Buka ménu utama


Kopi anjing
Kopi anjing
Klasifikasi ilmiah
Order: Sapindales
Kulawarga: Fabaceae (Leguminosae)
Génus: Cynometra
Spésiés: C. cauliflora
Ngaran binomial
Cynometra cauliflora

Kopi anjing atawa namnam (Lat. Cynometra cauliflora) nyaéta tutuwuhan pituin Asia Tenggara, utamana Indonésia nu kaasup kulawarga kakacangan. Tangkal kopi anjing mah leutik (3–15 m), tapi dahanna ngarangkadak, kembangna leutik (diaméter 1,2 cm).

DaunÉdit

Daun kopi anjing boga dua anak daun, nu mun teu ditelek-telek mah kawas dua daun. lambaran daunna téh teu simétris, ukuranana 5-15 cm (panjang) jeung 2,5-7,5 cm (lébar), kelirna héjo bagedod.

BuahÉdit

 
Buah kopi anjing

Buah kopi anjing bentukna kawas ginjal, panjang 5–10 cm, lébar 5 cm. Cangkang buahna teu beulah, tapi aya urat beubeulahanana. Kulitna kasar jeung rada kerejut, kelirna héjo pias semu coklat. Daging buahna baseuh kelir konéng, aya bauan, rasana haseum, sikina gedé.

BaranahanÉdit

Tutuwuhan ieu sumebar tina sikina, najan bisa ogé dicangkok.

Sebutan séjénÉdit

Di sababaraha wewengkon, kopi anjing disebut ogé heunceut anjing atawa pukih. Dina basa séjén, ieu tangkal katelah namnam (Jawa, Madura), kuwanjo (Bali), anjing-anjing (Malayu), puci anggi (Bima), puti anjeng (Makassar), arepa (Bugis), aloma (Seram), lamuta (Ambon), kfamute (Buru), namet (Halmahera Kidul), jeung namo-namo (Ternaté).

Sumber rujukanÉdit

Tumbu kaluarÉdit