Lord Rayleigh
John William Strutt, Baron Rayleigh ka-3 (gumelar 12 Nopémber 1842 – maot 30 Juni 1919 dina umur 76 taun) nyaéta saurang fisikawan Inggris, babarengan jeung William Ramsay, nimukeun anasir argon, hiji beubeunangan anu ngahasilkeun hadiah Nobél dina widang fisika dina taun 1904. Anjeunna ogé nimukeun hiji fénomaéna anu kiwari disebut hamburan Rayleigh, medar naha langit téh bet warnana biru, jeung ngira-ngira ayana beungeut gelombang anu kiwari dipikawanoh minangka gelombang Rayleigh. Buku karya Rayleigh, Theory of Sound (Téori Sora), nyaéta buku anu masih kénéh dipaké pikeun réferénsi ku para insinyur akustik nepika kiwari.
Strutt lahir di Langford Grove, Essex, jeung dina taun-taun awal hirupna ngarandapan kaayaan jeung kaséhatan anu piwatireun. Anjeunna asup ka sakola Harrow, saméméh nuluykeun ka universitas Cambridge dina taun 1861 pikeun diajar matématika di Trinitty College. Anjeunna meunang gelar Bachelor of Arts (Wrangler Senior jeung hadiah Smith ka-1) dina taun 1865, jeung Master of Art dina taun 1868.[1] Anjeunna tuluy kapilih jadi pupuhu di Trinitty. éta kalungguhan téh dicepeng nepika anjeunna nikah jeung Evelyn Balfour, anakna James Maitland Balfour, taun 1871. Anjeunna boga tilu urang anak lalaki jeung saurang anak awéwé. Dina taun 1873, nalika dina mangsa tilar dunya bapana, John Strutt, Baron Rayleigh ka-2, anjeunna diwaris Barony of Rayleigh.[2]
Sumber
édit- ↑ Strutt, the Hon. John William in Venn, J. & J. A., Alumni Cantabrigienses, Cambridge University Press, 10 vols, 1922–1958.
- ↑ Lord Rayleigh:The Nobel Prize in Physics 1904. The Nobel Foundation. 1904. diakses 1 Januari 2012
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |