Buka ménu utama

Universitas Komputer Indonesia

Universitas Komunikasi Indonesia
(UNIKOM)

Ngadeg 28 Agustus 2000
Jinis Paguron luhur swasta
Réktor Dr. Ir. Eddy Suryanto Soegoto
Perenah Bandung, Jawa Barat
Alamat Jalan Dipatiukur No 112-114 Bandung
Loka http://www.unikom.ac.id

Universitas Komputer Indonesia atawa nu ilahar dipiwanoh UNIKOM nyaéta salah sahiji paguron luhur swasta nu aya di Bandung, Jawa Kulon, alamatna di Jalan Dipatiukur No 112-114, Bandung.

SajarahÉdit

UNIKOM sacara resmi gadeg dina tanggal 8 Agustus 2000 numutkeun Surat Keputusan Menteri Pendidikan Nasional nomor 126/D/0/2000. Munggaran dimimitian di bulan Juli taun 1994 waktu di adegkeunna Lembaga Pendidikan Komputer Indonesia Jerman, disingget LPKIG nu tempatna di jalan Dipati Ukur 102 Bandung. Miboga hiji rohang kelas nu eusina bisa dipaké pikeun 50 urangeun jeung hiji laboratorium komputer nu miboga 25 unit komputer. Lembaga ieu ngabuka program pendidikan sataun jeung 5 program studi nyaéta Ahli Komputer Aplikasi Bisnis, Ahli Komputer Keuangan dan Perbankan, Ahli Komputer Akuntansi dan Perpajakan, Ahli Komputer Manajemen dan Pemasaran jeung Sekretaris Eksekutif. Jumlah sakabéh pamilon atikan di taun mimiti nyaéta 223 siswa.

Di taun kadua, 1995 mimiti dibuka program studi 3 taun, salian ti ngamekarkeun institusi, pikeun nyumponan lobana mahasiswa ditaun ajaran munggaran. Dina taun ieu ogé dibuka program anyar, nyaéta: Ahli Komputer Teknik Informatika, Ahli Komputer Manajemen Informatika dan Sekretaris Eksekutif. Rohang kelas ditambahan 2 rohang jeung labolatorium komputer jadi 2, jumlah siswana nyaéta 457 urang

Dina taun katilu, 1996, nambahan gedung kuliah anyar nu tempatna di jalan Dipati Ukur 116 ( nu ayeuna gedung FISIP ) sakaligus mindahkeun puseur administrasi jeung kantor. Di gedung ieu ditambahan hiji rohang labolatorium, jeung 5 rohang kelas, rohangan pikeun dosén jeung rohangan pikeun kamahasiswaan. Jumlah siswa ti taun 1996 nepi ka taun 1998 nambahan tina 632 urang jadi 1184 urang.

Dina taun kalima, 1998,mimiti diwangun gedung kampus anyar (Gedung Rektorat / nu ayeuna kampus-1 miboga 6 tingkat ) di jalan Dipati Ukur No. 114. Wangunan gedung anyar ieu bisa anggeus di bulan agustus taun 1999, nu bisa dipaké di pakuliahan bulan september taun 1999.

Dina tanggal 24 Desember 1998 diadegkeun Yayasan Science dan Teknologi jeung dituluykeun ngajukeun pikeun ngadegna STIMIK IGI jeung STIE IGI ka DIKTI. Di bulan Juli taun 1999 STIE IGI diresmikeun ku kaluarna SK Mendiknas no. 119/D/O/1999 nu ngawengku 5 program studi : Akuntansi S1, Manajemen S1, Manajemen Pemasaran D3, Keuangan Perbankan D3 sarta Akuntansi D3.

Dina bulan Agustus 1999 STIMIK IGI diresmikeun ku kaluarna SK Mendiknas no. 143/D/O/1999 nu ngawengku 5 program studi : Teknik Informatika S1, Manajemen Informatika D3, Teknik Komputer D3, Komputerisasi Akuntansi D3 sarta Teknik Informatika D3.

Sangkan sistem didunia atikan leuwih produktif, 6 bulan sanggeus éta diajukeun ka DIKTI pikeun ngagabungkeun kadua Sakola Luhur éta jadi Universitas.

Tanggal 8 Agustus 2000 kaluar SK MENDIKNAS no. 126/D/O/2000 keur Universitas Komputer Indonesia atawa nu disingget UNIKOM. Dina SK éta sakaligus diijinan pikeun dibukana 11 program studi anyar nyaéta : Teknik Komputer S1, Manajemen Informatika S1, Teknik Industri S1, Teknik Arsitektur S1, Perencanaan Wilayah dan Kota S1, Ilmu Hukum S1, Ilmu Komunikasi S1, Ilmu Pemerintahan S1, Desain Interior D3, Desain Komunikasi Visual S1 jeung Desain Komunikasi Visual D3.

Ti mimiti ngadegna taun 2000, unggal taunna UNIKOM narima kurang leuwih 2.000 mahasiswa anyar. Panungtungan di taun 2014 narima 3.108 mahasiswa anyar. Nepi ka taun ajaran 2015/2016, UNIKOM miboga 6 Fakultas sarta 23 Program Studi kalawan jumlah mahasiswa 15.000 urang nu asalna ti sababaraha daérah di Indonésia, aya ogé nu ti luar nagri.

Daptar fakultasÉdit

 FasilitasÉdit

Fasilitas nu aya di UNIKOM kaitung lengkep, ampir sakabéh kagiatan nu aya sok ditepikeun ngaliwatan online. Mahasiswa ogé bisa nyitak jeung ninggali daptar nilai ujian ngaliwatan hiji situs khusus. Salian ti éta, sadia labolatorium saluyu jeung program studi nu aya. Salaku Universitas Komputer nu munggaran aya di Indonésia, mata kuliah software jeung hardware dijadikeun mata kuliah wajib pikeun mahasiswa di UNIKOM. Di UNIKOM ogé disadiakeun fasilitas internet haratis atawa nu ilaar disebut Hotspot (Wi-fi) .

Sababaraha fasilitas online nu aya di UNIKOM :

Fasilitas onlineÉdit

PerpustakaanÉdit

Informasi InstitusiÉdit

Direktorat jeung lembaga liannaÉdit

RujukanÉdit