Panonpoé
| |
| Data observasi | |
|---|---|
| Jarak rata-rata ti Marcapada | 150,000,000 km (93,000,000 mi) |
| Visual brightness (V) | −26.8m |
| Absolute magnitude | 4.8m |
| Physical characteristics | |
| Diaméter | 1,392,000 km |
| Diaméter éelatif (dS/dE) | 109 |
| Oblateness | ~9×10−6 |
| Lega beungeut | 6.09 × 1012 km² |
| Eusi | 1.41 × 1027 m³ |
| Massa | 1.9891 × 1030 kg |
| Massa rélatif ka Bumi | 333,400 |
| Dénsitas | 1.411 g/cm³ |
| Dénsitas rélatif ka Bumi | 0.26 |
| Dénsitas rélatif ka cai | 1.409 |
| Surface gravity | 274 m s−2 |
| Relative surface gravity | 27.9 g |
| Escape velocity | 618 km/s |
| Surface temperature | 5780 K |
| Temperature of corona | 5 × 106 K |
| Luminosity (LS) | 3.827 × 1026 J s−1 |
| Orbital characteristics | |
| Period of rotation | |
| At equator: | 27d 6h 36m |
| At 30° latitude: | 28d 4h 48m |
| At 60° latitude: | 30d 19h 12m |
| At 75° latitude: | 31d 19h 12m |
| Period of orbit around galactic centre |
2.2 × 108 yéars |
| Photospheric composition | |
| Hydrogen | 73.46 % |
| Helium | 24.85 % |
| Oxygen | 0.77 % |
| Carbon | 0.29 % |
| Iron | 0.16 % |
| Neon | 0.12 % |
| Nitrogen | 0.09 % |
| Silicon | 0.07 % |
| Magnesium | 0.05 % |
| Sulfur | 0.04 % |
.svg){kind=small}
Panonpoé (ᮕᮔᮧᮔ᮪ᮕᮧᮆ) nyaéta béntang na tatasurya urang. Planét Marcapada jeung sakabéh dulurna, boh planét terestrial atawa raksasa gas, ngurulingan Panonpoé. Nu séjénna nu ngurilingan Panonpoé kayaning astéroid, météoroid, komét, objék Trans-Neptunius, jeung, tangtu bae, kebul. Panonpoé salah sahiji barang langit anu jadi asal cahya alatan bisa ngahasilkeun sarta mancarkeun cahya sorangan. Panonpoé kaasup salah sahiji béntang ti mangmilyar-milyar béntang anu aya di angkasa.[1]
Sacara kimiawi, kira-kira tilu parapat massa panonpoé diwangun tina hidrogén, sedengkeun sésana lolobana mah diwangun ku Hélium.Sésa massana (1,69%, sarua jeung 5.629 kali massa Marcapada) diwangun ku élemén-élemén beurat siga oksigén, karbon, néon, jeung beusi.
Panonpoé kajieun kira-kira 4,6 miliar taun katukang kusabab luruhna gravitasi hiji wilayah dina jero méga molekul badag. Sabagéan badagna matéri kakumpul di tengah, samentara sésana ngaipisan jadi cakram nu medar nu engkéna jadi Surya Mandala. Massa puseurna beuki panas jeung padet anu matak ahirna ngamimitian fusi térmonuklir dina jero intina. Dikira-kira lamun kabéh béntang anu lianna kawangun ku prosés anu sarua. Klasifikasi béntang panonpoé, dumasar kana kelas spéktrumna, nyaéta béntang dérét utama G (G2V) jeung ogé osok diasupkeun kana katai konéng kusabab radiasi katempona téh leuwih katénjo dina porsi spéktrum konéng-beureum. Masingkeun warnana bodas, tina permukaan Marcapada, panonpoé katempo konéng kusabab nyampurna cahaya paul/biru di atmosfir. Numutkeun kana lébel kelas spéktrum,G2 nandakeun suhu permukaanna kira-kira 5778 K (5505 °C) jeung V nandakeun lamun panonpoé, jeung bararéntang anu lianna, mangrupa béntang dérét utama, anu matak energina kacipta ku fusi nuklir nukleus hidrogén ka jero hélium. Dina jero intina, panonpoé ngafusikeun 620 yuta ton métrik hidrogén satiap detik.
Ciri fisik jeung nu séjénna Édit
Panonpoé mangrupa béntang nu kaasup kelas spéktral G2, nu hartina béntang ieu téh leuwih badag sarta leuwih panas batan rata-rata, tapi ukuranana leuwih leutik batan béntang raksasa biru. Béntang G2 mibanda umur runtuyan utama kira 10 milyar taun; Panonpoé téh umurna kira geus 5 milyar taun, dumasar nukléokosmokronologi.
Mangpaat panonpoé Édit
Panonpoé geus dimangpaatkeun di loba belahan dunya sarta lamun diéksplotasi kalayan pas, énergi ieu miboga poténsi sanggup nyadiakeun kaperluan konsumsi énergi dunya ayeuna dina waktu anu leuwih lila. Panonpoé bisa dipaké sacara langsung pikeun mroduksi listrik atawa pikeun manaskan komo pikeun niiskeun. Poténsi mangsa ka hareup énergi surya ngan diwatesan ku kahayang urang pikeun néwak kasempetan. Aya loba cara pikeun ngamangpaatkeun énergi ti panonpoé. Tumbuhan ngarobah sinar panonpoé jadi énergi kimia kalayan ngagunakeun fotosintésis. Urang ngamangpaatkeun énergi ieu kalayan ngadahar sarta ngabeuleum kai. Najan kitu, istilah “tanaga surya” miboga harti ngarobah cahya panonpoé sacara langsung jadi panas atawa énergi listrik pikeun pamakéan urang. Dua tipe dasar tanaga panonpoé nyaéta “cahya panonpoé” sarta “photovoltaic” (photo- cahya, voltaic=tegangan)Photovoltaic tanaga panonpoé: ngalibatkeun pembangkit listrik ti cahya. Rusiah ti prosés ieu téh pamakéan bahan semi konduktor anu bisa disaluyukeun pikeun ngalepas éléktron, partikel boga muatan négative anu nyieun dasar listrik.[2] Bahan semi konduktor anu pangumumna dipaké dina sél photovoltaic nyaéta silikon, hiji élemén anu umum kapanggih di keusik. Kabéh sél photovoltaic miboga sahenteuna dua lapisan semi konduktor kawas éta, hiji boga muatan positif sarta hiji boga muatan négatif. Sabot cahya bersinar dina semi konduktor, lading listrik menyeberang sambungan di antara dua lapisan ngabalukarkeun listrik nyérélék, membangkitkan arus DC. Beuki kuat cahya, beuki kuat aliran listrik.[2]