Solihin Gautama Purwanegara
Solihin Gautama Purwanegara dilandih Mang Ihin téh saurang inohong, pajuang, Gubernur Jawa Barat periode 1970 - 1974, sarta Purnawirawan bintang tilu (Letnan Jendral) nu gumelar di Tasikmalaya, Jawa Barat, 21 Juli 1926; umur 97 taun.[1] Anjeunna kapeto ngalungguhan jabatan Gubernur Jawa Barat ngaganti Mayjen Mashudi.[2]
| Letnan Jenderal TNI Purn. H. Solihin Gautama Purwanegara | |
|---|---|
| gumelar di Tasikmalaya, Jawa Barat, 21 Juli 1926; umur 97 taun | |
| Gubernur Jawa Barat ka-10 | |
| Masa jabatan 1970 – 1974 | |
| Présidén | Soeharto |
| Saméméhna | Mashudi |
| Sanggeusna | Aang Kunaéfi Kartawiria |
| Katerangan lian | |
| Gumelar | Solihin Gautama Purwanegara |
| Kabangsaan |  Indonesia
|
| Pameget/istri | Maryam Harmain |
| Profési | Militer |
| Ageman | Islam |
Bulan Juli 1965 Mang Ihin diangkat jadi Panglima ngaganti Yusuf anu meunang tugas anyar jadi mentri perindustrian.[3] Anjeunna kapapancénan numpes gorombolan Kahar Muzakkar di Sulawesi.[3] Hasilna henteu nguciwakeun, sabada ngajorag tuluy ngepung panyumputanna.[1] Antukna pasukan siliwangi anu dikomandoan ku Mang Ihin, hasil nyangkalak Kahar Muzakkar jeung balad-baladna, perenahna di hiji saung deukeut susukan Lasolo .[1]
Gerakan "gandrung tatangkalan" salah sahiji program kerja nalika anjeunna ngalungguhan jabatan gubernur Jawa Barat.[4] Hal ieu dumasar kana hasil panalungtikan anu hasilna ngébréhkeun hiji kaayaan kurangna kasadaran warga masarakat kana ngamumulé tur ngariksa lingkungan.[4] Aya sababaraha sabab anu ngabalukarkeun ieu kaayaan saperti:
- kurangna atikan ngeunaan lingkungan hirup (Phycopedagogical development),
- barudak didik henteu diwanohkeun kana cara jeung katangtuan miara lingkungan (socio-cultural development),
- ngeunaan régulasi ogé kacida héngkér, loba kénéh ais pangampih nu kurang daria palebah nanjeurkeun aturan pikeun singsaha waé anu ngahaja ngadon ngaruksak lingkungan (sociopolitical intervention).[4]
Ku alatan kitu anjeunna umajak ka sakabéh lapisan masarakat, pikeun ngawangun kasadaran dina ngamumulé lingkungan hirup.[4] Hal ieu ngajanggélék dina sababaraha program anu geus dilaksanakeun dina raraga ngawangun tur ngaronjatkeun kasadaran ngamumulé lingkungan, saperti: Karang taruna, PKK, Pramuka, jeung sajabana.[4]
Anjeunna sakulawarga kénging panglélér ti présidén Joko Widodo sareng jajaranna kaping 24 Juni 2017.[5] Dina éta kasempetan Mang Ihin teu poho nepikeun pangwawadi ka présidén ngeunaan pentingna ngajaga tur ngarawat kamanunggalan bangsa jeung pancasila, ku lantaran éta ideologi jeung dasar nagara urang.[5]
Tempo ogé édit
Dicutat tina édit
- ↑ a b c Abdullah, Taufik (2012). Malam Bencana 1965 Dalam Belitan Krisis Nasional: Bagian II Konflik Lokal, Volume 2. Jakarta: Yayasan Pustaka Obor Indonesia. ISBN 9789794618028.
- ↑ I. Soebari, Surasono (2008). Pensiun Preneur, pensiun sukses. Jakarta: Penebar Plus+.
- ↑ a b Usman Mhd, Syafaruddin (2010). Tragedi patriot dan pemberontak Kahar Muzakkar. Jakarta: Penerbit Narasi. ISBN 9789791681902.
- ↑ a b c d e Yuniarto, Dr. Bambang (2013). Membangun Kesadaran Warga Negara dalam Pelestarian Lingkungan. Yogyakarta: Deepublish. ISBN 9786027811430.
- ↑ a b Derr, Mark (2017-07-14). "Pesan Solihin kepada Jokowi". pikiran-rakyat. http://www.pikiran-rakyat.com/bandung-raya/2017/06/24/dijenguk-di-kediamannya-ini-pesan-solihin-gp-kepada-jokowi-403848. Diakses pada 2017-06-24
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |