Tari Seudati
Tari Seudati nyaéta tarian anu asalna ti propinsi Aceh. Seudati asal kecapna tina Syahadat, anu hartina saksi atawa bersaksi (pengakuan) ka Guti Alloh jeung Nabi Muhammad utusan Alloh.[1] Tarian ieu asup kana kategori Tribal War Dance atawa Tari Perang, anu syairna osok ngabangkitkeun sumanget pamuda Acéh pikeun bangkit jeung ngalawan panjajah.[1] Lantaran kitu ieu tarian téh pernah dicaram nalika jaman penjajahan Walanda, tapi ayeuna mah tarian seudati jadi Kasenian Nasional Indonésia.[1]
Sajarah
éditKecap seudati asaltina bahasa Arab syahadati atawa syahadatain.[1] Dina bahasa Malayu dialék Acéh, syahadati diubah jadi seudati.[1] Salain ti éta, seudati asalna tina kecap seurasi anu hartina harmonis atawa rempeg.[1] Satuluyna, kecap seudati dijadikeun salah sahiji istilah tarian anu dipikawanoh tarian seudati.[1] Tarian ieu mekar di Acéh Utara, Pidie jeung Acéh Timur.[1] Mimitina tarian seudati dipikawanoh pikeun tarian pesisir anu disebut ratoh atawa ratoih, anu hartina nyaritakeun, mimitina mah pikeun bubuka lamun ngadu hayam atawa ria-riaan nyanghareupan usum panén nalika bulan purnama.[1] Tari Seudati mimitina di désa Gigieng, Kacamatan Simpang Tiga, Kabupatén Pidie, anu dipingpin ku Syeh Tam.[2] Satuluyna sumebar ka désa Didoh, Kacamatan Mutiara, Kabupatén Pidie anu dipimpin ku Syeh Ali Didoh.[2] Tari Seudati aslna ti Pidie.[2] Seudati kaasup salah sahiji tari tradisional Acéh anu dimumulé.[2] Seudati ngawengku penari anu jumlahna dalapan urang lalaki aya penari utama, ngawengku hiji anu tugasna mingpin disebut syeh , saurang anu ngabantuan syeh, dua urang jadi pembantu dibelah kénca anu disebut apet wie, anu ditukang disebut apet bak, tilu urang pembantu biasa.[2] Salain ti éta aya dua urang anu nyanyi pikeun marengan nu tari disebut aneuk syahi.[2]