Taman Nasional Zion
Taman Nasional Zion nyaéta taman nasional anu perenahna di nagara bagian Utah, Amérika Sarikat. Taman nasional ieu mangrupa taman nasional anu munggaran anu aya di nagara bagian éta. Taman Nasional ieu kawentar ku Zion Canyon-na.[4]
| Taman Nasional Zion | |
|---|---|
IUCN Kategori II (Taman Nasional) | |
 Zion Canyon ti Angels Landing nalika soré | |
 | |
| Lokasi | Washington, Kane, jeung Iron counties, Utah, Amérika Sarikat |
| Kota pangdeukeutna | Springdale (kidul), Orderville (wétan) jeung Kota Cedar deukeut pintu asup Gawir Kolob |
| Lega | 146,597 acres (229.058 sq mi; 59,326 ha; 593.26 km2)[1] |
| Diadegkeun | 19 Nopémber 1919[2] |
| Nu nganjangan | 4,320,033 (tahun 2018)[3] |
| Pihak nu ngokolakeun | National Park Service |
| Ramatloka | Loka resmi |
Sajarah
édit
Kira-kira 12.000 taun ka tukang, aya mamot, sloth raksasa, sarta onta anu ngaliwat di wewengkon ieu. Ku sabab sok diporo ku jelema, sarta parobahan iklim, sasatoan ieu tungtungna punah. Urang Anasazi jeung Paiute nyicingan tempat ieu pikeun babaraha lila.[5]
Tuluy, di taun 1860-an, John Wesley Powell datang ka Zion pikeun lalampahan ilmiah di Utah Kidul. Manéhna bertahan di kondisi alam anu pohara ganasna. Ngan urang Anasazi, Paiute, jeung katurunan Éropa anu bisa bertahan di wewemgkon ieu.[5]
Ékosistem
éditSasatoan
édit.jpg)
Taman Nasional Zion nyaéta habitat pikeun 68 spésiés mamalia, 291 spésiés avés, 37 spésiés réptil jeung ampibi, sarta 8 spésiés pisces. Lolobana sasatoan di tempat ieu mangrupa sato nokturnal, nyaéta mahluk anu aktip pas peuting.[6]
Ampibia
édit.jpg)
Taman Nasional Zion nyaéta tempat pikeun cicingna genep spésiés bangkong, sarta hiji spésiés salamander. Kabéh bangkong ngalakukeun hibernasi salila mangbulan-bulan nalika usum tiris sarta sanggeus éta, kudu balik deui ka cai pikeun mijah. Di usum semi, nalika suhu naék jadi leuwih haneut, hujan jeung salju nyiptakeun kondisi anu pas keur bangkong pikeun barijil. Habitat ampibi taman nasional ieu ngawengku jujukutan, taneuh keusikan, ranca, tegalan, balong, situ, walungan, jeung leuweung.[7]
Spésiés ampibi anu aya di Taman Nasional Zion nyaéta Canyon Treefrog (Hyla arenicolor), Great Basin Spadefoot (Spea intermontana), Bangkong Tutul Beureum (Bufo punctactus), Bangkong Arizona (Bufo microscaphus microscaphus), Bangkong Macan Tutul Kalér (Rana pipiens), Bangkong Imah Kai (Bufo woodhousii), jeung Salamander Maung (Ambystoma tigrinum).[7]
Aves
éditDi taman nasional ieu, aya dua spésiés manuk anu kawentar, nyaéta Falkon Peregrine jeung Kondor Kalifornia.[8]
Di taun 1970, populasi Falkon Peregrine nurun drastis ku sabab pamakéan péstisida pikeun pepelakan nyababkeun beurit paraéh, anu antukna élang kakurangna dahareun, tuluy paraéh. Sakabéh populasi di Amérika Sarikat beulah wétan geus punah, sedengkeun di beulah kulon kari 10 persén deui. Tuluy, publikasi Silent Spring anu dipedalkeun ku Rachel Carson ngajéntrékeun alesan ilmiah anu nyababkeun jumlah élang ngurangan sarta éfékna kana ranté kadaharan. Publikasi ieu medalkeun gerakan lingkungan modéren anu nyababkeun dilarangna pamakéan DDT (bahan kimia anu nagbalukarkeun populasi élang nurun). Kiwari, geus aya 4.000 élang anu aya di taman nasional ieu ku sabab loba jelema anu sadar kana lingkungan ku cara teu maké deui DDT.[8]
Pisces
éditDi Taman Nasional Zion aya anak Walungan Virgin, anu jadi bagian ti Walungan Colorado anu leuwih gedé. Walungan ieu jaid habitat alami pikeun lauk-lauk di taman nasional ieu. Aya genep spésiés lauk asli di taman nasional ieu, tilu di antarana bisa kapanggih di Walungan Colorado, sedengkeun tilu lianna ngan aya di Walungan Virgin.[9]
DI taman nasional, populasi lauk asli Walungan Virgin kajaga ku sabab lingkunganna kajaga sarta diantepkeun sina alami. Ngan, di luar taman nasional, populasi lauk asli Walungan Virgin nurun ku sabab fragméntasi habitat jeung ayana spésiés lauk non-asli. Lauk pituin Taman Nasional Zion nyaéta Virgin River Spinedace (Lepidomeda mollispinis), Speckled Dace (Rhinichthys osculus), Flannelmouth Sucker (Catostomus latipinnis), jeung Desert Sucker (Catostomus clarki). Sedengkeun spésiés lauk anu diwanohkeun di ieu taman nasional nyaéta Rainbow Trout (Oncorhynchus mykiss), Cutthroat Trout (Oncorhynchus clarki), Brown Trout (Salmo trutta), Channel Catfish (Ictalurus punctatus), jeung Brook Trout (Salvelinus fontinalis).[9]
