Proyéktil

Proyéktil nyaéta hiji banda nu ditémbakkeun ka udara ku ngalarapkeun sawatara gaya. Dina sawangan umum mah, bal dina olahraga maén bal atawa kasti téh dianggap minangka proyéktil, ngan dina prak-prakanana mah lolobana proyéktil téh didesain minangka pakarang anggang.

Proyéktil jeung cangkangna jieunan artiléri Schwerer Gustav dina Perang Dunya II. Lolobana pakarang proyéktil maké komprési atawa pamuéian gas minangka panggerakna.

Gaya panggerak

Panah, gondéwa, jamparing, tumbak, jeung pakarang sajenis ditembakkeun maké gaya mékanik murni nu dilarapkeun ku banda padet lianna; sabalikna, pakarang séjén mah maké komprési atawa pamuéian gas minangka gaya panggerakna. Sumpit jeung bedil mimis mah ngagunakeun gas nu dipadetkeun, sedengkeun lolobana bedil jeung pakarang seuneu téh ngamangpaatkeun gas nu dimuéikeun anu dibebaskeun réaksi kimia dumadak. Bedil gas seuneu ngagabungkeun dua mékanismeu ieu.

Mintul atawa seukueut

Sanajan sumpit mah proyéktilna leutik, lolobana bedil jeung pakarang seuneu mah melesatkeunna pélor atawa mimis nu dijieun tina logam, biasana timah, nu didesain pikeun ngaruksak jeung nyoékkeun bagéan dina hiji sasaran, sarta nyumebabkeun karuksakan daria.