Rukem
| Rukem | |
|---|---|
| |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | |
| Kulawarga: | |
| Génus: | |
| Spésiés: | Flacourtia rukam
|
| Ngaran binomial | |
| Flacourtia rukam Zoll. & Moritz. | |
Rukem atawa Rukam (dina basa laténna Flacourtia rukam) nyaéta salah sahiji jenis tangkal bungbuahan nu kawitna asli ti Kepulauan Nusantara[1]. Buahna téh tiasa didahar jeung loba hasiatna. Satacan dikonsumsi, buah rukem kudu dipencét kulitna heula supados leungit rasa kesed ti buahna.
Rukem téh kaasup kana génus Flacourtiae, buah ieu ogé kaasup ka jenis buah tropis nu seeur variétasna. Nu ngabédakeun hiji variétas jeung variétas séjén nyaéta warna, ukuran jeung kadar rasa amisna[2].
Buah rukem sok disebut plum India, Coffee plum, plum Runeala, jsb. Malaur, rukem téh teu aya hubunganana jeung plum nu kaasup ka génus Prunus.[2]
Sajarah
édit
Deskripsi mimiti ngeunaan rukem ditepangkeun ku hiji botanis Heinrich Zollinger, jeung Prof. Alexander Moritzi nu mangrupa naturalis nu asalna ti Suis. Ku sabab kitu, rukem sok dingaranan ogé Flacourtia rukam Zoll. & Moritz. Salain ti rukem, duanana ogé nu méré déskripsi ngeunaan tutuwuhan Schismatoglottis rupstris Zollinger & Moritzi.[3]
Morfologi
éditTangkal rukem teu gedé, ngagaduhan jangkung ngan 5-20 méter. Bagian batang ti tangkal rukem biasana bengkung, naon deuih tangkal nu geus déwasa. Dina caket pangkalna deui ngarancabang.[1]
Asup ka génus Flacourtiaceae, bunga ti tangkal ieu lumrahna miboga ukuran leutik. Bunga nu leutik ieu ogé lumrahna kaasup ka bunga nu teu sampurna, nanging aya sababaraha bunga rukem nu sampurna.[4]
.jpg)
Ajén gizi
éditBuah rukem loba kandungan serat nu alus kana prosés métabolisme awak. Rukem gé seeur ku vitamin nyaéta vitamin A[2] jeung vitamin C.[5] Kandungan mineral saperti kalsium, fosfor, zat beusi, jeung potasium ogé aya dina rukem.[2]
Mangpaat
éditBuah rukem
éditSeueur ku vitamin jeung mineral mawa buah rukem réa mangpaatna pikeun kaséhatan. Rukem nu boga kandungan serat jeung zat beusi nu luhur janten salah sahiji alesan rukem tiasa ngajegkeun gula darah.[5]
Buah rukem nu ngora dijadikeun obat pikeun ngobatan diaré jeung diséntri.[2] Buah rukem nu tacan asak tiasa dijieun keur bahan rujak, daging buahna tiasa diolah jadi selai jeung kolek. Buah rukem ogé tiasa diawétkeun ku cara disaatan atawa diasamkeun supados leuwih awét.
Batang tangkal rukem
éditBatang ti tangkal rukem nu kuat tiasa dijieun keur mébel, pakakas jeung parabot rorompok séjénna.[1]
Habitat & Sumebarna
édit
Rukem mimiti sumebarna ti wewengkon Malaya[6], ogé rea dibudidayakeun di ditu. Pasipatan budidaya rukem téh lain budidaya keur komérsil, nanging budidaya keur mangpaat jeung hasiatna pikeun obat-obatan.[2] Rukem pangsuburna mun dipelak di tempat sapertos leuweung rawa[6] atawa swamp forest. Ayeuna, tangkal rukem tiasa dipanggih di wewengkon Asia: India, China, Indonesia, Malaysia, Taiwan, Thailand, Vietnam.[6] Wewengkon di India tiasa manggihan rukem hususna aya di Andaman & Kepulauan Nikobar. Lamun di Indonesia, rukem seueur tumuwuh di Maluku.
Rujukan
édit- ↑ a b c Princes. "Panduan Lengkap Cara Budidaya Rukam atau Rukem Yang Kaya Akan Manfaat". FaunaDanFlora.Com (dalam en-US). Diakses tanggal 2022-02-21.
- ↑ a b c d e f "Rukam". specialtyproduce.com. Diakses tanggal 2022-02-23.
- ↑ "Inilah Peneliti Pertama Penyingkap Gunung Tambora 1847 - National Geographic". nationalgeographic.grid.id (dalam Indonesian). Diakses tanggal 2022-02-21.
- ↑ Lemke, David E. (23/02/2022). "A Synopsis of Flacourtiaceae". Aliso: A Journal of Systematic and Evolutionary Botany. https://pdfs.semanticscholar.org/d2a9/4fdc2e794a82264a118121243e0d712f98ad.pdf. Diakses pada 23/02/2022.
- ↑ a b "Rukam fruit, fresh, Benefits, Efficacy, Nutritional Content per 100 grams | Andra Farm". m.andrafarm.com. Diakses tanggal 2022-02-23.
- ↑ a b c "Flacourtia rukam Zoll. & Moritz | Species". India Biodiversity Portal. Diakses tanggal 2022-02-21.