Steven Spielberg
Steven Spielberg (gumelar di Cincinnati, Ohio, Amerika Serikat, 18 Désémber 1946; umur 78 taun) nyaéta salah saurang inohong dina widang pilem nu kasohor ti Amerika Serikat.[1] Ti semet yuswa 12 taun, Spielberg geus ngamimitian karirna di dunya film.[1]
| Steven Spielberg | |
|---|---|
 Steven Spielberg - 2017 | |
| Gumelar | gumelar di Ohio, 18 Désémber 1946; umur 78 taun[1] |
| Padumukan | Los Angeles, California, A.S.[1] |
| Atikan | California State University[1] |
| Pagawéan | Produser, Sutradara, Penulis Naskah[1] |
| Taun aktip | 1959–ayeuna[1] |
Biografi
éditSteven Allan Spielberg nyaéta putra ti pasangan Arnold Spielberg jeung Leah Frances.[2] Sepuhna duanana asli urang Rusia. [rujukan?] Steven méakkeun mangsa budakna di Haddon Township, New Jersey, Phoenix, Arizona, jeung California.[2]
Awal Karir
éditSteven nyuprih élmu di California State University, ngan manéhna di drop out lantaran salila kuliah manéhna bari ngungudag cita-citana di dunya film.[2] Sok sanajan kitu, harita Steven geus mimiti dipikawanoh salaku asistén diréktur dina film Barat klasik Wagon Trail (1957).[2] Di antara sababaraha karya mimitina, film Battle Squad, (1961) nu diangkat tina kajadian Perang Dunya II.[2] Manéhna ogé nyutradaraan film Escape to Nowhere taun 1961 nu nyaritakeun barudak leutik dina mangsa Perang Dunya II, nu salah saurang pamaénna nyaéta dulurna sorangan Anne Spielberg.[2]
Labél Mayor
éditSteven ngamimitian karir mayorna dina taun 1974 ngaliwatan film The Sugarland Express bareng jeung Goldie Hawn.[2] Ngaliwatan éta film, ngaran manéhna mimiti kasohor.[2] Tina éta film manéhna meunang batu luncatan, dina taun 1975 Steven nyieun film nu judulna Jaws.[2]
Karya-Karyana
édit- Amblin' (1969)[1]
- The Sugarland Express (1974)[1]
- Jaws (1975)[1]
- Close Encounters of Third Kind (1977)[1]
- Sekuel Indiana Jones: Raiders of the Lost Ark (1981), The Temple of Doom (1984), jeung The Las Crusade (1989)[1]
- E.T. - The Extra Terrestrial (1982)[3]
- Hook (1991)[3]
- Jurassic Park (1993)[3]
- The Lost World: Jurassic Park (1997)[4]
- Saving Private Ryan (1998)[4]
- A.I. Artificial Intelligence (2001)[4]
- Catch Me If You Can (2002)[4]
- The Adventure of Tintin (2011)[4]
Panghargaan jeung Kahormatan
éditSteven Spielberg kungsi dilélér sababaraha panghargaan di antarana nyaéta dilélér salaku Best Director tina film Saving Private Ryan jeung Schindler's List.[5] Salian éta manéhna ogé meunang panghargaan film terbaik pikeun film Schindler's List.[5] Steven ogé kungsi meunang 3 Piala Oscar, sarta 170 panghargaan nu séjénna.[4] Pikeun ngaprésiasi kana karya-karya manéhanana, ngaran Steven Spielberg di pajang di Holywood Walk of Fame di Los Angles Amerika Serikat.[6][7]
Rujukan
édit- ↑ a b c d e f g h i j k l "100 Tokoh Abad Ke-20 Paling Berpengaruh" kaca 292. Bandung: Penerbit NUANSA, 2011
- ↑ a b c d e f g h i Scott. "Steven Spielberg Biography". IMDb. Diakses tanggal 2017-05-02.
- ↑ a b c Biography.com Editors. "Steven Spielberg Biography.com". Biography.com. Diakses tanggal 2017-05-02.
- ↑ a b c d e f imdb.com. "Steven Spielberg - Filmography". IMDb. Diakses tanggal 2017-05-02.
- ↑ a b Charles L. P. Silet. "The Films of Steven Spielberg: Critical Essays". Performing Arts. Diakses tanggal 2017-05-02.
- ↑ Laura Bufano Edge. "Steven Spielberg: Director of Blockbuster Films". Juvenile Nonfiction. Diakses tanggal 2017-05-02.
- ↑ Steven Spielberg's favourite film of all time and how it inspired him Archived 2021-05-05 di Wayback Machine (May 5, 2021)