Insékta jeung lancah
éditTaman Naisonal Zion mangrupa habitat pikeun réa gegeremet (insékta) jeung lancah. Ku sabab kaayaan alamna anu matak nngarojong kana kahirupan gegeremet jeung lancah. Babaraha spésiés gegeremet anu aya di taman nasional ieu nyaéta Tarantula Hawk/Pepsis Wasp (Pompilidae hemipepsis), Darkling Beetle (Tenebrionidae coelocnemis), jeung Doodlebugs/Antlions (Myrmeleontidae neuroptera). Sedengkeun pikeun lancah, ngan aya hiji spésiés, nyaéta Tarantula (Theraphosidae aphonopelma).[10]
Mamalia
éditTaman Nasional Zion mangrupa "imah" pikeun loba mamalia. Kacatetkeun, aya kira-kira 68 spésiés mamalia, ti mimiti beurit kangguru leutik nepi ka domba bighorn anu badag. Mamalia anu sok aya di antarana nyaéta uncal bagal, rubah, kalong, domba bighorn, jeung tupai batu.[11]
Tuluy,aya hiji spésiés anu unik ti tempat ieu, nyaéta ucing ringtail, anu mangrupa dulurna rakun. Omnivora leutik ieu tara katempo, ku sabab maranéhna kakara kaluar upama kaayaan luar geus poék total.[11]
Tutuwuhan
édit.jpg)
Kalawan tingkat kaluhuran ti mimiti 3.700 nepi ka 8.700 kaki, Taman Nasional Zion miboga rupa-rupa komunitas tutuwuhan, ngarojong leuwih ti 1.000 spésiés tutuwuhan. Ku sabab béda tingkat kaluhuran, nyababkeun béda suhu, inténsitas cahaya panonpoé jeung kadar cai, anu matak béda-béda ogé tutuwuhan anu tumuwuhna. Éta 1.000 spésiés téh cicing di bioma anu béda-béda. Aya nu di riparian, saperti pakis, kembang liar, jeung lumut. aya nu di tegalan, saperti jujukutan, tuluy aya ogé anu di leuweung, saperti aspén jeung pines.[12]
Pariwisata
éditTaman Nasional Zion miboga poténsi pariwisata anu pohara gedéna, ku sabab kaéndahan alamna. Ieu kabuktian ku lobana jelema anu datang ka tempat ieu. Unggal taunna kira-kira aya opat juta wisatawan anu datang ka dieu.[4]
Kagiatan anu bisa dilakukeun di taman nasional ieu nyaéta ngéksplor kaéndahan Zion Canyon maké beus, naék gunung, leuleumpangan di sisi walungan, nérékél kana tebing, sarta kémping.[4]
Galéri
édit-
Kolob Canyon -
Zion Canyon -
Curug Kolob Arch -
Tarantula -
Aspén
.jpg)
.jpg)
.jpg)
Tingali ogé
éditRujukan
édit- ↑ "Listing of acreage as of December 31, 2012". Land Resource Division, National Park Service. Diakses tanggal March 31, 2013.
- ↑ "Zion-Mt. Carmel Highway and Tunnel". National Park Service. Diakses tanggal March 31, 2013.
- ↑ "NPS Annual Recreation Visits Report". National Park Service. Diakses tanggal March 11, 2019.
- ↑ a b c "11 Top Attractions & Things to Do in Zion National Park | PlanetWare". www.planetware.com. Diakses tanggal 2019-12-17.
- ↑ a b phone, please email us at zion_park_information@nps gov Contact Us. "History & Culture - Zion National Park (U.S. National Park Service)". www.nps.gov. Diakses tanggal 2019-12-14.
- ↑ phone, please email us at zion_park_information@nps gov Contact Us. "Animals - Zion National Park (U.S. National Park Service)". www.nps.gov. Diakses tanggal 2019-12-14.
- ↑ a b phone, please email us at zion_park_information@nps gov Contact Us. "Amphibians - Zion National Park (U.S. National Park Service)". www.nps.gov. Diakses tanggal 2019-12-14.
- ↑ a b phone, please email us at zion_park_information@nps gov Contact Us. "Birds - Zion National Park (U.S. National Park Service)". www.nps.gov. Diakses tanggal 2019-12-14.
- ↑ a b phone, please email us at zion_park_information@nps gov Contact Us. "Fish - Zion National Park (U.S. National Park Service)". www.nps.gov. Diakses tanggal 2019-12-17.
- ↑ phone, please email us at zion_park_information@nps gov Contact Us. "Insects, Spiders, Centipedes, Millipedes - Zion National Park (U.S. National Park Service)". www.nps.gov. Diakses tanggal 2019-12-17.
- ↑ a b phone, please email us at zion_park_information@nps gov Contact Us. "Mammals - Zion National Park (U.S. National Park Service)". www.nps.gov. Diakses tanggal 2019-12-17.
- ↑ phone, please email us at zion_park_information@nps gov Contact Us. "Plants - Zion National Park (U.S. National Park Service)". www.nps.gov. Diakses tanggal 2019-12-17.