumplukan nu ukuranna awakna ilaharna sarua, ngalanglang wilayah kalayan suhu beungeut sagara antara 20°-30 °C.[3] Kahakanan utamana nyaéta mikro-zooplankton, nu loba kacampur fitoplankton.[3] Ditaksir ngahontal umur sawawa panjang awak FL kira-kira 16 cm, lauk ieu mijah antara bulan Maret nepi ka bulan Séptémber.[5]

Mangpaat édit

 
Beubeunangan komérsial lauk kembung bikang sadunya, taun 1950-2009 (dina ton)

Lauk kembung ieu mangrupa spésiés komérsial pangpentingna di Filipina, ditéwak sapanjang taun di Teluk Manila.[7] Bebeunangan di Filipina teu angger antara 25.145 métrik ton dina taun 1978 sarta 18.962 métrik ton taun 1981 (FAO, 1983).[7] Jumlah beubeunangan spésiés ieu nu dilaporkeun ka FAO pikeun taun 1999 nyaéta 25.713 ton. Nagara nu panglobana beubeunangan nyaéta Filipina (25.713 ton). [7]Ilaharna data lauk ieu gumantung dina catetan beubeunangan Rastrelliger spp., atawa digabungkeun kalayan data beubeunagnan kembung jalu R. kanagurta.[6]

Ngaran édit

Ngaran kembung bikang jeung kembung jalu di dieu euweuh hubunganna kalayan jenis kelamin.[8]Ngaran-ngaran éta ngan saukur ngaran lokal (vernacular name), sarta tiap-tiap jenis éta aya lauk-lauk jalu jeung bikang dina populasina masing-masing.[8]

Dicutat tina édit

  1. Bleeker, P. 1851. Nat. Tijdschr. Ned.-Ind., 1: 356 (Batavia) .
  2. a b "Rastrelliger brachysoma  (Bleeker, 1851)". itis.gov (itis.gov). https://www.itis.gov/servlet/SingleRpt/SingleRpt?search_topic=TSN&search_value=172463#null. Diakses pada 04 Juni 2017 
  3. a b c d "Rastrelliger brachysoma". iucnredlist.org (iucnredlist.org). http://www.iucnredlist.org/details/170318/0. Diakses pada 04 Juni 2017 
  4. a b "Rastrelliger brachysoma". fishbase.org (fishbase.org). http://www.fishbase.org/summary/Rastrelliger-brachysoma.html. Diakses pada 04 Juni 2017 
  5. a b c d e Collette, B.B. and C.E. Nauen. 1983. FAO Species Catalogue. Vol. 2. Scombrids of the world. An annotated and illustrated catalogue of tunas, mackerels, bonitos and related species known to date. FAO Fish. Synop., (125) Vol. 2: 46-47
  6. a b Carpenter, Kent E. & Volker H. Niem. 2001. FAO Species Identification Guide: The Living Marine Resources of The Western Pacific. Vol. 6: 3737. Food and Agriculture Organization, Rome. ISBN 92-5-104589-5
  7. a b c "Rastrelliger brachysoma (Bleeker, 1851)". fao.org (fao.org). http://www.fao.org/fishery/species/2477/en. Diakses pada 04 Juni 2017 
  8. a b "Common Names". fishbase.org (fishbase.org). http://fishbase.org/ComNames/CommonNamesList.php?ID=109&GenusName=Rastrelliger&SpeciesName=brachysoma&StockCode=123. Diakses pada 04 Juni 2017 

Tumbu kluar édit

 
Wikimedia Commons logo
Wikimedia Commons mibanda média séjénna ngeunaan