Cha Tae-hyun
Cha Tae-hyun (gumelar di Seoul, Koréa Kidul, 25 Maret 1976; umur 48 taun) nyaéta saurang aktor tipi, layar rubak sarta panyanyi.[1][2] Tarékah éktingna dipintonkeun liwat drama tipi, judulna Papa taun 1996, sedengkeun éktingna di layar rubak liwat pilem Hallelujah taun 1997.[1] Disabéhditueunna Hyun ogé boga peran minangka panyanyi anu dimimitian taun 2001, liwat album Accident.[1] Karak ngarilis deui album saterusna téh dina taun 2003.[1] Ngaranna mimiti kawentar antukna dipikawanoh ku sakuliah dunya téh nalika maén di pilem My Sassy Girl taun 2001, hususna kawentar di Asia.[1] Pilem éta mangrupa salah sahiji pilem apingan sutradara Kwak Jae-yong, ari Hyun di dinya téh peranna bareng jeung aktris Jun Ji-hyun.[1] Hyun nyaéta anak ti pasangan Cha Jae-wan jeung Choi Su-min.[2] Bapana mangrupa Sutradara éfék spésial di KBS, sedengkeun ibuna mah saurang pangatur sora latar.[2] Hyun nikah jeung saurang panyipta lagu, Choi Suk-eun dina tanggal 1 Juni 2006.[2] Tuluy tina pakawinanna éta dipaparin anak nyaéta Cha Soo-chan jeung Cha Tae-eun.[2]
Rujukan
édit
|
Artikel ngeunaan biografi inohong ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |