Pluto
Pluto (ᮕᮣᮥᮒᮧ) (ngaran resmi: 134340 (|᮱᮳᮴᮳᮴᮰|); simbol: .svg){kind=small}
[1] jeung .svg){kind=small}
[2]) nyaéta hiji planét leutik (dwarf planét) dina Surya Mandala.[3]
Saméméh 24 Agustus 2006, Pluto statusna minangka hiji planét sarta mangrupa planét pangleutikna sarta panglaérna (runtuyan kasalapan) ti Panonpoé.[3]
Dina 7 Séptémber 2006, ngaran Pluto diganti jadi nomer waé, nyaéta 134340.[3]
Ngaran ieu dibikeun ku Minor Planét Center (MPC), organisasi resmi anu tanggung jawab dina ngumpulkeun data ngeunaan asteroid sarta komét dina surya mandala .[3]
Dina taun1978 Pluto dipikanyaho mibanda satelit anu ukuranana henteu leutik teuing nu dingaranan Charon (diaméter 1.196 km).[3]
Saterusna kapanggih deui satelit séjénna, Nix sarta Hydra.[3]
Saprak kapanggih ku Clyde William Tombaugh, saurang astronom ngora di Observatorium Lowell, dina 18 Pébruari 1930, Pluto saterusna jadi salah sahiji anggota Surya Mandala anu tempatna panglaérna .[3]
Jarak Pluto jeung panonpoé nyaéta 5.900,1 juta kilométer.[3]
Pluto mibanda diaméter anu ngahontal 4.862 km sarta mibanda massa 0,002 massa Bumi.[3]
Période rotasi Pluto ny aéta 6,39 poé, sedengkeun période révolusi nyaéta 248,4 warsih.[3]
Wangun Pluto mirip jeung Bulan kalayan atmosfer anu ngandung métan.
Suhu lakop Pluto kira-kira -233 o célsius nepi ka -223o célsius, ku kituna wujudna lolobana és.[3]
Numutkeun para ilmuwan NASA planét Pluto anu leutik sarta perenahna di panungtung sistem surya mandala urang kiwari beuki boga warna beureum.[4]
Gambar-gambar anu dicokot téléskop rohang jomantara Hubble nempokeun yén planét éta 20% leuwih beureum ti saméméhna.[4]
Para pakar yakin fénoména éta disababkan ku parobahan dina és anu aya di lakop Pluto dina waktu planét ieu ngasupan tahap anyar ti orbit salila 248 warsih.[4]
Gambar-gambar anyar ieu nempokeun nitrogén anu ngimpel beuki ngolényay di kalér sarta beuki gelap di bagian kidul.[4]
Parobahan-parobahan ieu kamungkinan badag mangrupa akibat tina lééhna és di kutub anu kakeunaan sinar Panonpoé samentara di kutub séjénna ngimpel.[4]
Rujukan
édit- ↑ JPL/NASA (2015-04-22). "What is a Dwarf Planet?". Jet Propulsion Laboratory. Diakses tanggal 2022-01-19.
- ↑ John Lewis, ed. (2004). Physics and chemistry of the solar system (2 ed.). Elsevier. p. 64.
- ↑ a b c d e f g h i j k (id)Pluto[tumbu nonaktif] (diaksés tanggal 1 Desember 2011)
- ↑ a b c d e (id)Planet Pluto berubah warna[tumbu nonaktif] (diaksés tanggal 1 Desember 2011)
|
Artikel ngeunaan fisika ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |