Situs Batu Kaldé
Situs Batu Kaldé mangrupa titinggal budaya di daérah basisir nu asalna ti mangsa Hindu-Buddha (klasik), mangrupa sebaran batu titinggal candi jeung sababaraha ji arca.[1] Situs Batu Kaldé perenahna di wilayah taman Nasional Pangandaran nu dikokolakeun ku Perhutani Unit III Jawa Barat.[1] Sacara Administratif ieu wilayah téh kaasup Désa Pangandaran, Kacamatan Pangandaran, Kabupatén Ciamis.[1] Ieu situs aya dina kordinat 0742’21,5” LS jeung 10839’27,1” BT (dumasar GPS Garmin) ayana 54 m di luhur beungeut cai laut.[1] Wilayah kalér wawatesan jeung désa Pananjung, beulah Wétan wawatesan jeung Teluk Pananjung, beulah kidul wawatesan jeung Samudra Indonesia jeung kulon wawatesan jeung teluk Parigi.[1]
Situs Batu Kaldé bisa didatangan ku mobil.[1] Pikeun nepi ka ieu situs ti Ciamis maju ka Pantai Pangandaran kurang leuwih sajauh 70 km jeung leumpang 500 m nu ngajugjug ka kawasan Taman Wisata Pangandaran.[1] Situs Batu Kaldé nempatan taneuh datar salega 75x15m.[1] Di ieu lokasi aya 8 batu buleud, batu-batu laleutik urut candi, umpak, jeung 2 siki arca nu wangunna yoni jeung nandi.[1] Di situs ieu mangrupa titinggal altar dina jaman prasajarah Karajaan Galuh Pangauban.[2]
Sumber édit
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |