Kowi

Kowi nyaéta wadah kawas mangkok paragi meuleum logam: emas, pérak, beusi, alumunium, séng, beling, jeung bahan séjéna nepikeun ka lééh. Kowi dijieunna tina bahan taneuh tela (taneuh liat), grafit, jeung bahan séjéna, Kowi kudu mibanda kakuatan mangsana dibeuleum alatan panas anu bakal dihasilkeun pikeun ngalééhkeun logam jeung beling kurang leuwih 500 °C nepikeun ka 1500 °C, sagigireun tiéta kudu mibanda katahanan tina pangaruh zat kimia, Wangun kowi leutik kawas mangkok pikeun pigaweun sederhan, aya ogé kowi anu mibanda ukuran leuwih gedé.[^[1] Wangun, ukuran jeung pariasi kowi rupa-rupa gumantung kana kabutuhan. Kowi mimiti dimekarkeun ku urang Iran jeung Eropa wétan kurang leuwih dina abad ka lima jeung dalapan . ^[2]

Pedaran

Kowi pikeun ngalééhkeun logam utamana dijieun tina taneuh liat- grafit, silikon karbida, jeung sajabana, bahan-bahan éta bisa dipaké pikeun ngalééhkeun logam (cor), silikon karbidamah sagigireun kuat dina nahan panas anu pohara ogé ieu bahan leuwih awét dipakéna.^[3]

Sababaraha katangtuan mangsa nyanghareupan pagawéan anu aya patula patalina jeung kowi:

Mangsa ngangkat kowi tina hawu kudu maké capit anu pas tur méré nah sangkan kowi henteu ragrag, ruksak ogé nyingkahan pibahayaeun ku alatan kacida panasna
Sangkan hente napel dina dasar hawu/tungku, anu engkena ngabalukarkeun kowi hésé dicabut. Leuwih hadé saméméh dibeuleum kowi jeung hawu kudu dibéré tilam/dadasar, bisa waé tina dus atawa carbon séjéna
Kowi kudu dibedakeun paragi meuleum kaca atawa logam sangkan henteu kakotoran atawa pacampur, ogé ulah poho kudu dibérésihan di mana geus dipaké
Saméméh dipaké kowi anu masih kosong kudu dipanasan heula salila 2 jam dina panas 220 F (104 °C) di mana geus katembong beureum tuluy pareuman heula, antepkeun ngarah kaangin-angin. Ieu maksudna sangkan kowi bener bener garing.
Mangsa geus rengsé maké kowi. Kudu diteundeun dina tempat anu bener-bener garing, ulah nepikeun kabaseuhan, sangkan kowi henteu gancang ruksak/rengat mangsa dipaké
Ulah pinuh teuing ngeusian bahan kana kowi, sabab panas anu diakibatkeun ku pinuhna bahan anu lééh bisa nambahan panas anu luarbiasa pikeun kowi, ieu bisa waé ngabalukarkeun kowi rengat malahan nepika beulahna.
Mangsana bahan keur lééh utamana logam, ieu kacida bahayana ulah nepika aya barang séjén anu ancrub/nyakclak ku lantaran bisa waé ngabeledug, kasupkeun cai anu nyakclak, dina hal ieu kudu bener-bener tarapti jeung iatna.^[4]

Capit paragi mindahkeun kowi
Kowi mangsa keur dibeuleum
Kowi wangunna kawas mangkok
Kowi keur dicicikeun
Kowi tina bahan grafit
Kowi anu dipaké di pabrik waja

Tutumbu kaluar

Kowi tina taneuh liat
Kowi téh jartina
Bahan-bahan pikeun nyieun kowi Archived 2016-08-19 di Wayback Machine

Tempo ogé

Dicutat tina

↑ Percy, John. Natural Refractory Materials Employed in the Construction of Crucibles, Retorts, Forunaces &c. Metallurgy. London: W. Clowes and Sons, 1861. 208–09. Print.
↑ Pigott, Vincent C. "The Neolithic (C.A 7500–5500 B.C) and Caltholithic (C.A 5500–3200 B.C) Periods." The Archaeometallurgy of the Asian Old World. Philadelphia: UPenn Museum of Archaeology, 1999. 73–74. Google Scholar. Web.
↑ Bahan-bahan pikeun nyieun kowi
↑ Katangtuan ngagunakeun kowi

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.

[1] Percy, John. Natural Refractory Materials Employed in the Construction of Crucibles, Retorts, Forunaces &c. Metallurgy. London: W. Clowes and Sons, 1861. 208–09. Print.

[2] Pigott, Vincent C. "The Neolithic (C.A 7500–5500 B.C) and Caltholithic (C.A 5500–3200 B.C) Periods." The Archaeometallurgy of the Asian Old World. Philadelphia: UPenn Museum of Archaeology, 1999. 73–74. Google Scholar. Web.

[3] Bahan-bahan pikeun nyieun kowi

[4] Katangtuan ngagunakeun kowi

[1]

[2]

[3]

[4]