Teknofobia
Téknofobia asalna tina gabungan dua kecap nyaéta tekne jeung phobos[1]. Kecap tekne asalna tina basa Yunani anu miboga harti téhnologi. Sedengkeun phobos miboga harti rasa kasieun. Jadi, téknofobia téh hartina rasa kasieun ku mekarna téhnologi dina kahirupan sapopoé[1]. Téknofobia mimiti mulai karasa nalika révolusi industri. Harita loba manusa anu sieun leungiteun pakasabanana nalika téhnologi anyar mulai aya[2]. Pangaruhna loba pagawé anu anarkis ku cara ngancurkeun mesin jeung téhnologi anu aya di tempat pagawéanana[2]. Di ieu jaman, tanaga manusa jeung sasatoan geus kaganti ku ayana mesin. Salah sahiji produk nyatana nyaéta kaciptana mesin uap di abad ka-18. Sanajan miboga dampak positif pikeun ékonomi hiji nagara, tapi loba pagawé anu leungiteun pakasabanana[2].
Kasang Tukang édit
Loba pisan pamadegan ngeunaan kasang tukang ayana téknofobia. Salah sahiji pamadegan ngeunaan kasang tukang téknofobia nyaéta Perang Dunya kadua[3]. Balukarna tina éta perang, ruksakna lingkungan jeung tumuwuhna konflik lantaran mekarna téhnologi[3].
Pamadegan séjén nyebutkeun yén téknofobia aya lantaran bédana éntragan[4]. Misalna, jalma anu tos sepuh yuswana rék diwanohkeun kana téhnologi, dirina ngarasa yén éta téh teu cocog jeung dirina. Ku kituna, éntragan anu geus kolot mindeng ngarasa nyeuri haté nalika kudu maksakeun maké téhnologi dina pakasaban jeung kahirupan sapopoéna[4].
Aya sababaraha pakasaban anu ngarasa hariwang ku ayana téhnologi pikeun kahirupan sapopoé. Pakasaban éta téh di antarana:
- Pustakawan, ngarasa hariwang nalika téhnologi ngamimitian asup ka dunya pustaka[5]. Lantaran, masarakat leuwih resep néangan sakabéh hal dina internét, dibandingkeun datang langsung ka pabukon. Buku anu biasana dicitak, ayeuna geus bisa dibaca ngaliwatan komputer jeung handphone[5].
- Pagawé anu diganti ku robot, di sababaraha tempat pagawéan kawas bank, réstoran, jeung hotél kiwari geus mulai digantikeun kalungguhanana ku robot[6]. Hal ieu méré dampak anu goréng ka pagawé. Ieu hal ngalantarankeun, pagawé leungiteun pakasabanana. Salah sahiji nagara nu geus ngalarapkeun ieu téhnologi nyaéta Jepang[6]. Buktina, salah sahiji bank panggedéna di Jepang geus ngarencanakeun rék mangkas sakabéh pagawé pikeun sapuluh taun ka hareup[7].
Daftar Référénsi édit
- ↑ a b Times, I. D. N.; Putra, Alfonsus Adi. "Teknofobia: Rasa Takut dan Waswas pada Teknologi, Ini Fakta Ilmiahnya". IDN Times (dalam Indonesian). Diakses tanggal 2021-04-16.
- ↑ a b c "Menyelamatkan Nalar Kritis di Era Digital". Amanat.id (dalam id-ID). Diakses tanggal 2021-04-16.
- ↑ a b Times, I. D. N.; Alam, Farhan. "8 Terobosan Teknologi Paling Penting dalam Perang Dunia II". IDN Times (dalam Indonesian). Diakses tanggal 2021-04-17.
- ↑ a b Indonesia, C. N. N. "25 Persen Milenial Hindari Bantu Orang Tua yang 'Gaptek'". teknologi (dalam id-ID). Diakses tanggal 2021-04-17.
- ↑ a b "Dinas Kearsipan dan Perpustakaan | Provinsi Kepulauan Bangka Belitung". dkpus.babelprov.go.id. Diakses tanggal 2021-04-17. Archived 2021-04-17 di Wayback Machine
- ↑ a b Sandria, Feri. "Bukan Menakuti, 5 Tahun Lagi Jutaan Pekerjaan Diganti Robot!". news (dalam id-ID). Diakses tanggal 2021-04-17.
- ↑ Liputan6.com. "Bank di Jepang Ramai-Ramai PHK, Ganti Pekerja dengan Robot". liputan6.com (dalam Indonesian). Diakses tanggal 2021-04-17.