Wikipédia

Imah

(dialihkeun ti Rorompok)

Harti lain tina imah tempo di Imah (disambiguasi).

Imah di Jalan Fishpool, St Albans, Inggris

Imah dina harti nu geus umum nyaéta struktur wangunan beunang manusa nu dihalangan atawa dipindingan ku dingding jeung diiuhan hateup.[1] Imah mangrupa hiji tempat keur nyingkahan présipitasi, kaanginan, kapanasan, katiisan, gangguan manusa jeung sato.[1] Masarakat sakapeung indit ti imah dina waktu sababaraha poé keur kaperluan digawé jeung rékréasi, tapi umumna balik deui ka imah nu boga fungsi utama keur saré.[1]Imah disebut ogé bumi; rorompok kagunaan utamana pikeun tempat jelema cicing beurang – peuting.[2][3]


Sacara umum imah mibanda hiji jalan asup, nu ilaharna mangrupa panto atawa gapura, kalawan bisa waé mibanda sababaraha jandéla atawa leuwih tihiji.[2] Tapi jaman kiwari mah, geus loba imah anu teu ngan ukur miboga hiji panto.[1]

Konsép imah

édit

Konsep imah urang Sunda aya 3:

  1. Buana nyungcung tayalian tempatna para déwa
  2. Buana Panca Tengah tempat hirup manusa jeung makhluk hirup séjéna
  3. Buana Larang tayalian tempat pikeun manusa anu geus tilar duanya. [4]

Carita

édit

Dina tradisi jeung adat masyarakat Sunda, imah panggung hartina henteu napel kana taneuh maksudna pikeun ngahormat ka jalma nu tos teuaya dikieuna. [4]

Sajarah

édit

Imah geus dipaké tempat cicing ku manusa ti zaman pra-sajarah, mimiti dipaké salaku alternatif pikeun guha. Bahan, gaya, sarta cara nyieun wangunan geus robah-robah sajalan jeung waktu.

Imah urang Éropah barétona ukur mangrupa saung nu kamarna hiji nu ditempatan ku sakabéh kulawarga sarta ingon-ingon, keur ngajaga imah jeung pangeusina tetep haneut salila usum salju.

di antara conto tiheula (nurutkeun umur pangira-ngira nu ditéangan ku para arkéolog), imah nu has waktu harita nyaéta palafitte.

Bentuk séjén

édit
 
Imah di Wanaraja Garut (baheula)

Wangun séjén imah nyaéta apartemén (atawa flat), nu mangrupa salah sahiji tina sababaraha unit nu aya dina sababaraha tingkat, sarta dipisahkeun ku lantéy, pinding jeung panto tapi dihijikeun pikeun ngawangun hiji wangunan nu leuwih gedé tapi aya dina sahandapeun hiji hateup. Hiji imah nu eusina ukur dua apartemén disebut dupléks. Di Inggris, flat nu boga dua lantéy disebut maisonette. Mansion nyaéta hiji imah nu kacida gedéna, mindengna mah kacida pinuhna ku hiasan tur hargana mahal.[4]


Pangiuhan

édit

Bentuk pangiuhan (shelter) nu leuwih basajan batan imah di antarana dugout, ténda (tempo ogé kémah), camper, saung, hateup tanpa pinding, atawa struktur kalayan hateup jeung satengah pinding, saperti mindeng katemu dina halte beus, jeung gazébo.

Konstruksi

édit

Téknik konstruksi imah kiwari anu populér tanya lain ngagunakeun rangka baja ringan, utamanya di daérah anu susah kai keur bahan wangunan.

Imah Tradisional

édit

Bagian-bagian imah mibanda maksud jeung tujuanna, sanajan kiwari geus laleungitan alatan robahna bahan-bahan anu dipaké dina nyieun imah.[5] Ditempo tina kagunaanna, bagian-bagian dina imah téh kayaning:

  1. Golodog
  2. Kolong
  3. Tatapakan
  4. Tihang
  5. Palupuh
  6. Panto
  7. Jandéla
  8. Ampig
  9. Lalangit
  10. Hateup atawa suhunan
  11. Lincar
  12. Kuda-kuda
  13. Usuk
  14. Réng
  15. Pangheureut
  16. Pamikul
  17. Sisiku

Jeung sajabana <ref name=”Mua”_>

Tempo ogé

édit

Artikel

édit

Daptar

édit

Dicutat tina

édit
  1. ↑ a b c d H Nguyen, Nam (2018). Basic, Intermediate and Advanced Grammar and Composition In English-Sundanese. Jakarta: Nam H Nguyen. 
  2. ↑ a b Danadibrata, R. Alla (2018). Kamus basa SundaKamus basa Sunda, R. Alla Danadibrata. Jakarta: Wedalan Panitia Penerbitan Kamus Basa Sunda, gawe bareng PT Kiblat Buku Utama,jeung Universitas Padjadjaran. 
  3. ↑ Abdurahman Bambang Prawiro, Misno (2015). Pesona Budaya Sunda:: Etnografi Kampung Naga. Jakarta: Deepublish. p. 157. ISBN 9786232091047. Diakses tanggal (disungsi) 10 April 2020. 
  4. ↑ a b c Anwar, Hendi (2013). Rumah Etnik Sunda. Universitas Michigan: Griya Kreasi. p. 8. ISBN 9789796612116.  Disungsi24 Desémber 2020
  5. ↑ Muanas, Dasum (1998). Arsitektur Tradisional Daerah Jawa BaratMuanas. Jakarta: Departemen Pendidikan dan Kebudayaan RI. p. 41. ISBN - Check |isbn= value (bantuan).  Disungsi11 Juli 2023
Dicomot ti "https://su.wikipedia.org/w/index.php?title=Imah&oldid=658892"