Abdurrauf Singkil
Séh Abdurrauf bin Ali al-Fansuri as-Sinkili (basa Arab: الشيخ عبد الرؤوف بن علي الفنصوري السنكيلي, lahir di Singkil, Aceh 1024 H/1615 M - tilar dunya di Kuala Aceh, Aceh 1105 H/1693 M), sering ogé disebut Séh Abdurrauf Singkil, nyaéta saurang ulama gedé ti Aceh anu kasohor.[1] Anjeunna miboga pangaruh anu gedé dina nyumebarkeun ageman Islam sareng Tarékat Syattariyah di Sumatra sareng Nusantara umumna.[2] Gelar sanés anu ogé kasohor nyaéta Teungku Syiah Kuala; anu dina basa Acéh hartina "Séh alim di Muara".[3]
Séh Abdurrauf diajar ka loba ulama Wétan Tengah, tapi dua guru anu pang dipihormatna nyaéta Séh Ahmad al-Qusyasyi jeung muridna Séh Ibrahim al-Kurani.[1][4] Inohong Nusantara anu wawuh sareng anjeunna nalika diajar di Mekah nyaéta Séh Yusuf Tajul Khalwati ti Makassar, sedengkeun murid-murid anu diajar agama sareng tarekat ti anjeunna di antarana Séh Burhanuddin Ulakan ti Minangkabau ogé Séh Abdul Muhyi ti Pamijahan, Tasikmalaya.[1][4]
Séh Abdurrauf pupus dina taun 1693 dina yuswa 73 taun. Anjeunna dimakamkeun di gigireun masigit anu diwangunna di Kuala Aceh, désa Deah Raya, Syiah Kuala, sakitar 15 Km ti Banda Aceh.[5]
Rujukan
édit- ↑ a b c Riddell, Peter G. (2001). Islam and the Malay-Indonesian World: Transmission and Responses. Hurst. ISBN 9781850653363.
- ↑ Sardar, Ziauddin; Yassin-Kassab, Robin (2013). Muslim Archipelago. Hurst Publishers. ISBN 9781849043083.
- ↑ Mansur, Teuku Muttaqin; Abdullah, Teuku; Husaini; Harun, Mohd; Sulaiman; Sofia; Mawarpury, Marty; Sulastri; Mawardi (2020-04-12). Universitas Syiah Kuala: Sejarah dan Nilai (dalam Indonesian). Syiah Kuala University Press. ISBN 978-623-264-029-0.
- ↑ a b Azra, Azyumardi. Jaringan Ulama: Timur Tengah dan Kepulauan Nusantara Abad XVII dan XVIII. Penerbit Kencana, Jakarta. Cetakan I, 1998.
- ↑ Jaya, Sadri (2020-10-02). "Melirik Makam Ali Fansuri, Ayah Syekh Abdurrauf As-Singkili di Simpang Kanan Singkil". aceHTrend.com (dalam Indonesian). Diakses tanggal 2023-05-23.