Buka ménu utama
Rujak cingur dikurupukan

Rujak cingur nyaéta kadaharan anu bahan dasarna tina biwir jeung irung sapi beunang ngasakan.[1][2] Kaasup hiji kadaharan tradisional anu asalna ti daérah Jawa Timur, utamana ti kota Surabaya.[1][2] Kecap cingur sorangan dilarapkeun pikeun nyebut kana baham sapi jeung sabudeureuna, baham atawa cingur sapi beunang ngulub disiksikan laleutik satuluyna di kucuran sambel rujak.

Rujak cingur ilaharna diwuwuh ku rupa-rupa buah, kayaning bonténg, kerahi (bonténg anu has di Jawa Timur), bangkuang, buah ngora, ganas, kadongdong, tahu, témpé, bendoyo, jeung sayuran (togé, kangkung, jeung kacang panjang).[1] Pikeun ninyuh bahan-bahan rujak cingur, tayalain saos atawa sambel beunang ngarendos atawa ngabebek, bahanna kayaning: gula beureum, cabé, goréng suuk, uyah, cau manggala ngora, hurang, jeung cai asak saperluna.[1]

Mangsa disuguhkeun rujak cingur mah katempo henteu matak pikabitaeun, ku lantaran katembong guruntulan-guruntulan semu hideung anu taya lian ti cingur beunang nyiksikan.[1]

Dicutat tinaÉdit

  1. a b c d e Tania, Vina (2008). Djakabaia: Djalan-djalan dan Makan-makan. Jakarta: Gramedia Pustaka Utama. ISBN 9789792239232. 
  2. a b Sukrama, Udi (2009). Aneka Ragam Khas: Jawa Timur. Jakarta: PT Sarana Pancakarya Nusa. ISBN 9789792239232.