Titiek Puspa
Titiek Puspa anu miboga ngaran asli nyaéta Sudarwati tuluy dirobah deui ka Kadarwati, sarta tungtungna dirobah kana Sumarti[2] (gumelar di Tanjung, Tabalong, Kalimantan Kidul, 1 Nopémber 1937; umur 87 taun) mangrupa salah sahiji musisi ti Indonesia.
| Titiek Puspa | |
|---|---|
| Nami keur lahir | Sudarwati |
| Gumelar | Tanjung, Tabalong, Kalimantan Selatan, Indonesia 1 Nopémber 1937 |
| Pacabakan | Artis, Penyanyi |
| Taun aktif | 1950 - ayeuna |
| Salaki/pamajikan | Alm. Mus Mualim |
| Murangkalih | Ella Puspasari Kamarullah Petty Tunjungsari Murdago |
| Sepuh | Toegeno Poespowidjojo Siti Mariam[1] |
| Ramatloka | www |
Kasang tukang
éditTitiek nu miboga ngaran asli Sudarwati nu tuluy dirobah deui kana Sumarti mangrupa anak ti pasangan Tugeno Puspowidjojo jeung Siti Mariam, ti leuleutik manéhna miboga cita-cita sangkan bisa jadi guru di taman kanak-kanak (TK), saprak meunangkeun sababaraha hiji kompetisi nyanyi, di umur 14 taun manéhna mutuskan jadi artis, tapi kolotna teu satuju kana kaputusan nu dijieun ku manéhna. Dina hiji kasempetan, Sumarti maksa sangkan bisa miluan lomba tanpa ijin ti kolotna, supaya teu dipikanyaho ku kolotna, babaturan Sumarti nyarankeun sangkan ngagunakeun ngaran samaran "Titiek Puspo", ngaran "Titiek" dicokot tina landihan sapopoéna, lamun "Puspo" nyaéta ngaran bapakna. Sumarti satuju kana saran éta, tuluy nerjemahkeun ngaran Puspo jadi Puspa. Saprak ti dinya Sumarti dikenal ku ngaran Titiek Puspa, ngaran ieu ogé nu dipake pikeun ngaran orkésna nyaéta "Puspa Sari" anu dipingpin langsung ku manéhna jeung nu maturan awal karir manéhna. [3][4]
Karir
éditAwal karir nyanyina dimulai saprak miluan kontés nyanyi "Bintang Radio" di Kota Semarang. Salian ti nyanyi, Titiek ogé nunjukeun bakat manéhna di bidang operet, aya sababaraha hiji karyana nyaéta operet Bawang Merah Bawang Putih, Ketupat Lebaran, Kartini Manusiawi, dan Ronce-ronce. Rekaman piringan hitam nu paling mimitina nyaéta kaluar maké labél Gembira, nu eusina lagu Di Sudut Bibirmu, Esok Malam Kau Kujelang, sarta duet jeung Tuty Daulay dina lagu Indada Siririton. Dina pertengahan taun 1960, Titiek Puspa pernah jadi penyanyi netep dina Orkes Studio Jakarta, ti dinya Titiek meunangkeun loba pangajaran ti Iskandar jeung Zainal Ardi. Salaku penyanyi anu mulai dipikawanoh ku balaréa, Titiek can loba nyiptakeun lagu dina albumna, lolobana lagu-laguna diciptakeun ku Iskandar, Mus Mualim, aya ogé Wedasmara. Titiek nyiptakeun lagu-lagu karya manéhna sorangan mulai ti album Si Hitam dan Pita (1963) nu eusina 12 lagu, 11 lagu di antarana mangrupa ciptaan sirangan, sarta hiji lagu mangrupa ciptaan Mus Mualim. Titiek ninggalkeun orkestra dina taun 1962. [5] Ngaran panggungnya dipilih ku Présidén Sukarno dina tahun 1950-an.[6]
Rujukan
édit- ↑ Titiek Puspa dan Panggung Pohon Jambu di Pekarangan Rumah. CNN Indonesia. Retrieved on 28 November 2017.
- ↑ Tokoh Indonesia[tumbu nonaktif]
- ↑ "Titiek Puspa: ‘Don’t let money make you stupid or poison you’ | The Jakarta Post". web.archive.org. Diakses tanggal 2022-03-19.
- ↑ Post, The Jakarta. "Alberthiene Endah: Life, She wrote". The Jakarta Post. Diakses tanggal 2022-03-19.
- ↑ Varia 1963, Biduanita.
- ↑ Edmond 2008, Titiek Puspa: 'Don't.
Tumbu luar
édit
- (id) Profil di ramatloka KapanLagi.com.
- (id) Titiek Puspa di situs web Tokoh Indonesia Archived 2007-02-04 di Wayback Machine
|
Artikel ngeunaan biografi inohong ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |