SMA Negeri 1 Ciamis

sakola di Indonésia
(dialihkeun ti SMAN 1 Ciamis)

SMA Negeri (SMAN) 1 Ciamis nyaéta Sakola Menengah Atas Negeri anu aya di Kabupatén Ciamis. Alamat lengkepna di Jl Gunung Galuh No.37, Kalurahan Ciamis Kacamatan Ciamis, Kabupatén Ciamis, Jawa Kulon kalawan nomor NPSN 20211565.

SMA Negeri 1 Ciamis
Informasi
Diadegkeun15 Oktober 1959
JinisNegeri
AkréditasiA
Nomer Pokok Sakola Nasional20211565
Kapala SakolaSuarman Guntara
Jumlah kelas36 (X: 12, XI: 12, XII: 12)[Cat. 1]
Program/jurusan/
peminatan
IPA dan IPS
Rentang kelasX, XI, XII
KurikulumKurikulum Tingkat Satuan Pendidikan
Jumlah siswa1.406 siswa (39,06/kelas)[Cat. 2]
Alamat
LokasiJl Gunung Galuh No.37, Ciamis, Kac. Ciamis, Kabupatén Ciamis, Jawa Kulon, Indonésia
Telp./Faks.+62-265-771069
Koordinat7°19′50″S 108°21′19″E / 7.330528°S 108.355148°E / -7.330528; 108.355148
Situs webwww.sman1ciamis.sch.id
AfiliasiKamentrian Pangatikan jeung Kabudayaan Indonésia
Moto
MotoThe Gate for Your Future
  1. Jumlah ieu mangrupa jumlah ruang belajar anu layak. Jumlah sadaya rombongan belajar nyaeta 40 (X: 12, XI: 16, XII: 12).
  2. Jumlah ieu mangrupa rasio jumlah siswa jeung ruang belajar anu layak. Rasio kanggo jumlah siswa jeung rombongan belajar nyaéta 35,15/kelas.

Sajarah Archived 2023-05-29 di Wayback Machine édit

SMAN 1 Ciamis ngamimitian naratas taun 1959 ku tim pendiri anu dipingpin ku Rd. Dodo Natapura, Kepala SMPN 1 harita.

Dina tahap persiapan ieu, SMAN 1 Ciamis ayana di Amarjiwa, urut gedong SGB III Ciamis. Dina tanggal 15 Oktober 1959 SMA Persiapan Negeri Ciamis resmi dijadikeun SMA Negeri Ciamis kalayan SK Mendikbud nomor 72/SK/B/III/1959. Dina tanggal 1 April 1960, SMA Negeri Ciamis nembé miboga kapala sakola definitif, nyaéta Daman Saputra.

Sababaraha bulan ti harita SMA Negeri Ciamis robah alamatna jadi Jl. Ir. H. Juanda, sarta netep salila 3 taun di éta lokasi. Dina pertengahan taun 1963 pindah deui nempatan dua lokasi, nyaéta Sikuraja jeung Selagingga. Gedong heubeul dipaké ku SMEA Negeri Ciamis. Gedong anu ogé dipaké ku SLBN Ciamis ayeuna dijadikeun komplek Mess Dinas Pendidikan Kabupaten Ciamis. Nembé taun 1964, SMA Negeri Ciamis boga gedong sorangan di Jln. Gunung Galuh. Ieu wangunan diwangun ku Panitia Ngadegna Gedong SMA Negeri Ciamis anu dipupuhuan ku Pak Kaptén Atju Syamsudin, waktos harita ngajabat Komandan PEKUPER Ciamis. Panitia ieu junun ngawangun 1 unit sakola anu aya 23 ruang belajar satempat anu dilengkepan ku kantor, jamban, garasi jeung imah jaga.

Tanggal 7 Maret 1997 SMAN 1 Ciamis robah ngaranna jadi SMUN 1 Ciamis luyu jeung SK Mendikbud Nomor 035/0/1997 ngeunaan parobahan nomenklatur SMA jadi SMU. Sarta dina taun 2003 robah jadi SMAN 1 Ciamis luyu jeung Undang-Undang Républik Indonésia Nomor 20 Taun 2003 ngeunaan Sistem Pendidikan Nasional, anu dina Pasal 18 ayat 3 nyebutkeun: Pendidikan menengah wangun Sakola Menengah Atas (SMA), Madrasah Aliyah (MA), Sakola Menengah Kajuruan (SMK), jeung Madrasah Aliyah Kajuruan (MAK), atawa wangun-wangun sarimbag séjénna.

SMA Negeri 1 Ciamis perenahna di Jl. Gunung Galuh No. 37 Kalurahan Ciamis, Kacamatan Ciamis, Kabupatén Ciamis, Propinsi Jawa Kulon, kurang leuwih 500 méter kidul-kuloneun Kantor Bupati Kabupatén Ciamis. Lingkungan sabudeureun sakola dikurilingan ku padumuk anu kawilang padet. Padeukeut jeung masjid, pamakaman Bupati Ciamis baheula, Gelanggang Galuh Taruna (GGT) Ciamis, Stadion Galuh Ciamis, Terminal Ciamis, Pasar Ciamis, Stasion Ciamis, Kantor Dinas Pangatikan Kabupatén Ciamis, Puskésmas, SLTP 1 Ciamis, SLTP 4 Ciamis, SLTP 5 Ciamis, jeung sababaraha Sakola Dasar (SD).

SMA Negeri 1 Ciamis geus mekar jadi sakola tipe A lengkep. Utamana dina kaayaan éta, SMAN 1 Ciamis geus némbongkeun rupa-rupa préstasi anu bisa dibanggakeun, sakurang-kurangna bisa dijadikeun landasan harepan pikeun ngahontal éta tujuan. Janten teu kaleuwihan upami SMAN 1 Ciamis janten sakola mandiri anu berwawasan internasional luyu sareng motto GOALS (Global Oriented Absolute Leading School).

Pasilitas édit

Pikeun ngawujudkeun “Visi” sakola anu unggul jeung berorientasi global dumasar kana kaimanan jeung katakwaan, SMAN 1 Ciamis ngabogaan pasilitas pikeun ngarojong kana prosés pangajaran, sapertos:

  • Ruang Kapala Sakola
  • Ruang Wakil Kapala Sakola
  • Ruang Guru
  • Ruang Tata Usaha
  • Ruang Administrasi
  • Ruang Komite
  • Masjid Al - Kautsar
  • Perpustakaan
  • UKS
  • Ruang OSIS
  • Ruang PRAMUKA
  • Lab Komputer
  • Ruang NUANSA
  • Ruang Olahraga
  • Ruang Piket
  • Koperasi Siswa
  • Kantin
  • Lapangan Basket
  • Lapangan Voli
  • Lapangan Bulu Tangkis

Ékstrakurikulér édit

SMA Negeri 1 Ciamis ngagaduhan seueur kagiatan ékstrakurikulér, di antarana,

  • MPK
  • OSIS
  • PRAMUKA Ambalan Cìung Wanara - Dyah Pitaloka
  • IRM (Ikatan Remaja Mesjid) Al Kautsar
  • PALAGGA (Pencinta Alam Gunung Galuh)
  • PASKIBRA
  • PMR (Palang Merah Remaja)
  • KIR (Kelompok Ilmiah Remaja)
  • PUSTAKAWAN
  • NUANSA
  • Sepak Bal
  • Voli PA/PI
  • Futsal PA/PI
  • Baskét PA/PI
  • BKC PA/PI
  • Taekwondo PA/PI
  • Badminton PA/PI
  • OPTIK (Organisasi Pelajar TIK)
  • EC (English Club)
  • PKS (Patroli Keamanan Sekolah)
  • IPW (Ikatan Pendidikan Wirausaha)
  • KJ (Kawan Jurnal)
  • JC (Japanese Club)
  • ULTRAS

Tumbu luar édit

Sosial média édit