Kurupuk malarat
Kurupuk malarat nyaéta kurupuk khas asal Cirebon anu bahan dasarna tina aci hui.[1] Miboga kaunikan tina rasa, bentuk jeung prosés ngolahna.[1] Teu siga kurupuk umumna, kurupuk malarat mah teu digoréng maké minyak na katél, tapina diolah maké pasir panas ti pagunungan salaku bahan ngagoréng alias disangray téa.[1] Disangrayna ku pasir panas, lantaran mangsa harita hésé pisan meuli minyak goréng téh sahingga kurupuk ieu dingaranan kurupuk malarat.[1] Ieu kurupuk dipikawawuh pisan diwewengkon kalér, utamana di Cirebon, Subang, jeung Sumedang.[1][2]
Ari nyieunna téh gampang pisan, bahanna ngan ukur bawang bodas, aci hui, uyah jeung cai.[3] Prosés nyieunna bahan-bahan nu disiapkeun téh dicampur sarta digalokeun nepi ka rata, tuna wéh éta adonan téh kana citakan buleud tuluy dibanjur ku cai ngagolak, engkeun nepi ka adonan ngadagleg.[3] Campurkeun adonan bieu jeung sésa adonan garing, jieunkeun golondongan tina bahan éta aduk nepi ka rata jeung ngaheuras.[3] Mun geus teuas bisa dikeureutan ipis teundeun na luhureun tampah tutup nepi ka asap jeung ulah lila teuing.[3] Tuluy pindahkeun tina tampah ka wadah nu lian, poékeun keureutan éta nepi ka garing.[3] Mun geus garing kakara bisa disangray ku pasir wahangan nu geus dibersihkeun.[3]
Rujukan
édit- ↑ a b c d e Zurich. Tak Hanya Sekadar Lezat, Ini Dia Sejarah Unik di Balik Makanan Tradisional Indonesia. Ditempona tanggal 16 Mei 2017.
- ↑ My Sumedang. Kerupuk Melarat, Kenapa Disebut Kerupuk Melarat? Archived 2017-08-16 di Wayback Machine. Ditempona tanggal 16 Mei 2017.
- ↑ a b c d e f Masakan Dapurku. Resep Membuat Kerupuk Melarat Khas Cirebon. Ditempona tanggal 16 Mei 2017.