Afrika Kalér
Afrika Kalér (ᮃᮖᮢᮤᮊ ᮊᮜᮦᮁ ) nyaéta sebutan pikeun wewengkon nu ngajrek di sapanjang basisir kalér Afrika sarta wawatesan langsung jeung Laut Méditérania[1]. Ti mangsa saméméh Maséhi, Afrika Kalér jadi wewengkon nu stratégis ku sabab posisina anu deukeut jeung Éropah sarta Asia, nu balukarna teu bireuk deui yén Afrika Kalér dina mangsa baheula kungsi jadi bagian tina wewengkon karajaan-karajaan adidaya saperti Romawi Kuna, Umayyah, nepi ka Ottoman[1]. Di Afrika Kalér ogé, paradaban-paradaban kuna nu kasohor saperti Mesir Kuna jeung Funisia pernah nanjeur[1]. Alatan Afrika Kalér kungsi dikawasa ku dinasti-dinasti Muslim dina jangka waktu nu kacida lilana, mangka mayoritas pangeusi Afrika Kalér kiwari ngagem agama Islam jeung ngagunakeun basa Arab minangka basa hirup kumbuhna[1].
.svg)
Sanajan miboga kamiripan dina segi budaya, tapi unggal nagara Afrika Kalér tetep miboga ciri hasna séwang-séwangan[1]. Ari nagara-nagara nu aya di wewengkon Afrika Kalér anu kadaftar ku PBB di antara Libya, Maroko, Aljazair, Mesir, Sahara Kulon, Sudan jeung Tunisia[2]. Sakapeung mah sok diasupkeun ogé Mauritania, Aritrea, Ethiopia jeung sabudeureunna[3].
Paradaban jeung kabudayaan
éditWewengkon Afrika Kalér miboga sajarah paradaban sarta kabeungharan budaya anu luhung[3]. Salah sahiji contona nyaéta paradaban Mesir Kuna, nau titilarna mangrupa tanda-tanda paradaban anu maju dina mangsa saméméhna ngaliwatan wangunan Piramida sarta patung Sphinx[3]. Lian ti kitu, ogé nganjrek Universitas pangkolotna di dunya, nyaéta Universitas Al-Azhar anu aya di Kairo, Mesir[3].
Rujukan
édit- ↑ a b c d e Re-tawon.com, Makna Bendera Negara-Negara Afrika Utara Diaksés 17 Agustus 2015
- ↑ Millenniumindicators.un.org, United Nations Statistics Division- Standard Country and Area Codes Classifications Archived 2011-07-13 di Wayback Machine Diaksés 17 Agustus 2015
- ↑ a b c d Unair.ac.id, Etnografi Bangsa Bangsa-Etnografi Masyarakat Afrika bagian Utara: Suku Berber Archived 2016-03-05 di Wayback Machine Diaksés 17 Agustus 2015
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |