Iis Dahlia
Page Modul:Infobox/styles.css has no content.
Iis Dahlia | |
|---|---|
| Gumelar | 29 Mei 1972 Indramayu |
| Kabangsaan | Indonésia |
| Subjék | Artis, Penyanyi |
| Pasangan | Satrio Dewandono |
Iis Laéliyah kasohor kalayan ngaran Iis Dahlia nyaéta saurang penyanyi dangdut anu ogé pamaén sinetron.[1] Awéwé kalahiran Bongas, Indramayu, Jawa Kulon, 29 Méi 1972 éta geus ngaluarkeun albeum-albeum suksés sarta jadi legénda di ceuli masarakat.[2]
Karir
éditYayang kitu ngaran sebutan Iis sabot nyokot kaputusan pikeun pindah jalur.[1] Lamun manéhna tetep aya di jalur musik pop, gelar 'ratu' sarta sajumlah pangajén musik, bisa jadi moal kungsi dihontalna.[1] Tapi sabenerna waktu éta manéhna yakin baris suksés.[1] Penyanyi nu seurina khas ieu geus nembang ti taun 1980-an.[1] Awal karirna Iis Dahlia kungsi ngalaman nembang ti kampung ka kampung.[1] Pintonanna dimimitian waktu jadi béntang tamu acara Wajah Baru (TVRI, 1995), saterusna Iis terus jadi béntang tamu Pentas Lenong.[2] Ti pintonan kasebut, ahirna Iis dikontrak pikeun rékaman nepi ka genep albeum.[2] Karir Iis jadi gacang, hususna sanggeus ngaluarkeun albeum dangdut nu mimitina.[1] Lila teu kaluar di layar kaca, Iis leuwih loba témbong di acara-acara off air, tapi dina bulan April 2009, sora melengkingna bisa didangukeun dina lagu Hampa Hatiku.[1] Di lagu ieu, Iis digandéng Band Ungu pikeun kolaborasi.[1] Duétna jeung ungu, dianggap minangka pemanasan ku Iis pikeun balik aktip di dunya musik dangdut.[1] Di bulan Méi 2009, Iis ngaluarkeun single nu anyarna, Ajarkan Aku Setia.[1] Resep sosialisasi, nyieun Iis boga ide pikeun mibanda tempat kumpul-kumpul. Babarengan jeung penyanyi Yuni Shara, Iis muka hiji resto di wewengkon Cilandak, Jakarta Kidul anu dibéréna ngaran, My Pancake.[1] Ngasupan bulan Romadon, Iis balik ngaluarkeun albeum nu sipatna religi kalayan tajuk Ajarkan. Babarengan Ikke Nurjanah, Kristina, Cici Paramida, Evie Tamala, Iyeth Bustami, Ine Cynthia sarta Eri Susan, Iis kagabung dina kelompok musik dangdut D'Duta.[1] Harepanana, liwat D'Duta, maranéhanana bisa méré apresiasi sarta bisa norobos di musik dangdut sangkan beuki mekar.
Albeum
éditAlbeum-albeum Iis di antarana aya Junéd (1989), Tamu Tak Diundang (1990), Air Mata Tiada Arti (1990), Janda Kembang (1991), Gadis Désa & Super Taxi (1991), Arjuna (1992), Cinta Ternoda (1992), Darah Biru (1992), Ibarat Mencari Jarum di Lautan (1993), Mata Hati (1994), Payung Hitam (1995), Cinta Bukan Kapal (1996), Kecewa (1997), Tanda Cinta (1998), Ditinggal Kekasih (1998).
Kahirupan Pribadi
éditIis sorangan kungsi nikah jeung Dadang Indrajaya, hanjakalna hubungan ieu gagal, nu balikarna jadi papisah, padahal harita mah pasangan ieu geus dibéré budak awéwé nu dingaranan Salsabilla Juwita, anu lahir 14 Juni 1998.[1] Iis saterusna papanggih jeung saurang pilot, Satrio Dewandono, sarta sapuk pikeun nikah dina 3 Nopémber 2001 sarta boga budak nu ngaranna Devano Danendra.[1] Kiwari indung dua anak ieu loba kalibet minangka juri sarta béntang tamu di acara-acara musik dangdut.[1]
Rujukan
édit
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |