Sum 41 nyaéta grup musik asal Ontario, Kanada taun 1996 ku Deryck Whibley jwung Steve Jocz. Saacan disebut Sum 41, ieu grup musik maké ngaran Kaspir[1]. Aliran musik Sum 41 loba dipangaruhan ku NOFX jeung Bestie Boys, najan Sum 41 nyebut yén Judas Priest, Iron Maiden jeung Metallica salaku sumber inspirasina[1]. Najan aliran punk karasa kuatna dina musikna, tapi sakapeung sok didebatkeun ku para fans Sum 41, meureun ieu hal disababkeun aliran musik Sum 41 mangrupa campuran rupa-rupa aliran[1]. Personil Sum 41 ayeuna nyaéta Deryk Whibley (Vokal), Richard Roy (bass), jeung Steve Jocz (drum)[1].

Konsér Sum 41 di West Palm Beach Warped Tour 2010

DiskografiÉdit

Album pertama Sum 41 nyaéta HALF HOUR OF POWER anu dirilis ku Island Records taun 2000[1][2]. ieu album meunang platinum di Kanada. Album nu kadua nyaéta ALL KILLER NO FILLER (2001), anu meunang tilu platinum[1][2]. Taun 2002, Sum 41 ngarilis album DOES THIS LOOK INFECTED anu dirilis ku Island Records[2]. Album CHUCK dirilis taun 2004 masih ku Island Records[2]. Sum 41 ngarilis album GO CHUCK YOURSELF ku Aquarius Records taun 2006, diteruskeun ku UNDERCLASS HERO taun 2007[2]. Album anu pamungkas nyaéta SCREAMING BLOODY MURDER anu dirilis taun 2011 ieu ku Island Records[2].

RéférénsiÉdit

  1. a b c d e f Sum 41-Kapanlag.com (diaksés tanggal 5 Nopémber 2011)
  2. a b c d e f (en)Diskografi Sum 41 (diaksés tanggal 5 Nopémber 2011)