Buka ménu utama
Kobalt

Kobalt nyaéta hiji unsur kimia dina tabél périodik anu miboga lambang Co jeung nomor atom 27.[1] Kobalt mangrupa unsur féromagnetik, heuras, getas, ngagurilap, sarta warnana pérak-kabodasan.[rujukan?] Siga beusi, kobalt bisa dirobah jadi magnét ku sifat fisik mirip jeung beusi sarta nikel.[rujukan?] Ieu unsur aktif sacara kimia sarta bisa ngabentuk loba sanyawa.[rujukan?] Kobalt stabil di udara sarta teu kapangaruhan ku cai, tapi saeutik-saeutik mah larut ku asam éncér.[rujukan?] Sabagian badag cadangan kobalt nyangkaruk di inti marcapada.[rujukan?] Kobalt miboga kalimpahan rélatif handap dina kerak marcapada sarta di parairan.[rujukan?] Sanajan tingkat rata-rata kobalt dina taneuh nyaéta 8 ppm, aya daérah anu ngan miboga 0,1 ppm jeung tempat lian nepi ka saloba 70 ppm.[rujukan?] Dina lingkungan laut, kobalt dibutuhkeun ku ganggang bulao-héjo (cyanobacteria) sarta organisme pangiket nitrogén lianna.[rujukan?] Kobalt teu kapanggih dina bentuk unsur bébas jeung umumna mah kapanggih dina bentuk bijih.[rujukan?] Kobalt biasana teu ditambang sorangan tapi minangka produk sampingan panambangan nikel jeung tambaga.[rujukan?] Bijih utama kobalt di antarana cobaltite, erythrite, glaucodot, jeung skutterudite.[rujukan?] Produsen utama kobalt dunya nyaéta Républik Démokratik Kongo, Tiongkok, Zambia, Rusia, jeung Australia.[2]

RujukanÉdit

  1. "Tabel Periodik (Indonesian Periodic Table)". PTable. Diakses tanggal 3/12/2016. 
  2. "Kobalt (Co): Fakta, Sifat, Kegunaan & Efek Kesehatannya". Amazine. Diakses tanggal 3/13/2016.