Dahu
| Dahu | |
|---|---|
| |
| Buah Dahu | |
| Klasifikasi ilmiah | |
| Divisi: | |
| Kelas: | |
| Génus: | Dracontomelon
|
| Spésiés: | Dracontomelon costatum
|
| Sinonim | |
|
Daptar
| |
Dahu; Dracontomelon dao nyaéta tangkal kai nu asalna tina kulawarga Anacardiaceae.[2] [3][4][5] Tangkal dahu loba kapanggih hirup di nagara India, Cina, Myanmar, Thailand, Indonésia, Pilipina, New Guinea, jeung kapuloan Solomon.[3][4] Tangkal dahu bisa hirup kalawan subur di daérah nu mibanda hujan 1.800 nepi ka 2.900 mm, sarta kaayaan taneuh dina 500 - 1.000 mdpl.[3][5]
Tangkal dahu di sababaraha nagara disebut ogé: Nga-Bauk (Burma), Ren Mien Zi (Cina), Drachenapfel (Jerman), Bengkuang (Malaysia).[3] Di Nagara urang sorangan, tangkal dahu mibanda ngaran daérah saperti: Tarpati (Banda), Rau (Jawa), Tabulate (Halmahéra), Talanjap (Kalimantan), jeung réa-réa deui.[3][4]
Ciri mandiri édit
Tangkal dahu nu geus déwasa, jangkungna bisa nepi ka 36 méter kalawan gedé buleudan tangkalna 70 - 100 cm.[3] Dauna héjo lalonyod bijil sapasang-sapasang, dina sa cupat daun aya kana 10-12 pasang daun rubakna kurang leuwih dua ramo panjangna 6 cm.[3] Kelir daun nu beulah handap leuwih ngora tibatan beulah luhurna, pucuk dauna nu kakara merentis/bijil kelirna semu konéng.[3][4]
Buahna ngaranggeuy, baruleud leutik kurang leuwih gedéna sakeupeul leungeun budak.[3] Pentil buahna héjo, sarta robah jadi semu konéng mangsa geus asak.[3][4]
Kagunaan édit
Dahu kaasup tangkal kai nu ngahasilkeun kai nu alus, bisa dimangpaat keun pikeun rupa-rupa parabot jeung pakakas, korék epi, palupuh, jeung sajabana.[3] Di Thailand buah ngora na sok dipaké campuran bumbu, di Malaysia buah katut siki na nu geus asak atawa kolot ogé bisa dikonsumsi, Kembang sarta pucuk daun dimangpaatkeun pikeun bahan sayureun.[3][4][5]
Kimia édit
Nutrisi nu aya dina buah katur dauna tacan aya panaluntikan nu dibewarakeun, dina daun, akar sarta kulitna mibanda kimia nu disebut pertrol, dichloromethane, ethyl acetate, sarta butanol.[3][4]
Dicutat tina édit
- ↑ Putu Dharma, Saniyatun Mar'atus Solihah, Farid Kusmwantoro, Yuzammi, I Dewa; Joko Ridho Witono, Syamsul Hidayat (2017). Koleksi Kebun Raya Lombok. Menteng Jakarta: LIPI Press. p. 12. ISBN 9789797999063.
- ↑ Haris Mustari, Abdul (2019). Flora dan Fauna Cagar Alam Leuweung SancangHaris Mustari. Jakarta: PT Penerbit IPB Press. p. 98. ISBN 9786024408046. Disungsi2 Pébruari 2023
- ↑ a b c d e f g h i j k l m T.K, Lim (2012). Edible Medicinal and Non-Medicinal Plants: Volume 1, Fruits. London: Springer Science & Business Media. p. 78. ISBN 9789048186617. Diakses tanggal 10 Desember 2019.
- ↑ a b c d e f g Seidemann, Johannes (2005). World Spice Plants: Economic Usage, Botany, Taxonomy. London: Springer Science & Business Media. p. 40. ISBN 9783540279082. Diakses tanggal 10 Desember 2019.
- ↑ a b c "DAHU (DRACONTOMELON MANGIFERUM BL.)". Dis Hut, Jabar. 23-05-2008. Diakses tanggal 10. Desember 2019.[tumbu nonaktif]
Tutumbu kaluar édit
Média nu patali jeung Dracontomelon di Wikimedia Commons- Citakan:Wikispecies inline
