Hyun Bin
Kim Tae-pyung leuwih dipikawanoh Hyun Bin (basa Koréa: 현빈; gumelar di Koréa Kidul, 25 Séptémber 1982; umur 41 taun) nyaéta saurang aktor asal Koréa Kidul anu mimiti kawentarna nalika merankeun peran minangka Hyun Jin-hun dina sérial tipi My Name Is Kim Sam Soon taun 2005.[1][2] Hyun Bin mangrupa anak bungsu ti dua sadulur sarta digedékeun barengan jeung lanceuk lalakina di Seoul.[1] Ngaranna jadi Hyun Bin téh sabab boga maksud supaya karirna nyongcolang dina dunya seni peran. Hyun Bin kungsi milu kelas drama nalika SMA.[1] Ti harita Hyun Bin mimiti mikirkeun pikeun mekarkeun pangabisana dina dunya seni peran.[1] Tapina kahayangna ieu téh mimitina mah teu disatujuan ku kulawargana.[1] Kolotna jangji bakal ngawidian, lamun Hyun Bin ngahasil asup ka Universitas Chung-Ang jurusan Téater.[1][2] Ékting Hyun Bin salah sahijina dina sérial Bodyguard dina taun 2003.[1] Najan ngun saukur merankeun peran selingan, tapi Hyun Bin ngakukeun yén peran éta anu ngalatihna sangkan jadi aktor anu leuwih hadé di sérial Ireland taun 2004.[1] Antukna Hyun Bin meunangkeun pangajén Best Newcomer Popularity Award dina ajang MBC Drama Awards 2004.[1]
Rujukan édit
- ↑ a b c d e f g h i Wowkeren.com, Biografi Hyun Bin, Diakses 11 Juli 2015.
- ↑ a b Profilpedia.com, Profil dan Biografi Lengkap Hyun Bin Archived 2015-02-01 di Wayback Machine, Diakses 11 Juli 2015.
|
Artikel ngeunaan biografi inohong ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |