Wikipédia

Repsol Honda

Repsol Honda nyéta tim pabrik resmi Repsol S.A. sarta Honda Racing Corporation dina Kajuaraan Dunya MotoGP.[1]

Tim Repsol Honda
Ngaran 2016Repsol Honda Team
Kantor puseurAalst, Belgium
Inohong pentingShuhei Nakamoto
Purah balap26. Spanyol Dani Pedrosa
93. Spanyol Marc Márquez
MotorHonda RC213V
GilindingMichelin
Juara purah balap13
1995, 1996, 1997, 1998 Mick Doohan
1999 Àlex Crivillé
2001, 2002, 2003 Valentino Rossi
2006 Nicky Hayden
2011 Casey Stoner
2013, 2014, 2016 Marc Márquez

Sajarah édit

1990an édit

Dina taun 1992, Honda mekarkeun mesin "Big Bang", kalayan henteu konvénsional sarta has.[2] Mick Doohan mintonkeun kaparigelan nu luar biasa kalayan Honda NSR500 anyar nepikeun ka tatu parna dina usum balap harita.[2] Vérsi pangayarna motor ieu pohara nyugemakeun nepikeun ka mampuh mapakan di kelas utama.[2] Éta mangrupa kaajaiban téknologi nu ninggalkeun kesan abadi di dunya balap.[2] Doohan ngahontal gelar juara dunya 500cc kalayan Honda lima kali noron ti taun 1994.[2] Usum balap taun 1997 mangrupa taun pangalusna pikeun modél ieu, kalayan 15 kameunangan, sababaraha di antarana ngahontal 22 kameunangan noron.[2] NSR500 jadi sajarah minangka motor legendaris taun 1990-an.[2]

Dina taun 1995 tim nurunkeun 3 purah balap nyaéta Mick Doohan, Alex Criville sarta Shinichi Ito maké Honda NSR500.[1] Doohan ngahontal Kajuaraan Dunya pikeun kadua kalina sakaligus di Argentina, Criville anggeus di posisi kaopat kalayan sakali meunang balapan sedengkeun Ito anggeus di posisi kalima.[1] Tim dimekarkeun jadi opat urang dina taun 1996; Doohan jeung Criville maké Honda NSR500 sedengkeun Tadayuki Okada jeung Ito maké Honda NSR500V.[1] Doohan ngahontal Kajuaraan Dunya katilu kalayan dalapan kali meunang lomba sarta Criville di posisi runner-up. Okada anggeus di posisi katujuh sarta Ito di posisi kaduabelas.[1]

Kaopat purah balap diteruskeun taun 1997 nyaéta Doohan, Crivillé sarta Okada maké NSR500 sarta Takuma Aoki maké NSR500V.[1] Repsol Honda meunang sakabéh 15 balapan usum ieu kalayan Doohan meunang 12 balapan, sarta meupeuskeun rékor Giacomo Agostini pikeun ngahontal kameunangan dina hiji usum, dina Kajuaraan Dunya kaopatna.[1] Okada jadi runner-up, Crivillé di posisi kaopat kalayan dua kameunangan tapi teu milu lima balapan sanggeus ngalaman kacilakaan parna di Assen sedengkeun Aoki di posisi kalima.[1] Purah balap Repsol Honda meunang sakabéh posisi podium di opat balapan, di Jepang, Spanyol, Jérman jeung Indonésia.[1]

Pikeun taun 1998, Doohan, Crivillé sarta Okada neruskeun di tim Repsol Honda kalayan motor NSR500 sarta Sete Gibernau ngagabung jeung maranéhna maké motor NSR500V.[1] Doohan terus mingpin kajuaraan kalayan dalapan kameunangan sarta dileler Juara Dunya pikeun kalima kalina di Australia.[1] Crivillé anggeus di posisi katilu kalayan dua kameunangan, sedengkeun Okada kudu absén tilu balapan sabab pigeulang leungeunna potong nalika latihan di Grand Prix Itali sarta anggeus di posisi ka dalapan. Gibernau anggeus di posisi kasabelas.[1]

Réngréngan tim tetep sarua pikeun taun 1999, nyaéta Doohan, Crivillé, Okada jeung Gibernau.[1] Mangsa kualifikasi di Grand Prix Spanyol, Doohan kungsi kacilakaan parna sarta pamustunganana ngabalukarkeun pangsiun ti olahraga balap.[1] Crivillé neruskeun genep balapan sarta pikeun ngahontal Kéajuaraan Dunya di Rio de Janeiro kalayan sésa sakali balapan deui di usum ieu.[1] Okada anggeus di posisi katilu kalayan tilu kali balapan.[1] Gibernau – nu dimimiti usum maké NSR500V saancan ngaganti Doohan maké NSR500 – anggeus di posisi kalima.[1] Tim purah balap ieu meunang balap di sakabéh podium di Katalunya kalayan Crivillé kahiji, Okada kadua sarta Gibernau katilu.[1]

2000an édit

Crivillé, Okada jeung Gibernau angger babarengan satim dina taun 2000 maké motor Honda NSR500.[1] Usum taun 2000 nyaéta taun nu werit pikeun Tim Repsol Honda, Criville ngan meunang sakali sarta anggeus di posisi kasalapan, Okada anggeus di posisi kasabelas sarta Gibernau posisi kalimabelas.[1] Taun 2001, Criville digabungkeun jeung Tohru Ukawa.[1] Usum ieu teu jauh leuwih alus batan taun 2000 Crivillé ngan bisa meunang dua podium jeung nganggeuskeun usum dina posisi kadalapan, sedengkeun Ukawa anggeus di posisi kasapuluh kalayan ngan hiji podium.[1]

Usum taun 2001 dimimitian kalayan babak bubuka nu luar biasa di Suzuka, di mana Masao Azuma, Daijiro Kato sarta Valentino Rossi maranéhna meunang kelas 125, 250 dan 500cc, nu ngalantarankeun Honda ngahontal kameunangan ke-500 di Kajuaraan Dunya Balap motor Grand Prix.[2] Pikeun taun 2002, Honda nurunkeun Honda RC211V kapasitas 990cc, opat léngkah, ngagunakeun RC ngingetkeun deui kenangan taun-taun emas Honda di seri GP Dunya dina taun 1960an.[2] Satiap produsén geus ngaronjatkeun mesinna pikeun tarung panungtung di taun panungtungan balap MotoGP 990cc, kalayan Honda nurunkeun dua vérsi RC211V.[2]

 
Valentino Rossi Valentino Rossi meunang tilu kali gelar dunya kalayan tim, dina 2001, 2002 jeung 2003.

Dina taun 2002, taun munggaran kelas MotoGP anyar, Valentino Rossi ngagabung tim bareng jeung Ukawa numpak Honda RC211V anyar, ngan ukur dua purah balap nu maké motor anyar nepi ka ampir ahir usum, antukna Alex Barros jeung Daijiro Kato dibéré ogé Honda RC211V.[1] Rossi mingpin usum balap ieu kalayan sabelas kameunangan balapan jadi Juara Dunya kalayan sésa balapan opat deui pikeun ahir usum.[1] Taun 2002 Nicky Hayden juara AMA Superbike ngagabung jeung Rossi taun 2003.[1] Rossi kalayan salapan kameunangan sarta meunang podium di sakabéh balapan, jadi Juara Dunya nu katilu kalina noron kalayan sésa dua balapan deu di usum ieu.[1] Hayden anggeus kalima kalayan dua kali naék podium.[1]

Sanggeus kaluarna Rossi, veteran Grand Prix Alex Barros ngagabung jeung Hayden taun 2004.[1] Barros nganggeuskeun usum di posisi kaopat sarta Hayden kalima.[1] Purah balap duanana naék podium tapi teu kungsi meunang balapan kahiji.[1] Taun 2005 Max Biaggi ngagabung jeung Hayden ka tim Repsol Honda.[1] Hayden ngahontal kameunangan MotoGP munggaranna di Grand Prix Amérika, manéhna juara katilu.[1] Biaggi juara kalima kalayan lima podium.[1]

Usum taun 2006 ieu kasohor lantaran aya sababaraha purah balap ngora dina taun nu pinuh tangtangan.[2] Taun 2006, Hayden ngagabung jeung Dani Pedrosa Juara Dunya 250cc .[1] Hayden mingpin kajuaraan pikeun sebagéan badag usum ieu tapi di Grand Prix Portugis, Pedrosa kacilakaan nabrak Hayden.[1] Purah balap duanana kaluar balapan sarta Rossi mingpin kajuaraan kalayan sésa balapan sakali deui.[1] Dina usum balap panungtungan, Rossi labuh di lap ka 5.[1] Hayden nganggeuskeun balapan posisi ka 3 nu aman sarta jadi Juara Dunya.[1] Manéhna meunang dua kali balapan sarta dalapan kali podium lainna.[1] Pedrosa anggeus di posisi kalima kalayan dua kali meunang balapan sarta lima kali podium lainna.[1]

Pikeun taun 2007, Honda nyieun mesin V4 pikeun mesin RC212V anyar nu siap tarung di seri MotoGP 800cc. Kacepatan di trék lempeng ngurangan 15kpj.[2] Téknologi gilinding ogé ngaronjat, sarta sistim kontrol traksi ti jaman 990c beuki disampurnakeun.[2] Hasilna, sacara kasaluruhan kalayan motor 800cc teu béda jauh jeung 990cc.[2]

Pikeun taun 2007 réngréngan tim angger.[1] Tim ngagunakeun motor Honda RC212V anyar 800cc.[1] Motor anyar ieu teu ngalantarankeun kasuksésan nu dipikaharep tapi antukna dina usumna kamapuh motor ngaronjat. Pedrosa meunang dua kali balapan sarta di posisi kadua usum balap ieu, Hayden ngan bisa ngatur podium sarta anggeus di posisi kadalapan sagemblengna di usum balap ieu.[1] Pikeun taun 2008, purah balapna angger Pedrosa jeung Hayden, kalayan Mike Leitner jeung Pete Benson minangka lulugu mékanik Pedrosa jeung Hayden, sarta Kazuhiko Yamano salaku manajer tim.[1] Dina mangsa usum éta Pedrosa ngaganti gilinding ku Bridgestone sarta hiji dingding ditempatkeun di antara garasi Pedrosa jeung Hayden pikeun nyingkahan panalungtikan data gilinding.[1] Dingding di antara garasi tim nu sarua mimiti dilambagakeun ku Rossi di awal usum antara manéhna jeung Jorge Lorenzo batur satimna di Michelin.[3]

Pikeun taun 2009, Pedrosa jeung Andrea Dovizioso nyaéta tim purah balapna.[1]

2010an édit

Pikeun taun 2010, diréktur Tim HRC nyaéta Kazuhiko Yamano, nalingakeun sakabéh operasi kaasup tim pabrik jeung tim satelit.[1] Toshiyuki Yamaji ngagantikeun Yamano salaku Tim Manajer sarta diarahkeun sakabéh tim Repsol Honda. Alberto Puig minangka Manajer Tim Pedrosa sarta Gianni Berti minangka Manajer Tim Dovizioso.[1] Shinichi Kokubu minangka Direktur Téhnik Grand Prix, nalingakeun genep mesin RC212V di MotoGP.[4]

Dina taun 2011, tim pabrik Repsol Honda nurunkeun tilu motor kalayan Dani Pedrosa, Andrea Dovizioso sarta Juara Dunia 2007, Casey Stoner.[2] Honda RC212V kabukti pohara kuat pikeun kompetisi taun ieu sarta Casey Stoner Australia ngahontal kajuaraan kalayan sésa dua balapan deui, sarta Honda ogé ngahontal gelar Tim sarta gelar ke-60 Konstruktor.[2]

 
Casey Stoner balap pikeun Repsol Honda di Grand Prix Malaysia 2011.

Pikeun taun 2011, Shuhei Nakamoto minangka Wawakil Présidén HRC sarta mingpin tim Honda MotoGP.[1] Shinichi Kokubu minangka Direktur Téhnik, sarta Livio Suppo minangka Komunikasi HRC sarta Diréktur Marketing.[1] Pedrosa, Dovizioso jeung Casey Stoner minangka tim purah balapna.[5] Tim ogé disponsoran ku PT Astra Honda Motor, ngaliwatan mérek One Heart jeung Satu Hati (SaHaté).[1] Pikeun taun 2012, Pedrosa jeung Stoner minangka tim puarah balap.[1] Pikeun taun 2013, Pedrosa neruskeun purah balap tim dibarengan ku Marc Márquez, kalayan Suppo minangka Pupuhu Tim.[1] Tim leungiteun sponsor One Heart jeung Satu Hati.[1]

Dina taun 2014, Márquez jadi purah balap nu pangngorana nu meunang sapuluh kali balapan noron di MotoGP.[1] Tim disponsoran deui ku One Heart jeung Satu Hati.[1] (SaHaté) Pikeun taun 2015, Pedrosa jeung Márquez angger jadi tim purah balap.[1] Red Bull, sponsor jangka panjang nu katempo dina hélm purah balap, jadi sponsor utama tim.[1]

Kajuaraan Dunya MotoGP taun 2016 mangrupa usum nu ngesankeun pikeun Honda sarta Marc Marquez mantan juara mintonkeun 22 Kajuaraan Dunya Konstruktor di kelas utama sarta nu panungtung dileler minangka purah balap pangngorana nu meunang tilu Kajuaraan Dunia kelas utama, nu ngalantarankeun nghontal lima gelar di sakabéh kelas dina karir Grand Prix-na.[2] Dina umur 23 taun sarta 242 poé, pembalap Repsol Honda meupeuskeun rékor ti purah balap legendaris Mike Hailwood, nu umurna 24 taun nalika manéhna meunang mahkota 500cc katilu kalina taun 1964.[2]

Parobahan téknis penting dilakukeun dina tetekon Kejuaraan MotoGP 2016 kalayan diwanohkeun éléktronik terpadu sarta pindahna gilinding ti Bridgestone ka Michelin sarta perelu waktu pikeun insinyur sarta tim HRC pikeun sagemblengna nitenan kumaha ngamangpaatkeun poténsi RC213V.[2]

Honda Racing Corporation (HRC) poé Rabu (7/12/2016) ngabéwarakeun geus resmi manjangkeun kontrak sponsor kalayan pausahaan énérgi Spanyol, Repsol, di MotoGP nepi ka 2018.[6] Kontrak Repsol jeung Honda kuduna baris béak dina panungtungan taun 2017.[6] "Taun ieu kami ngahontal titel MotoGP ka-12 salila 22 taun gawé bareng, hiji pencapaian nu luar biasa dina sajarah Kajuaraan Dunya Balap motor Grand Prix," ceuk Manajer umum Race Operations Management Division HRC, Tetsuhiro Kuwata, di ramatloka resmi HRC.[6] "Rekor kasebut mintonkeun hébatna gawé bareng antara Honda jeung Repsol. Salian kontrak sponsor nu hadé, kami ogé meunang kauntungan ti pamekaran teknologi nu krusial," ceuk Kuwata.[6] Aya genep purah balap nu kungsi jadi juara dunya kalayan Repsol Honda nyaéta Mick Doohan (1994-1998), Alex Criville (1999), Valentino Rossi (2001-2003), Nicky Hayden (2006), Casey Stoner (2011), sarta Marc Marquez (2013-2014, 2016).[6]

Juara Dunya Marc Marquez jeung batur satimna Dani Pedrosa neruskeun pangujian tilu poé maranémhna di Sirkuit Internasional Sepang kalayan ngalakonan lalampahan ka Indonésia pikeun medalkeun kelir Tim Repsol Honda 2017 di Jakarta International Expo (JIExpo) di ibukota nagara.[7]

Hasil MotoGP édit

(konci) (Balap nu kandel nandakeun posisi pole, balap nu déngdék nandakeun lap panggancangna)

Taun Motor Gilinding Purah balap 1 2 3 4 5 6 7 8 9 10 11 12 13 14 15 16 17 18 Peunteun Pos.
2002 Honda RC211V M JPN SAF ESP FRA ITA CAT NED GBR GER CZE POR RIO PAC MAL AUS VAL 564 ka 1
  Valentino Rossi 1 2 1 1 1 1 1 1 1 Ret 1 1 2 2 1 2
  Tohru Ukawa Ret 1 3 2 3 2 5 3 3 3 Ret 4 4 3 5
2003 Honda RC211V M JPN SAF ESP FRA ITA CAT NED GBR GER CZE POR RIO PAC MAL AUS VAL 487 ka 1
  Valentino Rossi 1 2 1 2 1 2 3 3 2 1 1 1 2 1 1 1
  Nicky Hayden 7 7 Ret 12 12 9 11 8 5 6 9 5 3 4 3 16
2004 Honda RC211V M SAF ESP FRA ITA CAT NED RIO GER GBR CZE POR JPN QAT MAL AUS VAL 282 ka 4
  Alex Barros 4 3 7 6 Ret Ret 5 2 9 Ret 3 4 4 3 5 6
  Nicky Hayden 5 5 11 Ret Ret 5 3 3 4 Ret Ret 5 4 6 Ret
2005 Honda RC211V M ESP POR CHN FRA ITA CAT NED USA GBR GER CZE JPN MAL QAT AUS TUR VAL 379 ka 2
  Max Biaggi 7 3 5 5 2 6 6 4 Ret 4 3 2 6 Ret Ret 12 6
  Nicky Hayden Ret 7 9 6 6 5 4 1 Ret 3 5 7 4 3 2 3 2
2006 Honda RC211V M ESP QAT TUR CHN FRA ITA CAT NED GBR GER USA CZE MAL AUS JPN POR VAL 467 ka 1
  Dani Pedrosa 2 6 14 1 3 4 Ret 3 1 4 2 3 3 15 7 Ret 4
  Nicky Hayden 3 2 3 2 5 3 2 1 7 3 1 9 4 5 5 Ret 3
2007 Honda RC212V M QAT ESP TUR CHN FRA ITA CAT GBR NED GER USA CZE SMR POR JPN AUS MAL VAL 369 ka 2
  Dani Pedrosa 3 2 Ret 4 4 2 3 8 4 1 5 4 Ret 2 Ret 4 3 1
  Nicky Hayden 8 7 7 12 Ret 10 11 17 3 3 Ret 3 13 4 9 Ret 9 8
2008 Honda RC212V QAT ESP POR CHN FRA ITA CAT GBR NED GER USA CZE SMR IND JPN AUS MAL VAL 404 ka 2
B   Dani Pedrosa 8 3 Ret 2 2
M 3 1 2 2 4 3 1 3 2 Ret 15 4
  Nicky Hayden 10 4 Ret 6 8 13 8 7 4 13 5 DNS 2 5 3 4 5
  Tadayuki Okada 14
2009 Honda RC212V B QAT JPN ESP FRA ITA CAT NED USA GER GBR CZE IND SMR POR AUS MAL VAL 394 ka 2
  Dani Pedrosa 11 3 2 3 Ret 6 Ret 1 3 9 2 10 3 3 3 2 1
  Andrea Dovizioso 5 5 8 4 4 4 Ret Ret Ret 1 4 4 4 7 6 Ret 8
2010 Honda RC212V B QAT ESP FRA ITA GBR NED CAT GER USA CZE IND SMR ARA JPN MAL AUS POR VAL 451 ka 2
  Dani Pedrosa 7 2 5 1 8 2 2 1 Ret 2 1 1 2 DNS DNS 8 7
  Andrea Dovizioso 3 6 3 3 2 5 14 5 4 Ret 5 4 Ret 2 2 Ret 3 5
2011 Honda RC212V B QAT ESP POR FRA CAT GBR NED ITA GER USA CZE IND SMR ARA JPN AUS MAL VAL 682 ka 1
  Casey Stoner 1 Ret 3 1 1 1 2 3 3 1 1 1 3 1 3 1 C 1
  Dani Pedrosa 3 2 1 Ret 8 1 3 Ret 2 2 2 1 4 C 5
  Andrea Dovizioso 4 12 4 2 4 2 3 2 4 5 2 5 5 Ret 5 3 C 3
  Hiroshi Aoyama 8
  Shinichi Ito 13
2012 Honda RC213V B QAT ESP POR FRA CAT GBR NED GER ITA USA IND CZE SMR ARA JPN MAL AUS VAL 603 ka 1
  Casey Stoner 3 1 1 3 4 2 1 Ret 8 1 4 5 3 1 3
  Dani Pedrosa 2 3 3 4 2 3 2 1 2 3 1 1 Ret 1 1 1 Ret 1
  Jonathan Rea 8 7
2013 Honda RC213V B QAT AME ESP FRA ITA CAT NED GER USA IND CZE GBR SMR ARA MAL AUS JPN VAL 634 ka 1
  Marc Márquez 3 1 2 3 Ret 3 2 1 1 1 1 2 2 1 2 DSQ 2 3
  Dani Pedrosa 4 2 1 1 2 2 4 DNS 5 2 2 3 3 Ret 1 2 3 2
2014 Honda RC213V B QAT AME ARG ESP FRA ITA CAT NED GER IND CZE GBR SMR ARA JPN AUS MAL VAL 608 ka 1
  Marc Márquez 1 1 1 1 1 1 1 1 1 1 4 1 15 13 2 Ret 1 1
  Dani Pedrosa 3 2 2 3 5 4 3 3 2 4 1 4 3 14 4 Ret Ret 3
2015 Honda RC213V B QAT AME ARG ESP FRA ITA CAT NED GER IND CZE GBR SMR ARA JPN AUS MAL VAL 453 ka 2
  Marc Márquez 5 1 Ret 2 4 Ret Ret 2 1 1 2 Ret 1 Ret 4 1 Ret 2
  Dani Pedrosa 6 16 4 3 8 2 4 5 5 9 2 1 5 1 3
  Hiroshi Aoyama 11 Ret Ret
2016 Honda RC213V M QAT ARG AME ESP FRA ITA CAT NED GER AUT CZE GBR SMR ARA JPN AUS MAL VAL 454 ka 2
  Marc Márquez 3 1 1 3 13 2 2 2 1 5 3 4 4 1 1 Ret 11 2
  Dani Pedrosa 5 3 Ret 4 4 4 3 12 6 7 12 5 1 6 DNS Ret
  Hiroshi Aoyama 15 16
  Nicky Hayden 17

* Usum balap keur lumangsung.

Dicutat tina édit

  1. ↑ a b c d e f g h i j k l m n o p q r s t u v w x y z aa ab ac ad ae af ag ah ai aj ak al am an ao ap aq ar as at au av aw ax ay az ba bb bc bd be bf "Repsol Honda Team history". motorsport.com. https://www.motorsport.com/team/honda-motogp/history/. Diakses pada 12 Juni 2017  Archived 2015-12-13 di Wayback Machine
  2. ↑ a b c d e f g h i j k l m n o p q r s "History". motogp.hondaracingcorporation.com. http://motogp.hondaracingcorporation.com/history/. Diakses pada 12 Juni 2017 
  3. ↑ "Brivio: Fiat Yamaha wall stays, but the competitiveness is normal". MotoGP.com. 2008-11-27. http://www.motogp.com/en/news/2008/Brivio+Fiat+Yamaha+wall+stays+but+the+competitiveness+is+normal. Diakses pada 13 Juni 2017  Archived 2012-03-29 di Wayback Machine
  4. ↑ "Honda 2010 Motorsports Overview". Honda Motor Co., Ltd.. Citakan:ISO date/en. http://world.honda.com/news/2010/c100219Motorsports-Overview/. Diakses pada 13 Juni 2017 
  5. ↑ "Repsol Honda Team". Honda Motor Co., Ltd.. 2011年. http://world.honda.com/HRC/repsolhondateam/. Diakses pada 13 Juni 2017 
  6. ↑ a b c d e "Repsol Tetap Jadi Sponsor Honda di MotoGP Hingga 2018". bola.com. 2017-06-13. http://www.bola.com/moto-gp/read/2672904/repsol-tetap-jadi-sponsor-honda-di-motogp-hingga-2018. Diakses pada 13 Juni 2017 
  7. ↑ "Repsol Honda Launch The Season in Indonesia". motogp.com. Citakan:ISO date/fr2. http://www.motogp.com/en/news/2017/02/03/repsol-honda-launch-the-season-in-indonesia/218891/. Diakses pada 13 Juni 2017 

Tumbu kaluar édit

Dicomot ti "https://su.wikipedia.org/w/index.php?title=Repsol_Honda&oldid=659602"