Wikipédia

Cuhcur

Cuhcur atawa kuéh cuhcur  (basa Indonésia: cucur, basa Thailand: khanom fak bua, ขนมฝักบัว, diéjah [kʰā.nǒm fàk būa̯] atawa khanom chuchun (ขนมจู้จุน atawa จูจุ่น)) nyaéta kadaharan has Sunda nu dijieun tina campuran tipung béas, gula jeung cipati.[1] Ieu kuéh ogé dipikawanoh di sakuliah Indonésia, Malaysia, Thailand jeung Viétnam.[2] Di wewengkon Sunda, kuéh cuhcur sok dijual di pasar sarta geus teu bireuk deui.[3] Ari di Brunéi jeung Malaysia, istilah cucur téh dipaké pikeun nyebutkeun goréngan.[2] Jenis cuhcur nu populér di Brunéi jeung Malaysia mah aya Jemput-jemput (Cokodok) jeung Pinjaram (Kuih cucur gula merah/melaka).[2] Di Thailand Kidul, kuéh cuhcur sok disuguhkeun dina acara hajatan nikahkeun.[4]

Cuhcur
Cuhcur hideung nu maké gula kawung
Ngaran alternatifCucur (Indonésia, Malaysia), khanom fak bua atawa khanom chuchun (Thailand)
BagéanKuéh
Tempat asalIndonésia, Malaysia, Thailand jeung Viétnam
Wewengkon atawa nagaraAsia Kidul Wétan
Suhu pidanganpanas, haneut, atawa tiis
Bahan utamaTipung béas, gula, cipati
Cookbook:Cuhcur  Cuhcur

Ieu caneuteun, dijieun tina tipung béas dicampurkeun jeung gula kawung, sisina ipis tengahna kandel, nyongclo buleud kawas endog ceplok.[5] Urang Thailand mibanda kayakinan yén cuhcur téh sarupa kawas taraté ni tumuwuh dina kaayaan kumabaé.[4] Jadi, ieu téh kawas katrésna papasangan nu anyar nikah, bakal tumuwuh kalawan lancar jeung suksés dina hirup rumah tanggana.[4] Urang Thailand sok nyuguhkeun cuhcur dina acara hajatan.[4] Sakapeung mah sok dijadikeun hadiah.[4] Biasana, urang Thailand sok langsung didahar saprak nyat anyar ngagoréng lantaran hipu jeung haneut kénéh.[4] Mun diengkeun lila teuing mah sok jadi cepet jeung tengal, loba minyakan deuih.[5]

Tempo ogé

édit

Rujukan

édit
  1. ↑ "Resep Kue Cucur Nikmat Manis Khas Daerah Sunda - Harianmu dot Com" (dalam bahasa en-US). Harianmu dot Com. 2015-07-30. https://www.harianmu.com/2015/07/resep-kue-cucur-nikmat-manis-khas-daerah-sunda.html. Diakses pada 2017-11-05 [tumbu nonaktif]
  2. ↑ a b c "Kueec, meaning words Kueec, what is Kueec, word mean something Kueec - Wikiwordbook.info". wikiwordbook.info. Diakses tanggal 2017-11-05. [tumbu nonaktif]
  3. ↑ "Kue Cucur Spesial". Indonesia Food Corner. 
  4. ↑ a b c d e f (มหาชน), บริษัท ข่าวสด จำกัด, ในเครือบริษัท มติชน จำกัด. "จู้จุน (ฝักบัว) ขนมไทยโบราณ". khaosod Online. Diakses tanggal 2017-11-05. 
  5. ↑ a b "Cookie of My Youth - Amsterdam Bites To Die For" (dalam bahasa en-US). Amsterdam Bites To Die For. 2017-05-10. http://www.amsterdambitestodiefor.com/sweet/cookie-of-my-youth/. Diakses pada 2017-11-05  Archived 2019-07-03 di Wayback Machine

Tutumbu luar

édit
Dicomot ti "https://su.wikipedia.org/w/index.php?title=Cuhcur&oldid=668112"