Putu mayang
Page Modul:Infobox/styles.css has no content.
| Putu Mayang | |
|---|---|
 Putu Mayang | |
| Ngaran alternatif | Putu mayam, Idiyappam |
| Tempat asal | Indonésia , India, Sri Langka, Malaysia, jeung Singapur |
| Bahan utama | Aci hui, cipati, jeung gula beureum |
 Cookbook:Putu Mayang  Putu Mayang | |
Putu mayang (Aksara Sunda Baku: ᮕᮥᮒᮥ ᮙᮚᮀ) nyaéta kuéh tradisional nu dijieun tina aci hui atawa tipung béas nu bentukna kawas emih, dicampuran ku cipati kalapa, sarta disuguhkeun jeung kinca atawa gula beureum cair. Mun di Sunda mah disebutna kuéh bihun, pédah nyieunna tina bahan dasar bihun lantaran praktis, teu tanggel deui.
Di Indonésia ieu kuéh téh mangrupa bagéan tina seni kulinér Batawi.[1] Ngan meureun asal mulana ieu kuéh téh bisa jadi patali jeung kuéh putu mayam nu asalna ti India Kidul. Duanana mibanda bentuk adonan aci atawa tipung béas nu dicitak nyurup kawas gundukan emih. Ngan putu mayang Indonésia mah rada béda dibanding putu mayam India nu ogé bisa kapanggih di Sri Langka, Malaysia, jeung Singapur. Gumpalan putu mayang Indonésia leuwih ngahiji sarta kandel kalawan ukuran gundukan nu laleutik, sedengkeun putu mayam India mibanda lambaran emih nu leuwih lemes sarta ukuranna leuwih rubak.
Ngadahar ieu kuéh bisa dibanjur ku gula beureum jeung cipati, atawa ditambahan saeutik dipurulukan parudan kalapa kana éta gula putu mayang.
Rujukan
édit- ↑ "Kue Putu Mayang, Kuliner Khas Betawi Yang Langka". merahputih.com. Diakses tanggal 5 Maret 2016. Archived Maret 6, 2016, di Wayback Machine
|
Artikel ngeunaan dahareun jeung inuman ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |