Buka ménu utama

Balada asalna tina basa (Ing. ballade; ballada <Pra. ballade kawih ibing <Lat. balare ngibing <Yun. ballein ngalungkeun).[1] Anu disebut balada teh, atawa balade, nyaéta puisi (sajak) atawa kawih anu nyaritakeun "lalakon" dina pada-pada parondok, ngagunakeun kecap-kecap basajan, gerengsel ku gaya repetisi, jeung mindeng malikan padalisan.[1] Mimitina mah tara kanyahoan saha pangarangna, sumebarna dina media lisan.[1] Najan disebut nyaritakeun lalakon, ulah disaruakeun jeung wanda carita anu gembleng cara dina prosa (wangun lancaran) atawa wawacan. Balada téh nyaéta sajak sederhana anu ngisahkeun carita rakyat anu sedih, kadang-kadang dinyanyikeun, kadang-kadang mangrupa dialog.[2] Contona:

"Lalaki di Tegalpati" dina Lalaki di Tegalpati (1963) karya Sayudi. "Jante Arkidam" dina buku Jante Arkidam karya Ajip Rosidi.[1]

RujukanÉdit

  1. a b c d Iskandawasid (2016). Kamus Istilah Sastra Sunda. Bandung: Geger Sunten. p. 28. 
  2. Setiawan, Ebta. "Arti kata balada - Kamus Besar Bahasa Indonesia (KBBI) Online". kbbi.web.id. Diakses tanggal 2017-10-14.